នៅពេលជ្រើសរើសរថយន្តថ្មីប្រភេទ Crossover ការពិចារណាលើជម្រើសទំហំម៉ាស៊ីន គឺជាកត្តាសំខាន់មួយដែលអាចជះឥទ្ធិពលយ៉ាងខ្លាំងដល់បទពិសោធន៍នៃការបើកបរ ប្រសិទ្ធនៃការស៊ីប្រេងឥន្ធនៈ ការពេញចិត្ត និងតម្លៃពេលលក់បន្ត។ សម្រាប់អ្នកបើកបរភាគច្រើន ពិតជាពិបាកក្នុងការសម្រេចចិត្តលើជម្រើសម៉ាស៊ីនរវាង 3 ស៊ីឡាំង និង 4 ស៊ីឡាំង។
នៅក្នុងផ្នែករថយន្តប្រភេទ Crossover ដូចជារថយន្ត MG ZS គឺបានបំពាក់មកជាមួយម៉ាស៊ីនសាំងចំនួន 4 ស៊ីឡាំង ហើយប្រភេទរថយន្ត Crossover មួយចំនួនទៀតនៅក្នុងទីផ្សារប្រទេសកម្ពុជាគឺមានភាពលេចធ្លោផ្សេងៗគ្នា ប៉ុន្តែសម្រាប់ទំហំម៉ាស៊ីនក៏ខុសៗគ្នាដែរ ដោយបានបំពាក់នូវម៉ាស៊ីនចំនួន 3 ស៊ីឡាំងប៉ុណ្ណោះ។ ដូច្នេះ ហេតុអ្វីបានជាអ្នកគួរពិចារណាជ្រើសរើសយករថយន្តដែលមានម៉ាស៊ីន 4 ស៊ីឡាំង តែមិនមែន 3 ស៊ីឡាំង?
ដំំណើរការបើកបរ និងកម្លាំង៖ វាមានអត្ថប្រយោជន៍ច្រើនពីម៉ាស៊ីន 4ស៊ីឡាំង គឺផ្តល់នូវកម្លាំងសេះ និងកម្លាំងរមួលខ្លាំង ដែលបង្ហាញពីការបង្កើនសំទុះ និងថាមពលប្រសើរជាងរថយន្តដែលមានម៉ាស៊ីន 3 ស៊ីឡាំង។ ទោះបីជារថយន្តប្រភេទ Crossover មួយចំនួនបានបំពាក់នូវម៉ាស៊ីន 3 ស៊ីឡាំងបន្ថែមជាមួយតួបូ ក៏ដំណើរការបើកបរនិងថាមពលរបស់ពួកគេនៅតែទាបជាងរថយន្តដែលមានម៉ាស៊ីន 4 ស៊ីឡាំងដែរ។
អ្នកអាចសាកស្រមៃថា បើរថយន្តមានបញ្ហាជាមួយតួបូ ដូច្នេះវានឹងដំណើរការតែម៉ាស៊ីន 3 ស៊ីឡាំងប៉ុណ្ណោះ ដែលបណ្តាលឱ្យរថយន្តមានដំណើរម៉ាស៊ីនកាន់តែទាប។ ម្យ៉ាងវិញទៀត តួបូដែលប្រើប្រាស់ជាមួយម៉ាស៊ីន 3 ស៊ីឡាំង អាចនឹងឆាប់ឡើងកំដៅលឿន ដោយសារតែតួបូនឹងប្រឹងធ្វើការខ្លាំងក្នុងពេលលោកអ្នកបើកបរផ្លូវឆ្ងាយ ឬការធ្វើដំណើរតាមផ្លូវល្បឿនលឿនជាដើម។
អាយុកាលប្រើប្រាស់ និងការថែទាំ៖ អាយុកាលប្រើប្រាស់រយៈពេលវែងគឺជាការពិចារណាដ៏សំខាន់សម្រាប់ការទិញរថយន្ត។ ជាទូទៅរថយន្តម៉ាស៊ីន 4ស៊ីឡាំង ត្រូវបានគេដឹងច្បាស់ថាផ្តល់នូវការប្រើប្រាស់បានអាយុកាលយូរជាងម៉ាស៊ីន 3ស៊ីឡាំង។ ការប្រើរថយន្តម៉ាស៊ីន 4 ស៊ីឡាំង គឺកាត់បន្ថយភាពការបារម្ភ ដោយសារតែសមត្ថភាពរបស់វាក្នុងការធ្វើការទៅកាន់ស៊ីឡាំងទាំង 