ដ្រូនជំនាន់ថ្មី DJI Mini 4 Pro សមត្ថភាពខ្ពស់ជាងមុន និងដំណើរការជាមួយមុខងារច្រើនជាងមុន

ក្រុមហ៊ុន DJI ត្រូវបានគេមើលឃើញថា នៅតែបន្តក្នុងការពង្រីកទៅលើផលិតផលរបស់ខ្លួន។ ផលិតផលថ្មីរបស់ក្រុមហ៊ុននេះដែលនឹងមានវត្តមាននៅពេលដ៏ខ្លីៗនេះគឺមានឈ្មោះហៅថា Mini 4 Pro។ ថ្មីៗនេះមានពាក្យចចាមអារ៉ាមជាច្រើនអំពីដ្រូនថ្មីនេះ ដោយបាននិយាយថា DJI Mini 4 Pro នេះគឺមានកម្រិតសុវត្ថិភាពខ្ពស់បំផុត។ នៅពេលនេះ មានរូបភាពផ្លូវការជាច្រើនអំពីដ្រូននេះ ត្រូវបានគេទម្លាយចេញនៅមុនការប្រកាសជាផ្លូវការផងដែរ។

យោងតាមការជូនដំណឹងចុងក្រោយនេះ បានបញ្ជាក់ថា ដ្រូន Mini 4 Pro នេះអាចនឹងបង្ហាញខ្លួននៅក្នុងប៉ុន្មានថ្ងៃខាងមុខនេះហើយ នឹងមានតម្លៃចាប់ផ្តើមពី $849 ដែលមានតម្លៃទាបជាងដ្រូន Air 3។ សម្រាប់នៅក្នុងអ៊ឺរ៉ុប ដ្រូននេះ ប្រើថាមពលថ្មរទំហំ 2590mAh មានសមត្ថភាអាចហោះហើរបានរយៈពេល 34 នាទី ខណៈពេលដែលដ្រូនដែលបំពាក់នូវថាមពលថ្ម 3850mAh អាចនឹងបង្ហាញខ្លួននៅក្នុងទីផ្សារនៃតំបន់ផ្សេងទៀត ដែលនឹងមានរយៈពេលនៃការហោះហើរបានយូរជាងមុន។ បើនិយាយអំពីលក្ខណៈសម្បត្តិរបស់ដ្រូន Mini ថ្មីរបស់ក្រុមហ៊ុន DJI នេះក៏មានមុខងារពិសេសៗជាច្រើនផងដែរ។ 

ដ្រូន Mini 4 Pro នេះ មានការបំពាក់នូវសិសន័រកាមេរ៉ាទំហំ 48-megapixel គាំទ្រជាមួយនូវមុខងារ Gimbal។ ខុសប្លែកពីម៉ូដែលជាច្រើនមុននេះ មានសមត្ថភាពអាចហោះបានចម្ងាយដល់ទៅ 20 គីឡូម៉ែត្រ ជាមួយនឹងកម្រិត Full HD video transmission។ ក្រុមហ៊ុន DJI ក៏នឹងមានគម្រោងបន្ថែមនូវសមត្ថភាពក្នុងការថតកម្រិត 100fps នៅក្នុង 4K video recording ផងដែរ។ កាមេរ៉ាសេនស័រថ្មីនេះ នៅលើតួខ្លួនរបស់ដ្រូននេះក៏មានមុខងារ  omnidirectional obstacle avoidance ថែមទៀតផង។

ក្រុមហ៊ុន DJI ក៏មានគម្រោងក្នុងការបង្ហាញនូវវត្តមានរបស់ដ្រូន Mini 4 Pro នេះ ជាមួយនឹង controller ផ្សេងគ្នាផងដែរ។ ជាមួយគ្នានេះនៅលើឈុតនេះ ក៏មាន RC-N1 controller, DJI RC-2 controller និង Fly-More combos ផងដែរ។ អ្វីដែលគួរអោយចាប់អារម្មណ៍នេះ ថាមពលថ្មធំជាងមុននេះ អាចនឹងជាជម្រើសមួយសម្រាប់ទីផ្សាររបស់អ៊ឺរ៉ុបផងដែរ។ ដ្រូននេះមានទម្ងន់ 249g។ ដ្រូនMini 4 Pro នេះនឹងបង្ហាញខ្លួននៅក្នុងពេលប៉ុន្មានថ្ងៃខាងមុខនេះ៕