EF70-200mm f/2.8L IS III USM និង EF70-200mm f/4L IS II USM lenses គឺជាកែវលែនកាមេរ៉ាជំនាន់ថ្មីកម្រិតអាជីពរបស់ក្រុមហ៊ុន Canon ដែលទើបតែបានបង្ហាញវត្តមានលើទីផ្សារក្នុងពេលថ្មីៗនេះ។ កែវលែនកាមេរ៉ាជំនាន់ថ្មីទាំងពីរស៊េរីនេះ ត្រូវបានក្រុមហ៊ុនធ្វើការអភិវឌ្ឍន៍ឡើងថ្មីចេញពីស្រឡាយ L-Series ដែលជាកែវលែនកាមេរ៉ាកម្រិតខ្ពស់បំផុតរបស់ Canon។ ជាមួយនឹងការអភិវឌ្ឍន៍ថ្មីនេះ Canon បានបង្កើនគុណភាពទៅលើកម្រិត optics utilizing one fluorite, 5 UD elements, 3.5 stops of shift type IS និងមុខងារ various mode selection ដែលផ្តល់នូវជម្រើសក្នុងការកំនត់ទៅលើមុខងារថតបានច្រើនតាមតម្រូវការ។
អ្នកប្រើប្រាស់អាចធ្វើការកំនត់ទៅលើមុខងារ optical performance នៃកែវលែនទាំងពីរនេះដើម្បីធ្វើការកែលម្អបន្ថែមគុណភាពរូបភាពអោយបានកាន់តែច្បាស់នៅពេលប្រតិបត្តិការថតនៅទីដែលមានពន្លឺខ្សោយខ្លាំង។ ជាមួយនឹងបច្ចេកវិទ្យា optics utilizing one fluorite និង 5-UD elements ដែលមាននៅលើកែវលែនកាមេរ៉ាទាំងពីរស៊េរីនេះវាជួយអោយការផលិតរូបភាព-វីដេអូបានក្នុងកម្រិតរីសូលូហ្ស៊ិនធំបំផុត និងមានកម្រិត Contrast ខ្ពស់ជាមួយកម្រិតពណ៌ច្បាស់។ កែវលែនស៊េរីថ្មីទាំងពីរនេះក៏ត្រូវបាន Canon ពង្រឹងទៅលើល្បឿនចាប់រូបភាពមានចលនា និងល្បឿន IS Performance មានសមត្ថភាពខ្ពស់ក្នុងការចាប់ចំនុចរូបភាព (Track) បានជាក់លាក់ និងការកំនត់កម្រិតទំហំ frame រូបភាពបានរហ័សជាងមុន។
នៅក្នុងនោះពួកវាក៏ត្រូវបានធ្វើការពង្រឹងទៅលើសមត្ថភាពបច្ចេកវិទ្យារក្សាលំនឹងកាមេរ៉ា ល្បឿនចាប់ប្លង់រូបភាព (focus) បានលឿន, ប្រើប្រាស់ប្រព័ន្ធ ring-type USM system ដោយប្រើនូវមុខងារ ultra-sonic frequency vibrations ដើម្បីបង្កើនកម្រិតល្បឿន AF បានលឿនបំផុត (high speed AF) ដែលអនុញ្ញាតិអោយអ្នកប្រើប្រាស់ចាប់យកប្លង់រូបភាពមានចលនាលឿនបំផុត។
បន្ថែមពីនេះកែវលែន Canon EF70-200mm f/2.8L IS III USM និង EF70-200mm f/4L IS II USM lenses មានភ្ជាប់នូវមុខងារ shift type stabilize ដោយប្រើប្រាស់នូវបច្ចេកវិទ្យា CIPA-standard IS-3.5 stops ជួយសម្រួលដល់ការថត super slow shutter speed បានកាន់តែមានភាពប្រសើរបំផុត។ ជាងនេះទៅទៀតពួកវាក៏មានភ្ជាប់នូវមុខងារ Air Sphere Coating (ASC) technology, 9-blade circular aperture, smoother bokeh quality សម្រាប់ផលិតរូបភាពព្រាលផ្ទៃបែប dramatic background blurring ថែមទៀតផង។
លោក Naohiko Hayashi ដែលជា Senior Director of Regional ICP Sales & Marketing, Canon Singapore បានមានប្រសាសន៍ថា “ដោយមើលឃើញនូវបច្ចេកវិទ្យារូបភាពដែលមានការកើនឡើងឥតឈប់ឈរ ហើយនិងការដាក់បង្ហាញចេញកាមេរ៉ា DSLR ថ្មីបំផុតរបស់យើងដែលមានគុណភាពខ្ពស់ក្នុងការបង្កើតរូបភាពផ្តល់ជូននូវបទពិសោធន៍ប្រើប្រាស់កាន់តែប្រសើរឡើងដល់អ្នកដែលចូលចិត្តខាងវិស័យថតរូប ដូច្នេះហើយទើបក្រុមហ៊ុនយើងបានធ្វើការផលិតចេញនូវកែវលែនកាមេរ៉ាទាំងពីរនេះឡើងដើម្បីបំពេញបន្ថែមទៅលើការបង្ហាញចេញនូវកាមេរ៉ា DSLR ជំនាន់ថ្មីរបស់យើង”។
លោកបន្តទៀតថា “យើងទទួលស្គាល់ថាកែវលែនកាមេរ៉ាទាំងពីរនេះគឺជាផ្នែកមួយដ៏សំខាន់បំផុតសម្រាប់អ្នកថតអាជីពដូចជាអ្នកថតរូបសារព័ត៌មាន កីឡា អ្នកចូលចិត្តថតរូបសត្វព្រៃ ទេសភាព និងថតរូបភាពបែបសិល្បះជាដើម។ ហើយដើម្បីផ្តល់នូវបទពិសោធន៍ថ្មីបំផុតអោយដល់ពួកគេក្នុងការបង្កើតកម្រងរូបភាពដ៏អស្ចារ្យ យើងបានធ្វើឱ្យប្រសើរឡើងគួរឱ្យកត់សម្គាល់លើសមត្ថភាព គុណភាព លទ្ធភាពប្រើប្រាស់ និងលំហែទាំលើកញ្ចក់កែវលែន L-Series របស់យើង”។
កែវលែនស៊េរី EF70-200mm f/2.8L IS III USM បង្គុំឡើងដោយកញ្ចក់កែវលែនចំនួន 23 ស្រទាប់ស្ថិតក្នុងក្រុម 19 (23 elements in 19 groups) មានកម្រិត aperture f/2.8 អាចធ្វើការ focus បានចំងាយ 1.2 ម៉ែត្រដំណើរការលើប្រព័ន្ធ Ring-Type USM drive system ហើយវាមានទំងន់ប្រមាណ 1480 ក្រាម។ រីឯកែវលែនស៊េរី EF70-200mm f/4L IS II USM បង្គុំឡើងដោយកញ្ចក់កែវលែនចំនួន 20 ស្រទាប់ស្ថិតក្នុងក្រុម 15 (20 elements in 15 groups) មានកម្រិត aperture f/4 អាចធ្វើការ focus បានក្នុងចំងាយ 1 ម៉ែត្រដំណើរការលើប្រព័ន្ធ Ring-Type USM drive system ហើយវាមានទំងន់ប្រមាណ 780ក្រាម៕