no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Panasonic បានបង្ហាញវត្តមាន LUMIX S1R និង S1 ជាផ្លូវការហើយស្របពេលដែលការលក់របស់ខ្លួននៅកម្ពុជា គឺមានកំនើន 30%

កាលពីថ្ងៃទី 2 ខែកញ្ញា ឆ្នាំ 2019 នេះ ក្រុមហ៊ុន Panasonic ដែលជាក្រុមហ៊ុនផលិតគ្រឿងអេឡិចត្រូនិកឈានមុខគេរបស់ប្រទេសជប៉ុន បានធ្វើការសម្ពោធជាផ្លូវការនូវកាមេរ៉ា LUMIX S1R និង S1 ប្រភេទ Full-Frame Mirrorless ដំបូងបង្អស់របស់ខ្លួនមកកាន់ទីផ្សារកម្ពុជា ជាមួយនឹងការបំពាក់នូវបច្ចេកវិទ្យាថ្មីៗ ជាច្រើន ដើម្បីបំពេញតម្រូវការអ្នកប្រើប្រាស់ លើសមត្ថភាពថតវីដេអូដល់កម្រិត 4K (60p/50p) និងមានកម្រិត IOS រហូតដល់ 51200 ថែមទៀតផង។ 

 

no-alternative title

លោក Nagatoshi Maresuke ដែលជានាយកគ្រប់គ្រងក្រុមហ៊ុន Panasonic ប្រចាំតំបន់អាស៊ីប៉ាស៊ីហ្វិក បានមានប្រសាសន៍ថា អស់រយៈពេល 25 ឆ្នាំហើយ ដែល Panasonic បានណែនាំនូវបច្ចេកវិទ្យាសំខាន់ៗប្រកបដោយការច្នៃប្រឌិតខ្ពស់ ដែលឆ្លើយតបទៅនឹងតម្រូវការនៅក្នុងវិស័យឧស្សាហកម្មថតរូប។ នៅឆ្នាំ 2008 ក្រុមហ៊ុន បានអភិវឌ្ឍយ៉ាងខ្លាំងលើវិស័យថតរូប ដោយបានបញ្ចេញនូវម៉ាស៊ីតថតរូបឌីជីថល Single Lens Mirrorless មុនគេបង្អស់របស់ខ្លួន គឺ LUMIX G1។ ចាប់ពីពេលនោះមក ក្រុមហ៊ុនបានអភិវឌ្ឍផលិតផលម៉ាស៊ីនថតរូបរបស់ខ្លួន ជាមួយមុខងារប្រើប្រាស់ថ្មីៗ នាំមកដាក់ក្នុងម៉ាស៊ីនថតរូបដ៏តូច។ Panasonic បានដឹងពីសារសំខាន់នៃរូបភាព និងអំណាចរបស់វាដែលអាចផ្លាស់ប្តូរសង្គមបាន រួមជាមួយបច្ចេកវិទ្យាឌីជីថលឈានមុខគេ។

លោក Nagatoshi Maresuke បន្តឲ្យដឹងទៀតថា បន្ទាប់ពីបានប្រកាសអំពីការអភិវឌ្ឍន៍នៅក្នុងមជ្ឈមណ្ឌលពិព័រណ៍ Photokina នៅសហគមន៍អឺរ៉ុបកាលពីឆ្នាំ 2018 ពេលនេះ ក្រុមហ៊ុន Panasonic មានកិត្តិយសសូមធ្វើការណែនាំ និងសម្ពោធជាផ្លូវការកាមេរ៉ា LUMIX S1R និង S1 ដែលជាកាមេរ៉ាឌីជីថល Single-Lens Mirrorless ដំបូងបង្អស់របស់ Panasonic ដែលបំពាក់នូវសេនស័រ CMOS ទំហំ 35mm ប្រភេទ Full-Frame មកកាន់ប្រទេសកម្ពុជា។ កាមេរ៉ាថ្មីទាំង 2 នេះ ត្រូវបានដាក់ឲ្យប្រើប្រាស់នូវស្តង់ដារ L-Mount ក្រោមការសហការរវាងក្រុមហ៊ុន Sigma និង Leica។ ស្ដង់ដារ L-Mount បានអនុញ្ញាតឲ្យអ្នកប្រើប្រាស់អាចប្រើ Lens រួមគ្នាមកក្រុមហ៊ុនទាំង 3 លើកាមេរ៉ា LUMIX S1R និង S1 បានដោយគ្មានបញ្ហា។ 

លោក នាយកគ្រប់គ្រង បានបន្ថែមថា កាមេរ៉ា LUMIX ស៊េរី S នេះ មានសមត្ថភាពអាចផ្ដិតរូបភាពមានគុណភាពខ្ពស់ និងផ្ដល់នូវកម្រិតពណ៌ច្បាស់។ វាក៏មានល្បឿនចាប់រូបភាពបានលឿន ជាមួយប្រព័ន្ធ AF System និងមានម៉ាស៊ីន Venus Engine ប្រភេទថ្មីដែលអនុញ្ញាតឲ្យអ្នកប្រើប្រាស់ចាប់រូបភាពបានត្រូវប្លង់ស្របតាមចិត្តចង់បាន។ កាមេរ៉ានេះ ក៏មានមុខងារថតវីដេអូឈានមុខគេក្នុងឧស្សាហកម្មថតរូប កម្រិត 4K (60p/50p) ព្រមជាមួយនឹងមានមុខងារគ្រប់គ្រងឆ្លាតវៃផងដែរ។ 

