នៅក្នុងរយៈពេលប៉ុន្មានថ្ងៃនេះ មានពាក្យចចាមអារ៉ាមជាច្រើនដែលកំពុងតែកើតឡើង អំពីវត្តមាននៃកាសស្តាប់ស៊េរីថ្មី Beats earbuds ដែលនឹងភ្ជាប់ជាមួយនឹង AirPods ជំនាន់ថ្មីបំផុតរបស់ក្រុមហ៊ុន Apple។ សម្រាប់កាសស្តាប់ស៊េរីថ្មីនេះ អាចនឹងបង្ហាញខ្លួននៅក្នុងខែឧសភាខាងមុខនេះ ប៉ុន្តែប្រសិនបើអ្នកទន្ទឹងរង់ចាំថាអ្នកនឹងទទួលបាននូវពណ៌ច្រើនសម្រាប់ធ្វើការជ្រើសរើសនោះ អ្នកប្រហែលជាត្រូវធ្វើការរង់ចាំយូរបន្តិចហើយ។
កាសស្តាប់ Powerbeats Pro នេះអាចរកទិញបានតែជាមួយនឹងពណ៌ខ្មៅប៉ុណ្ណោះនៅពេលដែលវាដាក់លក់នៅខែក្រោយនេះ។ កាសស្តាប់នេះគឺមាន ៤ ពណ៌សម្រាប់ធ្វើការជ្រើសរើសគឺមានពណ៌ Ivory, Navy, Moss និង Black ។ មិនថាពណ៌ណាមួយដែលអ្នកធ្វើការជ្រើសរើសនោះទេ អ្នកនឹងទទួលបាននូវ Charging Case ពណ៌ខ្មៅ។ កាសស្តាប់នេះដាក់លក់នៅក្នុងតម្លៃ $249.95 នៅក្នុងទីផ្សារមួយចំនួន។
ដូចគ្នាទៅនឹងវត្តមានរបស់កាសស្តាប់ Apple Airports ដែលបង្ហាញខ្លួននៅក្នុងពេលថ្មីៗនេះ កាសស្តាប់ Powerbeats នឹងមានភ្ជាប់ជាមួយនឹងការបញ្ជាជាសំឡេង “Hey Siri” voice activation ហើយវាក៏អាចប្រើប្រាស់សម្រាប់ការស្តាប់តន្រ្តីបានរយៈពេល ៩ ម៉ោងផងដែរសម្រាប់កាសម្ខាងនោះ។ ប្រសិនបើអ្នកដាក់កាសស្តាប់នេះនៅលើ Charging Case នោះកាសស្តាប់នេះអាចប្រើប្រាស់បានរយៈពេលបន្ថែមដល់ទៅ 24 ម៉ោងជាមួយនឹងការបញ្ចូលថាមពលថ្មត្រឹមតែ 5 នាទីប៉ុណ្ណោះ៕
