បន្ទាប់ពីបង្ហាញវីដេអូរបស់ម៉ូដែល S531FL នៅពេលនេះ ខ្ញុំសូមណែនាំលេបថបថ្មីមួយទៀតពីក្រុមហ៊ុន ASUS ដែលមានរាងតូច ស្ដើង ស្រាល និង មានពណ៌ចម្រុះស្អាតទាក់ទាញគឺ VivoBook S431FL។ លោក អ្នកប្រហែលជាធ្លាប់បានដឹងអំពីព័ត៌មានខ្លះៗទាក់ទងនឹងម៉ូដែលថ្មីរបស់ ASUS ស៊េរី VivoBook S531 ដែលជាអំបូរតែមួយជាមួយនឹង VivoBook S431 នេះហើយ។
មិនខុសគ្នាពី VivoBook S531FL ប៉ុន្មាននោះទេ ដោយ VivoBook S431 នេះក៏មាន៥ពណ៌សម្រាប់ឲ្យអ្នកជ្រើសរើសទៅតាមចំណង់ចំណូលចិត្តរបស់អ្នកបានដែរ។ ហើយនេះពិតជាសាកសមជាមួយនឹងយុវវ័យសម័យថ្មីជាមួយនឹងពណ៌ដែលស្រស់លេចធ្លោមិនធ្លាប់មានពីមុនមក។ ក្រៅពីនេះ លេបថបនេះគឺមានរាងតូចល្មម ទំហំអេក្រង់ 14 អ៊ីង ទំងន់ 1.4 គីឡូក្រាម និងស្ដើងរហូតដល់ 18 មីលីម៉ែត្រឯណោះ។ ដូច្នេះ ចំពោះលេបថបមួយនេះគឺពិតជាមានភាពងាយស្រួលមែនទែនក្នុងការយកតាមខ្លួន។
សម្រាប់ការរចនាម៉ូតវិញ លេបថបនេះក៏មានបច្ចេកវិទ្យាថ្មីដែលហៅថា ErgoLift Hinge ធ្វើឲ្យលេបថបមួយនេះទប់លំនឹងអេក្រង់បានយ៉ាងល្អ ហើយជាមួយគ្នានេះដែរជួយរំកិលក្ដារចុចរបស់លេបថបឲ្យហើបឡើងបន្ដិចក្នុងកម្រិត 3.5 ដឺក្រ ដើម្បីជួយឲ្យអ្នកប្រើមានជំហរក្នុងការវាយឯកសារ និងមានភាពងាយស្រួល។ ក្រឡេកមកមើល Performance របស់លេបថបនេះវិញក៏មិនចាញ់នឹងលេបថបធំៗប៉ុន្មានដែរ។
VivoBook S431 នេះបំពាក់ដោយ Intel 8th Gen Core i5 និង RAM 8GB។ ប្រព័ន្ធផ្ទុកទិន្នន័យគឺមានរហូតដល់ 512GB PCle NVMe solid-state drive។ ដូច្នេះសម្រាប់ Content Creator ឬ ក៏អ្នកដែលមានបំណងចង់ក្លាយជា Content Creator ហើយមិនដឹងគួរប្រើលេបថបណាដែលអាចកាត់វីដេអូ Vlog នោះ អ្នកអាចសាកល្បងពិចារណា VivoBook S431 នេះបាន ព្រោះទាំងរូបរាង និងម៉ាស៊ីនគឺល្អនិងសាកសមបំផុត ប្រសិនបើអ្នកមិនចង់ប្រើលេបថបដែលធំៗពេកនោះទេ។
សម្រាប់ម៉ូដែលថ្មី ដែលមានលក្ខណះសម្បត្តិនេះ៖ Intel Core I5-8265U/LPDD3L-8GB{ON BD}/512G PCLE G3X2 SSD/MX250-2GB/14”FHD/Win10/Backpack, Mouse គឺមានតម្លៃ $789។