ទូរស័ព្ទ TECNO ត្រកូល POVA មានសេរីថ្មី 2 ម៉ូដែលទៀត នឹងវាយលុកចូលទីផ្សារកម្ពុជា ជាមួយតម្លៃសមរម្យបំផុត ដែលមានអេក្រង់ធំ កំលាំងថ្មខ្លាំងសាកថ្មលឿន និងបំពាក់បច្ចេកវិទ្យា 5G

លោកអ្នកប្រហែលធ្លាប់ស្គាល់ហើយនូវឈ្មោះTECNO POVA ដែលជាទូរស័ព្ទដៃកំរិតថវិការល្បីល្បាញដោយសារតែតម្លៃសមរម្យបំផុត ជាមួយសមត្ថភាពខ្ពស់ជាច្រើនធ្វើអោយទាក់ចិត្តអតិថិជនជាច្រើនក្នុងប្រទេសកម្ពុជាយើង។ ឥឡូវនេះក្រុមហ៊ុនTECNO បានបញ្ចេញទូរស័ព្ទឆ្លាតវៃត្រកូលPOVAរបស់ខ្លួន២ម៉ូដែលទៀតដែលមានឈ្មោះថា POVA Neo នឹង POVA 5G។ 

ក៏មិនខុសពីម៉ូដែលមុនៗដែរ POVA Neo គឺផ្តោតជាងគេទៅលើទំហំថ្មធំគ្មានគូរប្រៀប ៦០០០មីលីអំពែម៉ោង ដែលអាចអោយអ្នកប្រើប្រាស់រីករាយក្នុងការលេងហ្គេមបានរហូតដល់១៧ម៉ោង និងចាក់វីដេអូបាន២០ម៉ោងនិងអាចសាកបញ្ចូលវិញដោយដុំសាកល្បឿនលឿន ១៨វ៉ាត់ បញ្ចូលថ្ម ៣៥នាទី លេងហ្គេមបាន៥ម៉ោង។ អេក្រង់របស់ POVA Neo ជាប្រភេទតំណក់ទឹកទំហំ ៦.៨២អ៊ីង កំរិតបង្ហាញ HD+ បង្ហាញរូបភាពបានច្បាស់និងធំខ្លាំង ងាយស្រួលក្នុងការមើល YouTube Facebook លេងហ្គេមជាដើម ។ POVA Neo មានអង្គមចងចាំ 4GB និងអង្គផ្ទុកទិន្នន័យ 64GB។ 

ក្រឡេកមើល POVA 5G វិញគ្រាន់តែស្តាប់ឈ្មោះក៏ដឹងហើយ ថាទូរស័ព្ទនេះភ្ជាប់មកជាមួយបច្ចេកវិទ្យា 5G ដើរដោយបន្ទះឈីប Mtk D900 6nm ដែលជាបន្ទះឈីបខ្លាំងមួយក្នុងពេលបច្ចុប្បន្ន ជាមួយ RAM 8GB+RAMជំនួយ3GB និងអង្គផ្ទុកទិន្នន័យ128GB ក្រៅពីនេះ POVA 5G ក៏មានចំនុចពិសេសផ្សេងទៀតដូចជា៖ ទី១ POVA 5G ភ្ជាប់មកជាមួយអេក្រង់កំពូលធំ 6.9” FHD+ ជាមួយ Refresh Rate 120Hz លេងហ្គេមបានយ៉ាងរលូន។

ទី២ ប្រព័ន្ធផ្តត់ផ្គង់ថាមពលគ្មានដែនកំណត់ POVA 5G ទ្រទ្រង់ដោយថ្មទំហំ 6០០០ មីលីអំពែម៉ោង អស់បារម្ភក្នុងការសាកថ្ម និងអាចបញ្ជូលថ្មល្បឿនលឿន18វ៉ាត់ សាកថ្ម15នាទីលេងហ្គេមបាន3ម៉ោង។ ទី៣ កាមេរ៉ាដែលមានសមត្ថិភាពខ្ពស់ POVA 5G បំពាក់កាមេរ៉ាចចំនួន 3គ្រាប់ដែលមានទំហំសេនស័រដល់ 50មេហ្គាភិចសែល ថតរូបកំរិតHD និងថតវីដេអូ4K ឯកាមេរ៉ាខាងមុខមានទំហំ16មេហ្គាភិចសែលផ្តិតយករូបភាពសែលច្បាស់ស្អាតគ្រប់រូប។ 

អតិថិជនងាយស្រូលក្នុងការរកជាវបាននៅគ្រប់បណ្តាហាងលក់ទូរស័ព្ទដៃនៅជិតគាត់បំផុត ឬក៏នៅផ្សារសូរិយាជាន់ទី២។