បើសិនលោកអ្នកកំពុងស្វែងរកម៉ាស៊ីន Laptop ស៊េរីថ្មីដែលមានអនុភាពល្បឿនសមស្របទៅនឹងតម្រូវការការងារប្រចាំថ្ងៃរបស់លោកអ្នក!លោកអ្នកអាចក្រឡេកមកមើលលើ Laptop ម៉ូដែល MSI Cyborg 15 A12VF មួយនេះបាន ព្រោះថា ឡេបថប់ម៉ូដែលថ្មីមួយនេះត្រូវបាន MSI ធ្វើការឌីស្សាញឡើងមកជាមួយរូបរាងប្រកបដោយភាពរឹងមាំកម្រិត Premium បំពាក់អេក្រង់ធំទូលាយ និងមានកំលាំងម៉ាស៊ីនខ្លាំងក្លាអាចអូសកិច្ចការងារទូទៅបានរលូនប្រកបដោយទំនុកចិត្តបំផុត។
MSI Cyborg 15 A12VF ត្រូវបានក្រុមហ៊ុនបំពាក់មកជាមួយអេក្រង់ដែលមានល្បឿន refresh rate ខ្ពស់បំផុតដល់ទៅ 144Hz ដែលធ្វើឲ្យការប្រើប្រាស់បញ្ជាមុខងារ កម្មវិធីទូទៅនៅលើអេក្រង់ Laptop ស៊េរីថ្មីមានភាពរលូនដូចហោះអីចឹង។ អេក្រង់ Laptop ស៊េរីថ្មីនេះជាប្រភេទបន្ទះអេក្រង់ IPS-Level ទំហំធំទូលាយដល់ 15.6 អ៊ីង និងគាំទ្រកម្រិតបង្ហាញចេញ Full-HD (1920x1080px) ហើយជាពិសេសគែមអេក្រង់របស់ Laptop មួយនេះមានទំហំតូចស្តើងដែលកាន់តែធ្វើឲ្យផ្ទៃអេក្រង់មើលឃើញបានធំស្រឡះល្អ និងបើកដំណើរផ្ទាំងកិច្ចការងារបានច្រើនក្នុងពេលតែមួយថែមទៀតផង។
ចូលមកផ្នែកម៉ាស៊ីនរបស់ MSI Cyborg 15 A12VF វិញ គឺពិតជាមិនធ្វើឲ្យយើងខកចិត្តនៅពេលបានជាវយកទៅប្រើប្រាស់ឡើយ។ ដោយម៉ាស៊ីនរបស់ Laptop ស៊េរីថ្មីមួយនេះត្រូវបានក្រុមហ៊ុនធ្វើការដំឡើងមកជាមួយអង្គ CPU Intel-core i7 ជំនាន់ទី 12 លេខ 12650H ភ្ជាប់ដោយ CPU ចំនួន 10-core ដែលមាន 16-threads មានល្បឿន Over-clock ខ្ពស់ដល់ 3.50GHz ហើយអាច Boost បង្កើនល្បឿនខ្ពស់កប់បំផុតដល់ 4.70GHz។
ជាមួយគ្នានេះវាក៏មានភ្ជាប់ជាមួយ RAM ស៊េរី DDR5 ទំហំ 16GB មកស្រាប់រួមជាមួយ Nvidia GeForce RTX4060 GPU ទំហំ 8GB GDDR6 ព្រមជាមួយអង្គផ្ទុកទិន្នន័យល្បឿនលឿន M2 PCIe SSD ទំហំ 512GB។ ហើយសម្រាប់ទំហំរ៉េម និងទំហំផ្ទុកទិន្នន័យរបស់ MSI Cyborg 15 A12VF គឺអាចធ្វើការ Upgrade ទំហំបន្ថែមបានតាមការចង់បានផងដែរ។
ចំពោះគុណសម្បត្តិពិសេសៗបន្ថែមមួយចំនួនទៀតនៅលើ MSI Cyborg 15 A12VF មានដូច ថាមពលថ្មទំហំ 3-cell កំលាំង 53.5Whr, រន្ធ RJ45 Ethernet port, Wi-Fi 6, Bluetooth 5. 2, HDMI2.1 (4K@60fps), USB-C, USB-A និងគាំទ្រការដំឡើងជាមួយ Microsoft Windows 11-Home 64-bit ជាដើម។ MSI Cyborg A12VF មានទំងន់សរុប 1.98 គីឡូក្រាមតែប៉ុណ្ណោះ៕
