ក្រុមហ៊ុន Canon ទើបតែបានប្រកាសចេញម៉ាស៊ីនថតជំនាន់ថ្មីម៉ូដែល EOS R3។ ម៉ាស៊ីនថតស៊េរីថ្មីនេះស្ថិតក្នុងស្រឡាយ EOS R Series ដែលជាប្រភេទ mirrorless camera ថ្នាក់ខ្ពស់របស់ Canon។ ហើយសម្រាប់សមាជិកថ្មីនេះ គឺមានសមត្ថភាពប្រើការខ្លាំងស្ថិតនៅចន្លោះម៉ូដែល EOS R5 ដែលជា Flagship mirrorless camera និងម៉ូដែល EOS-1D Mark III ដែលជា Flagship DSLR model។
Canon EOS R3 បំពាក់នូវសែនស័រកាមេរ៉ាទំហំ 24.1MP ជាប្រភេទ BSI CMOS Sensor។ ម៉ាស៊ីនថតរូបជំនាន់ថ្មីនេះប្រតិបត្តិការលើឈីប DIGIC X Processor ដែលផ្តល់ឲ្យការផលិតរូបភាពជាមួយមុខងារ continuous blackout-free បានដល់ 30fps ដោយប្រើមុខងារ electronic shutter និង 12fps ដោយប្រើមុខ mechanical shutter។ សែនស័រកាមេរ៉ាជំនាន់ថ្មីនេះមានកម្រិតពន្លឺ ISO ស្វ័យប្រវត្តិចន្លោះពី 100-102,400 និងអាចបង្កើនឡើងខ្ពស់ដល់កម្រិត 204,800។
បន្ថែមពីនេះសែនស័ររបស់ EOS R3 ក៏មានភ្ជាប់នូវមុខងារ Dual Pixel CMOS AF II ជាមួយ 1053 point AF ដូចដែលមាននៅលើម៉ូដែល EOS R5 និង R6 ដែរ ហើយក៏មានមុខងារ EOS iTR tracking down to EV -7.5 សម្រាប់ធ្វើការ Focus សំគាល់ទៅលើភ្នែក ផ្ទៃមុខ ក្បាល សត្វ រថយន្ត និងម៉ូតូថែមទៀតផង។ ជាងនេះទៅទៀត EOS R3 ក៏ប្រើប្រាស់មុខងារ Deep Learning ដើម្បីធ្វើការកត់សំគាល់បានជាក់លាក់ទៅលើភ្នែក និងដងខ្លួនផងដែរ។
Canon EOS R3 បំពាក់អេក្រង់ EVF 120fps កម្រិត 5.76-million-dot គាំទ្រមុខងារ AF in that location using Eye Input AF និង Servo AF រួមនឹងមុខងារ Face Detect + Tracking ដែលធ្វើការកត់សំគាល់ភ្នែកបានជាក់លាក់ទោះបីជាវត្ថុក្នុងប្លង់មានចលនាក៏ដោយ។ ទៅលើសមត្ថភាពផលិតសាច់វីដេអូវិញ Canon EOS R3 អាចធ្វើបានដល់កម្រិត 6K@60fps ជាប្រភេទ RAW File និង 4K 10-bit @120fps ជាមួយនឹងមុខងារ Canon Log3។ ម៉ាស៊ីនថតជំនាន់ថ្មីនេះក៏អាចឲ្យធ្វើការទម្លាក់កម្រិតសាច់រូបភាពក្នុងវីដេអូ 6K មក 4K ស្ថិតក្នុង Internal RAW record បានថែមទៀតផង។ Canon EOS R3 ក៏គាំទ្រមុខងារ DCI-P3, BT.2020 color gamuts និងមុខងារទប់លំនឹង 5-axis IBIS ផងដែរ។
ក្រៅពីនេះ Canon EOS R3 មានតួរខ្លួនស្រោបដោយសារធាតុម៉ាញ៉េស្យូមអាល់ឡយ មានប្រព័ន្ធការពារទឹកដូចគ្នានឹងម៉ូដែល EOS-1D DSLR ដែរ មានរន្ធ LAN, USB, Wi-Fi 5GHz, Bluetooth និងអាចដាក់ម៉េមូរីកាតជាប្រភេទ CFexpress និង UHS-II SD បានក្នុងពេលតែមួយថែមទៀងផង។ Canon EOS R3 នឹងមានចេញលក់ផ្លូវការណ៍នៅខែវិច្ឆិកាឆ្នាំ 2021 ខាងមុខជាមួយតម្លៃខ្ទង់ $5,999។ ក្នុងពេលជាមួយគ្នានេះដែរ Canon ក៏បានប្រកាសចេញលែនតប្រភេទ RF lenses ស៊េរីថ្មីចំនួនពីរស៊េរីផងដែរ ដែលមានស៊េរី RF16mm F2.8 STM មានតម្លៃខ្ទង់ $300 និង RF100–400mm F5.6–8 IS USM មានតម្លៃខ្ទង់ $650៕