នៅពេលលោកអ្នកចង់ចម្លងទិន្នន័យពីកុំព្យូទ័រចូលទូរស័ព្ទ ឬពីទូរស័ព្ទចូលព្យូទ័រ ប៉ុន្តែ លោកអ្នកមិនមានខ្សែ USB សម្រាប់ភ្ជាប់ទូរស័ព្ទអ្នកទៅកាន់កុំព្យូទ័រ។ ចឹងតើត្រូវធ្វើដូចម្តេច? ត្រូវខ្ចីខ្សែ USB ពីមិត្តភក្តិ ឬអ្នកដទៃរឺ? កុំទៅពិបាកអី…!ខណះពេលនេះខ្ញុំសូមបង្ហាញជូនលោកអ្នកនូវដោះស្រាយងាយៗជាមួយកូនកម្មវិធីដែលមានឈ្មោះថា “AirMore: File Transfer”។ កម្មវិធីមួយនេះអាចឲ្យយើងភ្ជាប់ទូរស័ព្ទដែលដំណើរការជាមួយ Android ទៅកាន់កុំព្យូរទ័រយួរដៃរបស់យើងដើម្បីចម្លងទិន្នន័យទៅមកបានយ៉ាងងាយស្រួលតាមរយះប្រព័ន្ធ Wi-Fi។ ហើយចំពោះការចម្លងទិន្នន័យចេញចូលដែលកម្មវិធីនេះធ្វើបានមានដូចជា រូបភាព វីដេអូ ចម្រៀង ឯកសាររដ្ឋបាល(Word, Excel Power Point, PDF…) និងជាពិសេសយើងអាចចាក់ចម្រៀងស្តាប់ បើកមើលសារ ផ្ញើរសារចេញ ថតលេខទូរស័ព្ទថ្មីៗចូលក្នុងសៀវភៅទូរស័ព្ទ (Contacts), ដំឡើងនិងលុបកម្មវីធី, ពិនិត្យមើលរាល់ Files System ទាំងអស់នៅក្នុងទូរស័ព្ទបាននៅលើវាដោយផ្ទាល់តែម្តង។
តម្រូវការ:
-ទូរស័ព្ទ Android និងកុំព្យូរទ័រ ដែលបានភ្ជាប់ឈ្មោះ Wi-Fi ដូចគ្នា
-កម្មវិធីបើកវ៉ិបសាយ “Google Chrome, FireFox, Safari”
-ដំឡើងកម្មវិធី AirMore: File Transfer លើទូរស័ព្ទ (អាចដំឡើង Free ពីក្នុង PlayStore)
របៀបប្រើប្រាស់:
ដំបូងយើងត្រូវតំឡើងកម្មវីធី “AirMore: File Transfer” នៅលើទូរស័ព្ទដៃរបស់យើងជាមុនសិន។ ក្រោយដំឡើងកម្មវីធីនេះលើទូរស័ព្ទដៃរួចរាល់ហើយ សូមចូលទៅកាន់កុំព្យូរទ័ររបស់យើងរួចបើកដំណើរការ Browser និងវាយពាក្យ web.airmore.com ក្នុងប្រអប់ Address Search។ ក្រោយមកអ្នកឃើញសញ្ញា “QR code” ដើម្បីឲ្យយើងស្កែនជាមួយកម្មវិធី “AirMore: File Transfer” លើទូរស័ព្ទដៃរបស់យើង។ ដូចនេះយើងបើកដំណើរការកម្មវិធី “AirMore: File Transfer” នៅលើទូរស័ព្ទដៃរួចចុចលើពាក្យ “SCAN TO CONNECT” ពេលនោះវានឹងបង្ហាញពីដំណើរការតភ្ជាប់រវាងទូរស័ព្ទជាមួយកុំព្យូរទ័រ ដោយវាមានដំណើរការយ៉ាងលឿនបំផុត។
ចំពោះរបៀបនៃការប្រើប្រាស់ទាំងឡាយលោកអ្នកអាចមើលលើអ៊ីនធើហ្វេសនីមួយៗក្នុង web.airmore.com នៅពេលដំណើរការភ្ជាប់បានរួចរាល់ដូចជា Download សម្រាប់ទាញយកទិន្នន័យចេញពីទូរស័ព្ទមកផ្ទុកលើកុំព្យូទ័រ, Upload File សម្រាប់ផ្ទេរទិន្នន័យពីកុំព្យូទ័រមកទូរស័ព្ទ, Upload Folder សម្រាប់ផ្ទេរទិន្នន័យពីកុំព្យូទ័រទាំងកញ្ចប់, delete សម្រាប់លុប Files ចេញពីទូរស័ព្ទ, install ប្រើសម្រាប់តម្លើងកម្មវិធីពីកុំព្យូទ័រ (APK File), Uninstall សម្រាប់លុបកម្មវិធីដែលបានដំឡើងចេញពីទូរស័ព្ទ, Backup សម្រាប់ទាញកម្មវិធីចេញពីទូរស័ព្ទជា APK File និង Set As Phone Wallpaper សម្រាប់ដាក់រូបហូមស្គ្រីននៅលើទូរស័ព្ទជាដើម។
បញ្ជាក់: ការចម្លងទិន្នន័យចេញចូលយឺត ឬលឿនអាស្រ័យលើល្បឿនអ៊ីនធើណិត(Wi-Fi) ដែលយើងបានប្រើ។
-សូមមើលរូបនៅពេលតំណើរការភ្ជាប់:
Step:1
Step:2
Step:3
.jpg)
Connected
