ថ្ងៃទី ១២ កញ្ញា ២០១៤ Canon បានប្រកាសនូវកម្មវិធី ស្តីពីកិច្ចសហប្រតិបត្តិការ ជាមួយរោងចក្រ ផលិត ក្រដាស និង បណ្តាក្រុមហ៊ុនលក់ក្រដាសគ្រប់ប្រភេទ។ កម្មវិធីនេះ មានគោលបំនងផ្តល់ជូន អ្នក ប្រើប្រាស់ ម៉ាស៊ីនព្រីនប្រភេទប្រើ ទឹកថ្នាំ Canon PIXMA Pro នូវជំរើសក្រដាសគ្រប់ប្រភេទស្រប តាមតំរូវការឯកទេសផ្សេងៗ និងដើម្បីផ្តល់ជូននូវ ប្រភេទ ក្រដាសស្របតាមតំរូវការបោះពុម្ភ និងផ្តិត រូបភាពទៅតាមជំនាញអាជីពរបស់អ្នកប្រើប្រាស់កំរិតខ្ពស់ ក្នុងអាជីវកម្ម ឬ គំរោងនានា។
កម្មវិធីរបស់ Canon មួយនេះ ផ្តល់ជូនអ្នកប្រើប្រាស់នូវប្រភេទក្រដាសត្រឹមត្រូវស្របតាម ស្តង់ដារ របស់ម៉ាស៊ីនព្រីនម៉ាក Canon ខ្នាតធំ A3+/13 អ៊ិញ ដែលរួមមានម៉ាក PIXMA Pro-1 PIXMA Pro-10 និង PIXMA Pro-100 ហើយគ្រប់ប្រភេទក្រដាស ដែលមានលក្ខណៈត្រឹមត្រូវ ស្របតាម ស្តង់ដារនេះ ត្រូវមានតែមសំគាល់ PIXMA PRO Partner mark។ អ្នកប្រើប្រាស់ពិតជា ពេញចិត្តចំពោះប្រភេទ ក្រដាសរូបថតដែលមានតែមបង្ហាញ PIXMA PRO Partner ព្រោះប្រភេទក្រដាសទាំងនេះ សុទ្ធតែ ត្រូវបានឆ្លងកាត់ការធ្វើតេស្តសាកល្បងជាមួយម៉ាស៊ីនព្រីន PIXMA PRO គ្រប់ម៉ូឌែលទាំងអស់ដោយជោគជ័យ។ ជាមួយ ជំរើសក្រដាសច្រើន ប្រភេទទៅតាមឯកទេសសិល្បៈនេះ លោកអ្នកពិតជាមាន ទំនុកចិត្តក្នុងការគ្រប់គ្រងលើការងារផ្តិត រូបភាព តាមជ្រើសយកប្រភេទក្រដាសសាកសមបំផុតជា មួយប្រភេទរូបភាពរបស់លោកអ្នក។ ពិសេស ដើម្បីធានានូវ លទ្ធផលល្អ និង ភាពងាយស្រួលភ្ជាប់ ទៅកាន់បណ្តាញព័ត៌មាន លោកអ្នក អាច ស្វែងរកប្រភពព័ត៌មានជាក់លាក់ អំពី ICC Profile របស់ ប្រភេទក្រដាស នីមួយៗ ពីកម្មវិធីនេះ តាមរយៈគេហទំព័ររបស់ ដៃគូរោងចក្រផលិតក្រដាស និង ក្រុម ហ៊ុនជាសាខាចំនុះនានា។
ក្រោមការបញ្ចូលរួមគ្នានូវ ប្រភេទក្រដាស Canon សុទ្ធ និង ប្រភេទក្រដាសផ្តល់ដោយ ក្រុមហ៊ុន នានា ដែលគោរពតាម ស្តង់ដារ Canon ធ្វើអោយក្រុមហ៊ុន Canon មានលទ្ធភាពផ្តល់ជូនអ្នកប្រើប្រាស់នូវជំរើសដ៏ធំទូលំទូលាយសំរាប់ប្រភេទ ក្រដាសស្របតាមជំនាញ ឯកទេស និងតំរូវការ បោះពុម្ភ បែបអាជីពគ្រប់ប្រភេទ។
1. ស្តង់ដារ សំដៅលើប្រភេទក្រដាសដែលគោរពតាមស្តង់ដារ Canon ក្រោមការវាយតម្លៃលើគុណភាពស្តង់ដារពីរោងចក្រផលិតក្រដាស និង បណ្តាក្រុមហ៊ុនលក់ក្រដាសនានា។
2. Partner Mark: ដោយសារការដាក់បង្ហាញតែម Partner mark ស្ថិតក្រោមសិទ្ធិរបស់រោងចក្រផលិតក្រដាស និងក្រុមហ៊ុនលក់ក្រដាសនាំអោយប្រភេទក្រដាសដែលមានការបញ្ជាក់ស្តង់ដារមួយចំនួនមិនបានបង្ហាញនូវតែមនេះទេ។
3. ICC Profiles: ព័ត៌មានដែលប្រាប់ពី ទិន្ន័យពណ៌ ស្របតាមស្តង់ដាររបស់គណកម្មការពណ៌ អន្តរ ជាតិ (International Colour Consortium). ការប្រើប្រាស់ព័ត៌មានអំពីទិន្ន័យទាំងនេះអនុញ្ញាតិអោយ អ្នកប្រើប្រាស់អាចផ្លាស់ប្តូរទិន្ន័យពណ៌ឲស្របតាមប្រភេទម៉ាស៊ីនព្រីន និងប្រភេទក្រដាសសំរាប់ធ្វើការបោះពុម្ភ។