សព្វថ្ងៃនេះ មានកុំព្យូទ័រ MSI ជាច្រើន គឺទទួលបាននូវការកោតសរសើរយ៉ាងខ្លាំង ដោយសារតែផលិតផលនេះ មានបំពាក់នូវរបកគំហើញនៃបច្ចេកវិទ្យាថ្មីៗ និងការប្រើប្រាស់នូវសិល្បៈដ៏ទំនើប មានសមត្ថភាពដ៏ខ្លាំងក្លាថែមទៀតផង។ ក្រុមហ៊ុន MSI បានបញ្ចេញនូវកុំព្យូទ័រយួរដៃអាជីវកម្មរបស់ខ្លួនតាមរយៈនៃការប្រកាសចេញនូវកុំព្យូទ័រប្រណិតៗជាច្រើន ដែលមានគោលដៅក្នុងការពង្រឹងទៅលើផ្នែកអាជីវកម្ម និងផលិតភាពការងាររបស់អ្នកប្រើប្រាស់ថែមទៀត។
នៅពេលនេះ ក្រុមហ៊ុន MSI បានប្រកាសជាផ្លូវការនូវកុំព្យូទ័រស៊េរីថ្មី Summit E13 Flip Evo និង Summit E16 Flip ដែលទទួលបាននូវពានរង្វាន់ “Best of CES 2021” ។ សម្រាប់កុំព្យូទ័រទាំងពីរនេះ មានការឌីស្សាញយ៉ាងល្អឥតខ្ចោះ ហើយវាក៏ប្រើប្រាស់ជាមួយនឹង MSI Pen ដែលឈ្នះនូវពានរង្វាន់ CES innovation awards និង USB-C Docking Station Gen 2 ថែមទៀត។ ផលិតផលថ្មីៗនេះគឺជាដំណោះស្រាយដ៏ល្អបំផុតសម្រាប់អ្នកអាជីវកម្មជាច្រើនអោយបានដឹងអំពីកុំព្យូទ័រដែលមានរូបរាងប្រណិត ងាយស្រួលចល័ត និងងាយស្រួលប្រើប្រាស់បំផុតថែមទៀតផង។
ការឆ្ពោះទៅមុខដើម្បីទទួលបាននូវជោគជ័យជាមួយនឹងកុំព្យូទ័រ Summit E13 Flip Evo
សម្រាប់កុំព្យូទ័រ Summit E13 Flip Evo ដែលទទួលបាននូវពានរង្វាន់ “Best of CES 2021” នេះ គឺថែមទាំងមានការប្រើប្រាស់នូវក្រោមច្បាប់ “Golden Ratio” ថែមទៀតផង។ កុំព្យូទ័រនេះ មានការច្នៃប្រឌិតខ្ពស់ និងការឌីស្សាញយ៉ាងប្រណិតបំផុត។ កុំព្យូទ័រ Summit E13 Flip Evo 2-in-1 នេះ មានអេក្រង់ទំហំ 13-inch ទម្ងន់ស្រាល និងងាយស្រួលក្នុងការបត់បែន។ កុំព្យូទ័រនេះមានឡូហ្គោយ៉ាងស្រស់ស្អាត និងអេក្រង់ 16:10 ដែលធំងាយស្រួលក្នុងការអាន និងការធ្វើការងារបានយ៉ាងមានប្រសិទ្ធិភាពខ្ពស់បំផុត។
បើនិយាយអំពីតួខ្លួនរបស់កុំព្យូទ័រនេះវិញនោះ គឺពិតជាមានភាពស្រស់ស្អាតជាមួយនឹងការបំពាក់នូវ 360-degree hinge ដែលពិតជាអស្ចារ្យមែនទែន។ កុំព្យូទ័រនេះ គឺមានសម្បកពណ៌ Ink-Black និង Pure-White ដែលពិតជាប្លែក និងទាន់សម័យមែនទែន និងការបង្ហាញអំពីរសនិយមថ្មី ។
គួរបញ្ជាក់ថា សម្រាប់កុំព្យូទ័រអាជីវកម្មនេះ MSI តែងតែផ្តល់នូវភាពរឹងមាំល្អឥតខ្ចោះក្នុងការប្រើប្រាស់។ នៅក្នុងការផ្ទៀងផ្ទាត់ដោយវិញ្ញាបនបត្រ Intel® Evo™ platform នោះ កុំព្យូទ័រ Summit E13 Flip Evo នេះមានកម្លាំងម៉ាស៊ីនយ៉ាងខ្លាំងក្លា។ វាមានបន្ទះឈីប Intel® Core™ i7 processor ជំនាន់ទី 11 និងក្រាហ្វិកកាតប្រភេទ Intel® Iris® Xe ហើយវាមានទម្ងន់ស្រាលជាងមុនដល់ទៅ 10%។ កុំព្យូទ័រ Summit E13 Flip Evo នេះអាចប្រើប្រាស់បានដល់ទៅ 20 ម៉ោង។ បន្ថែមពីនេះទៀតនោះ កុំព្យូទ័រនេះ មានបច្ចេកវិទ្យា Wi-Fi 6E ចុងក្រោយបំផុតដែល ធ្វើអោយបណ្តាញ Network ដំណើរការបានយ៉ាងរលូន និងប្រសិទ្ធិភាពបំផុត។
