កាលពីថ្ងៃទី 26 ខែកក្កដា ឆ្នាំ 2012 ក្រុមហ៊ុន Sony បានរៀបចំប្រកាសជាផ្លូវការ ទូរស័ព្ទ Sony គឺជាផ្នែកមួយនៃ Sony Electronics Representative Office នៅព្រះ រាជាណាចក្រកម្ពុជា ដែលសកម្មភាពនេះ វានឹងចូលរួមជាកំលាំងចលករសំរាប់ពន្លឿន ល្បឿនក្នុងលក្ខណៈជាបណ្តាញរវាងផលិតផលគ្រឿង អេឡិចត្រូនិករបស់ Sony មាន ដូចជា Smart Phone, Tablet ទូរទស្សន៍ និងកុំព្យូទ័រជាដើម ដែលបង្កើតបាននូវបទ ពិសោធន៍យ៉ាងអស្ចារ្យសំរាប់អតិថិជន។
ក្រុមហ៊ុន Sony បានបញ្ជាក់ឱ្យដឹងថា ទូរស័ព្ទ ស៊េរីថ្មីៗជាច្រើនម៉ូដែល ដែលកំពុងមានវត្តមាននៅទីផ្សារក្នុងប្រទេសកម្ពុជានៅក្នុងពេល នេះ សុទ្ធសឹងតែជាទូរស័ព្ទស្មាតហ្វូនស៊េរីទំនើបៗបំផុត ដែលសមត្ថភាពរបស់វាមិនត្រឹមតែ ផ្តល់នូវទំនុកចិត្តខ្ពស់នៅក្នុងការសន្ទនា ការកំសាន្ត ភាពទាន់សម័យនៃពេលបច្ចុប្បន្នរួម ជាមួយនិងតម្លៃពិសេសជាងគេប៉ុណ្ណោះទេ វាថែមទាំងមានសមត្ថភាពអាចប្រើប្រាស់នៅ ក្នុងទឹកបានទៀតផង តួយ៉ាងដូចជា Sony Xperia Go ជាដើម។ លោក Vincent Yip ដែលជានាយករងផ្នែកទីផ្សាររបស់ Sony South East Asia Singapore បានមាន ប្រសាសន៍ថា ជាមួយនឹង Sony Mobile ដែលជាផ្នែកមួយនៃគ្រួសារផលិតផលគ្រឿង អេឡិចត្រូនិក Sony យើងខ្ញុំអាចនឹងមានសមត្ថភាពខ្ពស់ក្នុងការប្រើប្រាស់ធនធានផ្នែក លក់ និងផ្នែកទីផ្សារ Sony និង Consumer AV Product Expertise ដើម្បីជួយជុំរុំញ ពាណិជ្ជកម្មនៅកម្ពុជា។ លោក បានបន្តថា Sony មានជំនឿថា មជ្ឈមណ្ឌលដែលទទួល សិទ្ធិពី Sony នឹងអាចទំនុកបំរុង ពាណិជ្ជកម្ម Sony Mobile នៅកម្ពុជាយ៉ាងជោគជ័យ។ ក្រៅពីការផ្តល់សេវាកម្មគាំទ្រដល់អតិថិជនដែលប្រើប្រាស់ Sony Mobile យើងខ្ញុំក៏នឹង បង្ហាញអតិថិជននូវការកំសាន្តគ្មានព្រំដែន ជាមួយបទពិសោធន៍ការឆ្លងកាត់ពីទូរទស្សន៍ និងកុំព្យូទ័រយួដៃមកកាន់ទូរស័ព្ទ Smart Phone និង Tablet បស់ Sony។