នៅក្នុងព្រឹត្តិការណ៍នោះ អ្នកស្រី សម អក្ខរ៉ា ដែលជាម្ចាស់ហាងសប្បាយណាស់លក់កាមេរ៉ា និងជាតំណាងចែកចាយកាមេរ៉ា Panasonic នៅក្នុងប្រទេសកម្ពុជា បានមានប្រសាសន៍ថា គិតមកត្រឹមថ្ងៃនេះ កាមេរ៉ា Panasonic គឺមានគាំទ្រខ្លាំងមែនទែនពីសំណាក់អ្នកប្រើប្រាស់នៅកម្ពុជា ដោយសារតែសមត្ថភាពនិងគុណភាពរបស់កាមេរ៉ានេះ គឺបានផ្តល់អោយគ្រប់គ្នាពេញចិត្តជាមួយនឹងការងារដែកគ្រប់គ្នាបានធ្វើជាមួយនឹងកាមេរ៉ានេះ។ សម្រាប់ការលក់កាមេរ៉ា Panasonic នៅកម្ពុជា គឺមានកំនើន 30% ប្រៀបធៀបនិងឆ្នាំមុន។ អ្នកស្រី សម អក្ខរ៉ា បានបន្ថែមថា ជាមួយនឹងវត្តមានកាមេរ៉ាថ្មី LUMIX S1R និង S1 នៅកម្ពុជានៅពេលនេះ អ្នកស្រីមានជំនឿថា នឹងធ្វើអោយការលក់កាន់តែមានការកើនឡើងខ្លាំងជាងមុនជាមុន ដោយសារតែកាមេរ៉ានេះ គឺទំនើបខ្លាំងណាស់ប្រៀបធៀបជាមួយនឹងដៃគូរបច្ចុប្បន្ន។

សូមជំរាបថា កាមេរ៉ា LUMIX S1R ត្រូវបានក្រុមហ៊ុន Panasonic បានពង្រីកសមត្ថភាពដល់ 47.3 មេហ្គេភិចសែល ប្រភេទ Full-Frame មានសេនស័រ CMOS (ទំហំ 36mm x 24mm) មាន ISO 25600 ដែលផ្ដល់កម្រិត Resolution ខ្ពស់បំផុតនៅក្នុងឧស្សាហកម្មកាមេរ៉ាប្រភេទ Full-Frame Mirrorless។  LUMIX S1R ក៏មានបំពាក់នូវ High Resolution ជាមុខងារថ្មីដំបូងគេសម្រាប់កាមេរ៉ាប្រភេទ Full-Frame Mirrorless ដែលអាចឲ្យយើងថតរូបបានច្បាស់កម្រិតខ្ពស់បំផុតដល់ 187 មេហ្គាភិចស៊ែល។

ដោយឡែក កាមេរ៉ា LUMIX S1 វិញមានទំហំកាមេរ៉ា 24.2 មេហ្គេភិចសែល ប្រភេទ Full-Frame ដូចគ្នា និងមានសេនស័រ CMOS (ទំហំ 35.6mm x 23.8mm) មាន ISO 51200 ដែលជួយឲ្យរូបភាពមានពន្លឺចូលគ្រប់គ្រាន់ និងជួយឲ្យសាច់រូបស្អាតបែបធម្មជាតិ ហើយត្រូវបានប្រើប្រាស់យ៉ាងច្រើនក្នុងវិស័យថតវីដេអូលក្ខណៈអាជីព។ វាមានសមត្ថភាពថតវីដេអូដល់ 4K បានយ៉ាងល្អលើកម្រិត 60p/50p និងផ្ដល់នូវគ្រាប់ភិចសែលបានពេញលេញ (Full-pixel) លើវីដេអូ 4K កម្រិត 30p/25p ដើម្បីផ្ដល់ភាពស្រស់ស្អាតគ្រប់ឈុតទាំងអស់នៃវីដេអូ។ លើសពីនេះទៀត LUMIX S1 ក៏បានអនុលោមតាមខ្នាត 4:2:2 10-bit សម្រាប់ 4K 30p/25 និង 4K 60p/50p ហើយក៏មានរន្ធតភ្ជាប់ HDMI ក៏ដូចជា V-Log ជាដើម។ 

ប្រព័ន្ធ Contrast AF System កម្រិតខ្ពស់របស់ Panasonic ក៏បានភ្ជាប់មកជាមួយនឹងបច្ចេកវិទ្យា DFD ដែលត្រូវបានវិវឌ្ឍន៍ឡើងតាមស្របតាមការអភិវឌ្ឍន៍នៃកាមេរ៉ា Mirrorless ដើម្បីធ្វើឲ្យប្រព័ន្ធ AF System នៃកាមេរ៉ា LUMIX S1R/S1 កាន់តែធ្វើការបានពេញទំហឹង។ LUMIX S1R/S1 ក៏មានបំពាក់នូវបច្ចេកវិទ្យាទប់លំនឹង (Image Stabilizer) និង  O.I.S. (Optical Image Stabilizer, 2-axis និង Dual I.S.2 ) ជួយឲ្យការកាន់ថតដោយដៃអាចរក្សាលំនឹងបានល្អ។ 

ជាមួយគ្នានេះ ក្រុមហ៊ុន Panasonic ក៏បានដាក់ចេញនូវ Lens ស៊េរីថ្មីចំនួន 3 ដែលអាចប្រើជាមួយកាមេរ៉ាទាំង 2 គឺ LUMIX S PRO 50mm F1.4 (S-X50), LUMIX S PRO 70-200mm F4 O.I.S. (S-R70200)  និង LUMIX S 24-105mm F4 MACRO O.I.S. (S-R24105) មកជាមួយដែរ៕

 

no-alternative title

no-alternative title
ព័ត៌មានពាណិជ្ជកម្ម