បន្តិចទៀតនេះ អ្នកប្រើប្រាស់ណាដែលចែករំលែកវីដេអូផ្តេសផ្តាស់នៅលើ Facebook និងត្រូវដំបងហើយ

ថ្មីៗនេះ  យោងតាមការផ្សារយរបស់ក្រុមហ៊ុន Recode បានរាយការណ៍ថា ក្រុមហ៊ុន Facebook ទើបតែទិញយកក្រុមហ៊ុនបច្ចេកវិទ្យា Source3 ដែលជាក្រុមហ៊ុនដំបូងបំផុតប្រើប្រាស់នូវបច្ចេកវិទ្យាថ្មីសម្រាប់កំណត់នូវ Contents ណាមួយដែលចែករំលែកនៅលើប្រព័ន្ធអ៊ីនធើណិតដោយគ្មានការអនុញ្ញាតនោះ។ Facebook ធ្លាប់មានបញ្ហាជាច្រើនរួចមកហើយពាក់ព័ន្ធទៅនឹងការលួចចម្លង Content កាលពីមុនមក ហើយឥឡូវនេះ ក្រុមហ៊ុនបណ្តាញសង្គមយក្សមួយនេះ បាននិងកំពុងតែត្រៀមប្រើប្រាស់នូវ Software របស់ក្រុមហ៊ុន Source3 ដើម្បីលើកកម្ពស់ទៅលើបច្ចេកវិទ្យានៃការគ្រប់គ្រងសិទ្ធិរបស់ខ្លួន និងការបង្ក្រាបទៅលើអ្នកប្រើប្រាស់ណាស់មួយដែលចែករំលែកនូវវីដេអូជាច្រើនដែលពួកគេមិនមានសិទ្ធិនោះ។

នេះគឺជាជំហានដ៏ចាំបាច់មួយ ប្រសិនបើក្រុមហ៊ុនបណ្តាញសង្គម Facebook ពិតជាចង់ជម្រុញនូវអាជីវកម្មនៃវីដេអូ និងក្លាយជាគូរប្រកួតប្រជែងជាមួយនឹង Platforms ជាច្រើនទៀតដូចជា YouTube របស់ក្រុមហ៊ុនបច្ចេកវិទ្យា Google នោះ Facebook ត្រូវតែប្រើប្រាស់នូវ Tools ដូចគ្នាហៅថា "Content ID"។ Facebook បានបញ្ជាក់យ៉ាងច្បាស់អំពីគោលបំណងរបស់ខ្លួន នៅក្នុងការឆ្ពោះទៅកាន់មាតិកាវីដេអូ និងការប្រើប្រាស់ Video Content ផ្តាច់មុខនៅលើ Platform របស់ខ្លួន ហើយការទិញយកក្រុមហ៊ុន Source3 នេះ គឺជាការគ្រប់គ្រងសិទ្ធិក្នុងលក្ខណៈទ្រង់ទ្រាយធំ នៃអ្នកប្រើប្រាស់នៅលើបណ្តាញសង្គម Facebook នោះ។ ក្រុមហ៊ុន Recode បានបន្តផ្សាយថា ក្រុមហ៊ុនបណ្តាញសង្គម Facebook នឹងទិញយកក្រុមហ៊ុនបច្ចេកវិទ្យាជាច្រើនទៀត ដែលជាក្រុមការងារជាមួយនឹងក្រុមហ៊ុន Source3 ហើយក្រុមហ៊ុននេះ នឹងសហការជាមួយនឹងក្រុមហ៊ុនបច្ចេកវិទ្យា Facebook ហើយវានៅមិនទាន់ដំណើរការជាក្រុមហ៊ុនឯករាជ្យដាច់ដោយឡែកបាននៅឡើយទេ៕