នៅថ្ងៃនេះ ក្រុមហ៊ុន Garmin បានប្រកាសចេញនូវនាឡិកាឆ្លាតវៃជំនាន់ថ្មីរបស់ខ្លួនម៉ូដែល vivoactive 5 ដែលមានការឌីស្សាញជាមួយនិងទម្ងន់ស្រាល និងមានការរចនាមុខនាឡិកាជាមួយនិងស៊ុមលោហៈ aluminum bezel ហើយនិងមានកាសរប្រើប្រាស់នូវមុខងារ និងបច្ចេកវិទ្យាថ្មីដូចអ្វីដែលមាននៅលើនាឡិការបស់ Garmin ដែលចេញលក់មុនៗអញ្ចឹងដែរ។ Vivoactive 5 មានអេក្រង់ទំហំ 1.2-អ៊ីងកញ្ចក់ AMOLED touchscreen បង្ហាញចេញបានកម្រិត 390x390px ហើយនិងមានការការពារដោយកញ្ចក់ Corning Gorilla Glass 3 រួមជាមួយនិងមុខងារ 5 ATM waterproof ថែមទៀតផង។ នាឡិកាឆ្លាតវៃនេះមានទម្ងន់ត្រឹមតែ 23 ក្រាមប៉ុណ្ណោះ។
ក្រុមហ៊ុននេះបានបញ្ជាក់ថា នាឡិកាឆ្លាតវៃជំនាន់ថ្មីនេះ គឺមានសមត្ថភាពអាចធ្វើការវាស់ស្ទង់ទៅលើចង្វាក់បេះដូងរបស់អ្នកប្រើប្រាស់ ក៏ដូចជាអុកស៊ីសែនក្នុងឈាម និងមុខងារត្រួតពិនិត្យ stress ហើយនិងការគេងថែមទៀត។ ចាមួយនិងមុខងារតាមដាន Sleep tracking នេះ ក៏បាននាំមកជាមួយនូវ personalized sleep insights និង nap tracking ផងដែរ។ នៅលើនាឡិកាឆ្លាតវៃនេះ មានការទ្រទ្រង់ជាមួយនិងមុខងារហាត់ប្រាណបានជាច្រើនជាង 30 sport-tracking apps និងមានភ្ជាប់នូវ GPS ទៀតផង។ Vivoactive 5 ក៏មានសមត្ថភាពអាចធ្វើការតាមដានត្រួតពិនិត្យទៅលើ ការហាត់កីឡា និងសកម្មភាពជាច្រើនទៀតផងដែរ។ ជាមួយគ្នានេះ នៅលើនាឡិកាឆ្លាតវៃនេះ ក៏មានមុខងារ NFC ដែលអាចធ្វើការជាមួយនិង Garmin Pay រួមនិងការប្រើប្រាស់ចាមួយនិងឧបករណ៌ iOS និង Android បានទៀតផង។
ក្រុមហ៊ុននេះបានបញ្ជាក់បន្ថែមថា នាឡិកាជំនាន់ថ្មីនេះ មានការបំពាក់មកជាមួយនូវអង្គចងចាំទំហំ 4GB ដែលអនុញាតិអោយអ្នកប្រើប្រាស់អាចធ្វើការទាញយកនូវបទចំរៀងនៅលើហាង Spotify, Amazon Music និង Deezer បានផងដែរ។ ជាមួយគ្នានេះ នាឡិកានេះក៏មានមុខងារគ្រប់គ្រងការជូនដំណឹង និងអាចផ្ញើរសារចេញពីអេក្រង់នេះបានផងដែរ នៅពេលដែលវាភ្ជាប់ជាមួយនិង Android device។ បន្ថែមបពីនេះ អ្នកប្រើប្រាស់ក៏អាចធ្វើការទាញយកនូវមុខនាឡិកា watch faces ក៏ដូចជាកម្មវិធីនានានៅលើ Garmin Connect IQ Store បានទៀតផង។
នាឡិកាថ្មីនេះ មានថ្មអាចប្រើប្រាស់បានដល់ទី 11 ថ្ងៃ។ Garmin vivoactive 5 មានជម្រើសពណ៌ black, white, orchid និង navy colors ហើយនិងមានដាក់លក់នៅលើហាង Garmin និងដៃគូរជាច្រើនទៀតជាមួយតម្លៃ $300/€300/£260។
