រហូតមក់ដល់ពេលនេះ ក្រុមហ៊ុនបច្ចេកវិទ្យាយក្សរបស់ចិន Huawei នៅមិនទាន់បោះបង់ចោលនូវស្មាតហ្វូនរបស់ខ្លួននៅក្នុងពេលនេះទេ។ គួរបញ្ជាក់ថា បន្ទាប់ពីការហាមប្រាមដោយសហរដ្ឋអាមេរិកនោះ អាជីវកម្មស្មាតហ្វូនរបស់ក្រុមហ៊ុនបច្ចេកវិទ្យា Huawei នេះគឺមានស្ថានភាពពិបាកជាច្រើនផងដែរ។ យ៉ាងណាមិញ អាជីវកម្មស្មាតហ្វូនរបស់ក្រុមហ៊ុន Huawei នេះគឺដំណើរការអស់រយៈពេល 2 ឆ្នាំហើយដោយមិនចាំបាច់ពឹងផ្អែកទៅលើសហរដ្ឋអាមេរិក។ បច្ចុប្បន្ននេះ ក្រុមហ៊ុន Huawei ក៏ត្រៀមខ្លួនក្នុងការបង្ហាញនូវស្មាតហ្វូន Flagship series ចុងក្រោយបំផុតរបស់ខ្លួនផងដែរនោះគឺ Huawei P50 series ។
រូបភាពគំរូរបស់ស្មាតហ្វូនចេញពី GMSArena នេះ មានការបង្ហាញអំពីរូបភាពចុងក្រោយបំផុតនៃស្មាតហ្វូនត្រកូល Huawei P50 series ផងដែរ។ នៅក្នុងរយៈពេលប៉ុន្មានខែនេះ វាក៏មានរូបភាពជាច្រើនរបស់ស្មាតហ្វូន Huawei P50 និង P50 Pro ។ រូបភាពទាំងនេះគឺមានការបង្ហាញថា ស្មាតហ្វូនទាំងនេះ គឺមានកាមេរ៉ាធំនៅផ្នែកខាងក្រោយ។ យ៉ាងណាមិញ រូបភាពចុងក្រោយបំផុតនេះគឺមានការបង្ហាញអំពីអ្វីដែលប្លែកមែនទែន។
តាមការបញ្ជាក់នៅក្នុងរបាយការណ៍ជាច្រើននោះ រូបភាពទាំងនេះ គឺជាផ្នែកមួយរបស់ស្មាតហ្វូនត្រកូល Huawei P50 Series ។ ដោយសារតែវាមិនមាន Periscope Lens នៅផ្នែកខាងក្រោយរបស់ស្មាតហ្វូននេះ រូបភាពនេះប្រហែលជាស្មាតហ្វូន Huawei P50។ ស្មាតហ្វូន Huawei P50 Pro នេះ នឹងមានកាមេរ៉ា Periscope ផងដែរ។ អ្វីដែលគួរអោយកត់សម្គាល់នោះ ការឌីស្សាញកាមេរ៉ារបស់ស្មាតហ្វូននេះ គឺស្រដៀងគ្នាទៅនឹងស្មាតហ្វូន Huawei Mate 30 series ផងដែរ។ មានការលើកឡើងថា រឿងនេះ គឺពិតជាចម្លែកណាស់ដែលក្រុមហ៊ុន Huawei ប្រើប្រាស់នូវការឌីស្សាញពីមុនទៅលើស្មាតហ្វូនម៉ូឌែលចុងក្រោយបំផុតរបស់ខ្លួននោះ៕