បន្ថែមពីនេះ ក្រុមហ៊ុន MSI ក៏បំពាក់នូវរន្ធដោត Thunderbolt™ 4 នៅលើកុំព្យូទ័រ Summit E13 Flip Evo ដែលអនុញ្ញាតអោយអ្នកប្រើប្រាស់អាចសាកថ្មម៉ាស៊ីនកុំព្យូទ័រនេះបានលឿន និងការបញ្ចូនទិន្នន័យបាននៅក្នុងល្បឿន 40 Gbps ថែមទៀត។ សម្រាប់ PCIe Gen4 SSD អាចពង្រឹងទៅលើប្រសិទ្ធិភាពនៃការធ្វើការងារប្រចាំថ្ងៃ និងមានរលកសញ្ញាកាន់តែប្រសើរជាងមុនថែមទៀត។ អ្វីដែលសំខាន់ជាងនេះទៀតនោះ កុំព្យូទ័រនេះរក្សានូវសុវត្ថិភាពខ្ពស់តាមរយៈប្រព័ន្ធ TPM2.0 ។ សម្រាប់កាមេរ៉ានៅលើម៉ាស៊ីន Summit E13 Flip Evoនេះអាចធ្វើការការពារបានយ៉ាងមានប្រសិទ្ធិភាពខ្ពស់។ កនា់តេពិសេសជាងនេះទៀតនោះ វាក៏មានបំពាក់នូវបច្ចេកវិទ្យា MSI AI Noise CancellationនិងNoise Reduction CAM ដែលផ្តល់នូវសំឡេងលឺច្បាស់យ៉ាងល្អឥតខ្ចោះថែមទៀត។
កុំព្យូទ័រ Summit E16 Flip ដែលមានកម្រាស់ស្តើងបំផុត 16-inch 2-in-1
សម្រាប់កុំព្យូទ័រ Summit Series នេះក៏មានវត្តមានជាមួយនឹងប្រភេទ version ធំជាងមុននោះគឺ Summit E16 Flip ។ នេះគឺជាកុំព្យូទ័រដែលមានកម្រាស់ស្តើងបំផុតប្រភេទ 16-inch 2-in-1 ។ វាមានការឌីស្សាញជាមួយនឹងពណ៌ Ink-Black ដែលល្អបំផុតនៅក្នុងការប្រើប្រាស់នៅក្នុងការិយាល័យ ហើយវាក៏មានរូបរាងស្តើងយ៉ាងប្រណិតបំផុតថែមទៀតក្នុងការប្រើប្រាស់។ កុំព្យូទ័រ Summit E16 Flipនេះមានក្រាហ្វិកកាតNVIDIA graphics ។ កាន់តែពិសេសជាងនេះទៀតនោះ Summit E16 Flip នេះគឺមានបំពាក់នូវ “Dynamic Cooler Boost” ដែលធ្វើអោយម៉ាស៊ីននេះល្អក្នុងការប្រើប្រាស់ថែមទៀត។
MSI Pen ដៃគូដ៏ល្អបំផុតដែលឈ្នះពានរង្វាន់ CES 2021 innovation awards
សម្រាប់អ្នកអាជីពដែលចង់អោយមានផលិតភាពការងារនៅក្នុងកម្រិតខ្ពស់បំផុតនោះ សម្រាប់ប៊ិច MSI Pen នេះអនុញ្ញាតអោយអ្នកប្រើប្រាស់ជាច្រើនអាចបញ្ចេញនូវគំនិតជាច្រើនរបស់ពួកគេដោយសេរី។ វាគឺជាប៊ិចដែលឈ្នះពានរង្វាន់ 2021 CES award ថែមទៀត។ សម្រាប់ MSI Pen នេះមានកម្រិតនៃការសង្កត់ 4096-level pressure sensitivity ហើយវាមានបច្ចេកវិទ្យា MPP2.0 technology ថែមទៀត។វាល្អបំផុតនៅក្នុងការបញ្ជាពីការធ្វើបទបង្ហាញពីចម្ងាយថែមទៀត។
កាន់តែពិសេសជាងនេះទៀតនោះ MSI Pen Control អនុញ្ញាតអោយអ្នកប្រើប្រាស់ជាច្រើនអាចធ្វើការរៀបចំទៅលើមុខងារជាច្រើននៃប៊ូតុងនៅលើប៊ិចនេះ និងមានប្រសិទ្ធិភាពបំផុតក្នុងការប្រើប្រាស់ ហើយវាក៏មានការបង្ហាញអំពីថាមពលថ្មនៅលើអេក្រង់ផងដែរ។ ប៊ិចនេះមានការឌីស្សាញយ៉ាងល្អឥតខ្ចោះ និងបង្កើនប្រសិទ្ធិភាពខ្ពស់ក្នុងការប្រើប្រាស់ថែមទៀត។
MSI USB-C Docking Station Gen2 ល្អបំផុតក្នុងការតភ្ជាប់ទំនាក់ទំនង
សម្រាប់ឧបករណ៍ MSI USB-C Docking Station Gen2 នេះអនុញ្ញាតអោយអ្នកប្រើប្រាស់ជាច្រើនអាចរៀបចំកន្លែងការងាររបស់ពួកគេពីភាពរញ៉េរញ៉ៃ អោយមានភាពស្រស់ស្អាតឡើងវិញ។ វាក៏អាចភ្ជាប់ទៅកាន់អេក្រង់ចំនួន 3 និងមានរន្ធ USB Ports ចំនួន 5 សម្រាប់បង្កើននូវប្រសិទ្ធិភាពការងារថែមទៀតផង។ វាអាចបញ្ចូនរូបភាពនៅក្នុងកម្រិត 4K ហើយវាសន្សំសំចៃពេលវេលាថែមទៀតក្នុងការបំពេញនូវការងាររបស់ពួកគេ៕