4 គឺស្មើគ្នាផ្តល់នូវការបើកបរបានល្អប្រសើរ, ធ្វើឱ្យម៉ាស៊ីនរថយន្តមានអាយុកាលយូរ និងការថែទាំតិចបំផុត។ ទាំងនេះ ហើយដែលអាចនាំឱ្យផ្តល់ការសន្សំសំចៃខ្ពស់ដល់ម្ចាស់រថយន្ត និងធ្វើឱ្យរថយន្តដែលមានម៉ាស៊ីន 4 ស៊ីឡាំងជាជម្រើសប្រសើរបំផុតក្នុងការបើកបររយៈពេលវែង។
សមត្ថភាពអូសទាញ ឬបន្ទុក៖ សម្រាប់អ្នកដែលត្រូវការដឹកសម្ភារៈ ឬមានបន្ទុកធ្ងន់ ការបន្ថែមថាមពល និងកម្លាំងរមួលរបស់ម៉ាស៊ីន 4ស៊ីឡាំងក្លាយជាជម្រើសដ៏ចាំបាច់បំផុត។ រថយន្តប្រភេទ Crossover ដែលបំពាក់ដោយម៉ាស៊ីន 4ស៊ីឡាំងតែងតែមានសមត្ថភាពអូសទាញបានខ្ពស់ជាងម៉ាស៊ីន 3ស៊ីឡាំង។ សមត្ថភាពក្នុងការបន្ថែមថាមពល អាចជាកត្តាសម្រេចចិត្តខ្ពស់ និងត្រឹមត្រូវសម្រាប់អ្នកដែលត្រូវការរថយន្តថ្មីដែលអាចដោះស្រាយកិច្ចការបានជាប្រចាំ និងការដឹកធ្ងន់ជាដើម។
តម្លៃលក់ចេញបន្ត៖ រថយន្តដែលមានម៉ាស៊ីន 4 ស៊ីឡាំងគឺមានទិន្នាការរក្សាតម្លៃរបស់ខ្លួនបានល្អជាងរថយន្តដែលមានម៉ាស៊ីន 3 ស៊ីឡាំង។ តម្រូវការកាន់តែខ្ពស់សម្រាប់រថយន្តថ្មីដែលមានកម្លាំងខ្លាំង និងអាចប្រើប្រាស់បានច្រើនស្ថានភាព គឺផ្តល់តម្លៃលក់បន្តបានខ្ពស់ ដោយសារការប្រើប្រាស់កាន់តែយូរឆ្នាំ ដំណើរការថាមពលកាន់តែខ្សោយ ដូច្នេះរថយន្តដែលមានម៉ាស៊ីន 4 ស៊ីឡាំងគឺជម្រើសល្អ។ ប្រសិនបើអ្នកមានគម្រោងចង់លក់ ឬប្តូរស៊េរីរថយន្តប្រភេទ Crossover របស់អ្នកនាពេលអនាគត ការជ្រើសរើសរថយន្តដែលមានម៉ាស៊ីន 4ស៊ីឡាំងអាចផ្តល់លទ្ធផលហិរញ្ញវត្ថុបានល្អជាង។
ការជ្រើសរើសរថយន្តថ្មីប្រភេទ Crossover ដែលមានម៉ាស៊ីន 4 ស៊ីឡាំង គឺផ្តល់នូវអត្ថប្រយោជន៍ជាច្រើនដែលអាចបង្កើនបទពិសោធន៍ល្អៗនៃការបើកបររបស់អ្នក។ ដំណើរការម៉ាស៊ីនក៏ល្អ, ស្ថេរភាពដ៏មានប្រសិទ្ធភាពនៃការស៊ីប្រេងឥន្ធនៈ និងមានភាពធន់អាយុកាលប្រើប្រាស់បានយូរ បានធ្វើឱ្យរថយន្តម៉ាស៊ីន 4 ស៊ីឡាំង ផ្តល់នូវចំណុចល្អទាំងព្រមដែលបំពេញតាមតម្រូវការរបស់អ្នកបើកបរសម័យថ្មី។ ខណៈដែលរថយន្តម៉ាស៊ីន 3 ស៊ីឡាំង មានគុណសម្បត្តិ និងគុណវិបត្តិរបស់ខ្លួនដែលធ្វើឱ្យពួកគេក្លាយជាជម្រើសបន្ទាប់ពីម៉ាស៊ីន 4 ស៊ីឡាំង។
