ក្រុមហ៊ុន Microsoft បាបង្ហាញចេញនូវរបាយការណ៍ប្រាក់ចំណូលរបស់ខ្លួន ដែលទទួលបាននៅក្នុងត្រីមាសទី 3 ឆ្នាំ 2015 នេះ នៅពេលដែលអាជីវកម្មរបស់ក្រុមហ៊ុននេះ ភាគច្រើនកំពុងតែមានដំណើរការបានយ៉ាងល្អ ក្នុងនោះដែរ សំរាប់ប្រាក់ចំណូលពីអាជីវកម្មទូរស័ព្ទគឺមានការធ្លាក់ចុះបន្តិចបើប្រៀបធៀបនឹងរយៈពេលដូចគ្នាកាលពីឆ្នាំមុន គឺប្រាក់ចំណូលបានធ្លាក់ចុះរហូតដល់ទៅ 54% ឯណោះ។
.jpg)
សូមជំរាបផងដែរថា នៅក្នុងត្រីមាសមុននេះ ក្រុមហ៊ុន Microsoft បានលក់ទូរស័ព្ទ Lumia របស់ខ្លួនសរុបចំនួន 5,8 លានគ្រឿង បើប្រៀបធៀបនឹងក្នុងត្រីមាសទី 3 នាឆ្នាំ 2014 ក្រុមហ៊ុនលក់បាន 9,3 លានគ្រឿង គឺការលក់មានការធ្លាក់ចុះ។ ក៏ប៉ុន្តែសំរាប់ការលក់សរុបសម្រាប់ Lumia នៅត្រីមាសទី 2 ឆ្នាំ 2015 នេះ គឺបានចំនួន 8,4 លានគ្រឿង បើប្រៀបធៀបទៅននឹងត្រីមាសទី 2 កាលពីឆ្នាំមុន ត្រូវបានគេរំពឹងថា គឺមានការកើនឡើង។
សម្រាប់ត្រីមាសថ្មីនេះ, ក្រុមហ៊ុនផលិត Software ដ៏ធំសំបើមនេះ មានសង្ឃឹមថា ការបង្ហាញចេញនូវស្មាតហ្វូនជំនាន់ថ្មី ដែលមានដំណើរការដោយ Software ជំនាន់ក្រោយ Window Phone 10 ទើបតែបានប្រកាសថ្មីឺៗនេះ រួមមានម៉ូដែល ទូរស័ព្ទ Lumia 950 និង 950 XL និងអាចទំលុះនូវភាពទាល់ច្រក ក៏ដូចជាដណ្តើមបានវិញនូវចំណែកទីផ្សារបស់ខ្លួនខ្លះៗ ដែលត្រូវបានគេដណ្តើមយកនាពេលកន្លងមក។ កំពូលស្មាតហ្វូនទាំងពីរ នេះគឺអាចការបញ្ជាទិញបានហើយនៅទូទាំងទីផ្សារទ្វីបអឺរ៉ុប។ ក្រុមហ៊ុនបានបញ្ជាក់ថា ទូរស័ព្ទ Lumia 950 ត្រូវបានក្រុមហ៊ុន AT & T ជាអ្នកជ្រោមជ្រែង និងលក់ផ្តាច់មុខហើយនៅក្នុងទឹកដីសហរដ្ឋអាមេរិក។
