យើងបានដឹងហើយថា Samsung គឺជាក្រុមហ៊ុនឈរនៅលំដាប់ថ្នាក់លេខ 1 ក្នុងទីផ្សារស្មាតហ្វូន។ ជាមួយគ្នានេះដែរក្រុមហ៊ុនបច្ចេកវិទ្យាដ៏ល្បីល្បាញរបស់កូរ៉េខាងត្បូងមួយនេះក៏ទទួលបានលំដាប់ជួរមុខបន្ថែមទៀតជាមួយនឹងការលក់ Smart Watch របស់ខ្លួនក្នុងទីផ្សារបើប្រៀបធៀបទៅបណ្តាក្រុមហ៊ុនល្បីៗដទៃទៀត។
យោងទៅលើសម្រង់ស្ថិតិពីទីផ្សារលក់ចុងក្រោយបានបង្ហាញឲ្យឃើញថាក្នុងឆ្នាំ 2014 ក្រុមហ៊ុន Samsung លក់ SmartWatch របស់ខ្លួនបានចំនួនរហូតដល់ទៅ 1.2 លានគ្រឿង ដែលធ្វើឲ្យចំណែកទីផ្សារនៃការលក់កើនដល់ទៅ 17.65 %។ ក្នុងស្ថិតិដដែលនេះក៏បានបង្ហាញថាក្រុមហ៊ុនដែលឈរលំដាប់បន្ទាប់គឺក្រុមហ៊ុន Pebble លក់បាន 700.000 គ្រឿង បន្ទាប់មកទៀតមានក្រុមហ៊ុន Fitbit, Sony និង Lenovo ដែលមានចំនួននៃការលក់បានប្រមាណ 600.000, 550.000 និង 500.000 គ្រឿងតែប៉ុណ្ណោះ។
សម្រាប់ឆ្នាំ 2015 នេះវិញ តើក្រុមហ៊ុន Samsung អាចរក្សាដំណែងជួរមុខគេក្នុងការលក់ SmartWatch របស់ខ្លួនបានដែររឺអត់ ព្រោះថាមានក្រុមហ៊ុនល្បីៗជាច្រើនបាននឹងកំពុងសម្រុកបញ្ចេញ SmartWatch របស់ខ្លួនដើម្បីប្រគូតប្រជែងក្នុងទីផ្សារមួយនេះជាពិសេសក្រុមហ៊ុន Huawei និង Apple ដែលទើបតែបានប្រកាសចេញ SmartWatch ស៊េរីថ្មីរបស់ខ្លួនកាលពីថ្មីៗនេះផងដែរ៕
ប្រភពពី: http://www.gsmarena.com/samsung_is_the_number_one_smartwatch_vendor_says_report-news-11505.php
