ដូចការគ្រោងទុកអញ្ចឹង បន្ទាប់ពីមានការជូនដំណឹងថា នឹងមានព្រឹត្តិការណ៍ដ៏ធំមួយដែលកើតមានឡើងសំរាប់កំពូលស្មាតហ្វូនសករាជថ្មីនៃកាមរ៉ា គឺកាលពីថ្ងៃទី 03 ខែមីនា 2018 នេះ នៅសណ្ឋាគារសុខាភ្នំពេញ ក្រុមហ៊ុន Samsung បានរៀបចំកម្មវិធីសម្ពោធជាផ្លូវការនូវទូរស័ព្ទ Samsung Galaxy S9 និង S9+ ដែលមានការអញ្ជើញចូលរួមពីតំណាងចែកចាយទូរស័ព្ទ Samsung រួមជាមួយនឹងភ្ញៀវកិត្តិយស ហើយនិងបណ្តាសារព័ត៌មានជាច្រើនរូប។
លោក Seungho Choi អគ្គនាយកគ្រប់គ្រងក្រុមហ៊ុន Thai Samsung កម្ពុជា បានមានប្រសាសន៍ថា៖ «ដោយសារតែមានការគាំទ្រពីសំណាក់អ្នកប្រើប្រាស់ទូរស័ព្ទដៃ Samsung ជាច្រើននៅក្នុងប្រទេសកម្ពុជា និងទូទាំងពិភពលោក លោកពិតជាមានមោទនភាព ដែលបានធ្វើការសម្ពោធជាផ្លូវការទូរស័ព្ទ Samsung Galaxy S9 និង S9+ ដែលជាកំពូលស្មាតហ្វូនភ្ជាប់ជាមួយកាម៉េរ៉ាទំនើបបំផុតនៅពេលនេះ។ នៅក្រុមហ៊ុន Samsung មានទស្សនៈថា យើងម្នាក់ៗប្តេជ្ញាចិត្តថានឹងខិតខំប្រឹងប្រែងបង្កើត បច្ចេកវិទ្យាថ្មីៗ ដែលធ្វើឲ្យជីវិតរបស់អ្នកប្រើប្រាស់កាន់តែទំនើប និងរីករាយជាមួយការចែករំលែកនូវបទពិសោធជាមួយអ្នកជុំវិញខ្លួន និងពិភពលោក។»
លោក Seungho Choi អគ្គនាយក បានបញ្ជាក់ថា សមត្ថភាពពិសេសបំផុតរបស់កំពូលទូរស័ព្ទដៃ Galaxy S9 និង S9+ នោះគឺបច្ចេកវិទ្យាកាមេរ៉ាចុងក្រោយបង្អស់ ដែលមានសមត្ថភាពចាប់យករូបភាពយឺតៗបំផុត (960fps) នៃសកម្មភាពណាមួយដែលអ្នក មិនអាចមើលទាន់នឹងភ្នែក ហើយអាចចាប់យករូបភាពបានយ៉ាងច្បាស់ល្អទោះនៅក្នុងទីមានពន្លឺតិចក៏ដោយ (F1.5)។ មិនត្រឹមតែប៉ុណ្ណោះ អ្នកប្រើប្រាស់អាចបង្កើត Emoji ដែលមានរូបរាងស្រដៀងនឹងរូបតុក្កតា ដើម្បីបង្ហាញពីខ្លួនគេ និងអារម្មណ៍ផ្ទាល់ខ្លួនបានយ៉ាងសប្បាយរីករាយ។
សូមជំរាបថា នៅក្នុងកម្មវិធីនេះ ក៏មានវត្តមានរបស់តារាចម្រៀង ឱក សុគន្ធកញ្ញា រួមជាមួយនឹងតារាសំដែង កញ្ញា មាន សូនីតា ដែលជាអគ្គរាជទូរសុឆន្ទៈសំរាប់ផលិតផល Samsung ចូលរួម និងបានផ្តល់នូវភាពរំភើបរីករាយដល់អ្នកចូលរួមទាំងអស់ ជាមួយការបង្ហើរសំនៀងយ៉ាងពិរោះនៅក្នុងកម្មវិធីនេះ ព្រមទាំងមានការផ្តល់ជូនពិសេស និងការចាប់ឆ្នោតផ្សងសំណាង និងកម្មវិធីកម្សាន្តផ្សេងៗទៀត ដែលមានតំណាងចែកចាយផលិតផលទូរស័ព្ទដៃ Samsung និងអ្នកសារព័ត៌មានជាច្រើនចូលរួមថែមទៀតផង។
ជាមួយនឹងវត្តមាននៃកំពូលស្មាតហ្វូនសករាជថ្មីនៃកាមរ៉ានៅពេលនេះ ក្រុមហ៊ុន Samsung បានសហការគ្នាជាមួយ ហ្គេម Vainglory ដែលជាហ្គេមទូរស័ព្ទដ៏ល្បីបំផុតទូទាំងពិភពលោក នឹងផ្តល់ជូនទឹកប្រាក់ចំនួន 50 ដុល្លារ សម្រាប់ទិញទំនិញទាំងអស់នៅក្នុងហ្គេមនេះរាល់ពេលដែលទិញ Galaxy S9 ឬ Galaxy S9+ផងដែរ។ សំរាប់ការដំទ្បើងហ្គេម Vainglory នៅលើទូរស័ព្ទដៃ Galaxy S9 ឬ Galaxy S9+ ដែលទើបនឹងចេញថ្មីនោះ ជឿជាកថា លោកអ្នក នឹងប្រាកដជាជក់ចិត្តដិតអារម្មណ៍ជាមួយនឹងរូបភាពច្បាស់ពិតៗ និងរស់រវើកជាងទូរស័ព្ទដទៃទៀត។
អ្វីដែលពិសេស សំរាប់ព្រឹត្តិការណ៍នេះ គឺថា អតិថិជនទាំងអស់នៅទូទាំងប្រទេសកម្បុជា អាចចាប់ផ្តើម កម្ម៉ង់ទុកជាមុននូវកំពូលស្មាតហ្វូនសករាជថ្មីនៃកាមរ៉ា Galaxy S9 និង S9+ នេះបានហើយ នៅតាមដេប៉ូចែកចាយ និងហាងទំនើបទូរស័ព្ទ Samsung ទាំងអស់ ដែលក្រុមហ៊ុន បានកំណត់នៅក្នុងប្រទេសកម្ពុជា ចាប់ពីថ្ងៃទី 03 ដល់ថ្ងៃទី 15 មីនានេះ ដែល Galaxy S9+ 256 GB មានតម្លៃ $999, Galaxy S9+ 128 GB មានតម្លៃ $949 និង Galaxy S9 128 GB មានតម្លៃ $859 រូមជាមួយនឹងការថែមកាដូទៀតផង។ សម្រាប់ព័ត៌មានបន្ថែម សូមទំនាក់ទំនងទៅកាន់លេខទូរស័ព្ទ 1800 20 32 32 ។
