CANON ទទួលបានការគាំទ្រខ្លាំងបំផុតនៅក្នុងកម្មវិធីពិពរណ៍ CP+ 2014
យូកូហាមា – ជប៉ុនៈ CP+ Camera & Photo Imaging Show 2014 គឺជាកម្មវិធីពិពរណ៍កាមេរ៉ា និងផលិតផលរូបភាពដ៏ធំបំផុតប្រចាំឆ្នាំមួយរបស់ ប្រទេសជប៉ុន ហើយដោយឡែកក្នុងឆ្នាំ 2014 នេះ មានក្រុមហ៊ុនផលិតកាមេរ៉ា និងកែវឡែន ធំៗជាច្រើនចូលរួមក្នុងកម្មវិធីនេះ ក្រុមហ៊ុនទាំងនោះមានដូចជា CANON, SONY, FUJI FILM, NIKON, Sigma Corp, Carl Zeiss, Tamron និងក្រុមហ៊ុនផ្សេងៗទៀតជាច្រើន។
កម្មវិធីដ៏ធំនេះប្រព្រឹត្តទៅពីថ្ងៃទី 13 ដល់ 16កុម្ភៈ ឆ្នាំ 2014 ហើយក្នុងឆ្នាំនេះ ក៏ជាឱកាសមួយដ៏ពិសេសផងដែរ ដែលក្រុមការងារទស្សនាវដ្តី ពិភពអេឡិចត្រូ និក មានឱកាសបានទៅចូលរួមផ្ទាល់ក្នុងកម្មវិធីនេះ។ គួរបញ្ជាក់ផងដែរថា ក្នុងចំណោមក្រុមហ៊ុនជាច្រើនដែលចូលរួមតាំងបង្ហាញផលិតផលថ្មីៗរបស់ខ្លួន ក្រុមហ៊ុន CANON គឺជាក្រុមហ៊ុនមួយដែលទទួលបានការគាំទ្រខ្លាំងបំផុតពីសំណាក់អ្នកចូលរួមទស្សនា។ CANON បានធ្វើការបង្ហាញនូវកាមេរ៉ាថ្មីជាច្រើនម៉ូដែលរួមមានពពួកខ្សែស្រឡាយ PowerShot, IXUS, LEGRIA Mini, ម៉ាស៊ីនព្រីន និងប្រភេទ LEN ថ្មីៗជាច្រើនសំរាប់អ្នកទស្សនាអាចធ្វើការតេស្តសាកល្បងមើល។ ក្នុងចំណោមផលិតផលថ្មីៗទាំងនោះយើង មានផលិតផលមួយមួយចំនួនធំដែលទទួលបាន ការគាំទ្រឧទាហរណ៍ដូចជា ម៉ូដែល Canon PowerShot G1 X Mark II, Canon PowerShot N100 និង LEGRIA Mini X ជាដើម។
ពិធីកាត់ខ្សែបូរបើកសម្ពោធកម្មវិធី CP+ 2014
សកម្មភាពអ្នកទស្សនាស្តង់របស់ក្រុមហ៊ុន CANON ថតពីលើ
អ្នកទស្សនាកំពុងសាកល្បងផលិតផលកាមេរ៉ាថ្មីៗរបស់ CANON
PowerShot G1 X Mark II ជាប្រភេទ Compact Camera ដែលផលិតឡើងសំរាប់ផ្តល់ឱ្យអ្នកប្រើប្រាស់នូវគុណភាពរូបភាពខ្ពស់បំផុត។ ម៉ូដែល G1 X Mark II នេះ ជាជំនាន់ក្រោយរបស់ G1 X ហើយវាមានលទ្ធភាពចាប់យករូបភាពក្នុងកំរិត 12.8 មេហ្គាភិចសែល ហើយពិសេបំផុតនោះគឺវាមានសែនស័រប្រភេទ 1.5” CMOS ដែលជាប្រភេទសែនស័រមានទំហំ 4.5 ដង ធំជាងប្រភេទសែនស័រ 1/1.7” ដែលមានបំពាក់នៅលើប្រភេទ Compact Camera នាពេល បច្ចុប្បន្ន។ ក្រៅពីនេះ យើងនៅឃើញមាន Len ដែលមានកំរិត Aperture ធំជាងមុន (f2.0-3.9) និងអង្គគណនាប្រភេទថ្មីបំផុត DIGIC 6 ផងដែរ។ ចំពោះការតភ្ជាប់វិញ វាមានបំពាក់នូវបច្ចេកវិទ្យា WiFi និង NFC ថែមទៀតផង។
សកម្មភាពតេស្តសាកល្បងកាមេរ៉ា Canon PowerShot G1 X Mark II
PowerShot N100 ជាប្រភេទ Digital Compact Camera ថ្មីដែលមានលទ្ធភាពអាចចាប់យករូបភាពក្នុងកំរិត 12.1 មេហ្គាភិចសែល, សែនស័រ 1/1.7” CMOS, អង្គគណនា DIGIC 6។ ដោយឡែក លក្ខណៈពិសេសរបស់ PowerShot N100 នេះ គឺវាមានមុខងារ Dual Shot, Story Highlight ដែលអាច អោយអ្នកប្រើប្រាស់ជ្រើសរើសរូបភាពដែលបានថតរួចមកចងក្រងជាកំរងវីដេអូ និងការតភ្ជាប់ដ៏សំបូរបែបជាលក្ខណៈ WiFi និង NFC។
សកម្មភាពសាកល្បងផលិតផល PowerShot N100
LEGRIA Mini X ជាប្រភេទកាមេរ៉ាថតវីដេអូថ្មីបំផុតមួយរបស់ក្រុមហ៊ុន CANON ដែលត្រូវបានផលិតឡើងសំរាប់ចាប់យកចំណែកទីផ្សារថ្មី គឺសំរាប់អ្នកដែល ចូលចិត្តថតវីដេអូខ្លួនឯងបង្ហោះលើបណ្តាញសង្គមដូចជា Youtube និង Facebook ជាដើម។ Mini X មានទំហំតូច រូបរាងស្រស់ស្អាត, អេក្រង់អាចបត់ឡើង ចុះបានងាយស្រួលក្នុងការថតវីដេអូខ្លួនឯង និងមានបំពាក់នូវម៉ៃក្រូហ្វូនដែលអាចចាប់យកសំលេងបានច្បាស់ល្អកំរិតស៊ីឌី។
សកម្មភាពសាកល្បងផលិតផល Legria Mini X
ព្រឹត្តិការណ៌ពិព័រណ៍ពាណិជ្ជកម្មអន្តរជាតិកម្ពុជា ឆ្នាំ 2024 រយៈពេល 3 ថ្ងៃ នៅមជ្ឈមណ្ឌលពិព័រណ៍កោះពេជ្រ
Geely Galaxy E5 រថយន្តអគ្គិសនី Compact Electric SUV ស៊េរីថ្មី សាកពេញម្តង អាចបើកបរបាន 2,000 គីឡូម៉ែត្រ
Rolls-Royce Cullinan ជំនាន់ទីពីរឆ្នាំ 2025 បានបង្ហាញវត្តមានផ្លូវការណ៍ជាមួយការបំពាក់ម៉ាស៊ីន V12-twin Turbo
BYD Leopard 8 រថយន្ត SUV ស៊េរីថ្មីដែលមានកំលាំង 939 សេះ នឹងចេញលក់នៅទីផ្សារប្រទេសចិនឆាប់ៗខាងមុខនេះ
iPhone 16 Pro អាចនឹងមានកម្រិតពន្លឺអេក្រង់ខ្ពស់ជាង iPhone 15 Pro ប្រមាណ 20%
