តោះទស្សនាការតេស្តភាពធន់របស់ Huawei Mate X2 ដោយ JerryRigEverything ទាំងអស់គ្នា ថាតើ ទូរស័ព្ទអេក្រង់បត់តម្លៃខ្ទង់ $3,000 មានភាពធន់កម្រិតណា

បើនិយាយពីទីផ្សារទូរស័ព្ទឆ្លាតអេក្រង់បត់ ឬ Foldable Smartphone បច្ចុប្បន្នកំពុងតែមានសន្ទុះទីផ្សារកើនឡើងមិនធម្មតាឡើយ ហើយក្រុមហ៊ុនផលិតទូរស័ព្ទល្បីៗនៅទូទាំងពិភពលោកបាននឹងកំពុងត្រៀមខ្លួនហក់ចូលប្រឡូកក្នុងទីផ្សារទូរស័ព្ទប្រភេទនេះផងដែរ។ ហើយសម្រាប់ពេលបច្ចុប្បន្ននេះ យើងឃើញមានក្រុមហ៊ុនតែបីប៉ុណ្ណោះដែលបានសម្រេចជោគជ័យក្នុងការផលិតចេញទូរស័ព្ទអេក្រង់បត់របស់ខ្លួនក្នុងនោះមានទីមួយក្រុមហ៊ុន Samsung ទីពីរក្រុមហ៊ុន Huawei និងចុងក្រោយគេគឺក្រុមហ៊ុន Xiaomi។ 

ហើយក្រុមហ៊ុនដែលកំពុងនាំមុខគេក្នុងទីផ្សារទូរស័ព្ទអេក្រង់បត់បច្ចុប្បន្នគឺក្រុមហ៊ុន Samsung ក្រុមហ៊ុនបច្ចេកវិទ្យាយក្សឈានមុខគេផ្នែកទូរស័ព្ទស្មាតហ្វូនលើពិភពលោកមួយនេះត្រៀមនឹងបញ្ចេញទូរស័ព្ទអេក្រង់បត់ជំនាន់ថ្មីជាច្រើនគ្រឿងបន្ថែមទៀតក្នុងត្រីមាសទី 3 ឆ្នាំ 2021 នេះផងដែរ។ យ៉ាងណាមិញក្រុមហ៊ុន Huawei ក៏បានបញ្ចេញទូរស័ព្ទអេក្រង់បត់របស់ខ្លួនបាន 3 ជំនាន់រួចហើយដែរដោយជំនាន់ដំបូងគឺ Huawei Mate X (2019) ជំនាន់បន្ទាប់គឺ Huawei Mate Xs (2020) និងជំនាន់ចុងក្រោយគឺ Huawei Mate X2 ដែលទើបចេញកាលពីខែកុម្ភៈ ឆ្នាំ 2021 នេះ ហើយវាត្រូវបានដាក់លក់លើផ្សារសំខាន់ៗមួយចំនួនជាមួយតម្លៃខ្ទង់ $3,000។

ដោយឡែកក្នុងពេលនេះលោក Zack Nelson ដែលជាម្ទាស់ឆាណែលយួធូប JerryRigEverything បានធ្វើតេស្តលើភាពធន់របស់ទូរស័ព្ទអេក្រង់ជំនាន់ថ្មីចុងក្រោយ Huawei Mate X2 ផងដែរ ដូចជាការកូសឆ្កូតលើគែមអាលុយមីញ៉ូម លើផ្ទៃអេក្រង់ ដុតអេក្រង់ និងការកាច់តួររបស់ទូរស័ព្ទនេះផងដែរ។ សូមបញ្ជាក់ថា Huawei Mate X2 ត្រូវបានក្រុមហ៊ុន Huawei ប្តូរការឌីស្សាញថ្មីខុសពីពីរជំនាន់មុខរបស់វាក្នុងនោះដូចជាការប្តូររបៀបកាច់បត់ចូលក្នុង បន្ថែមអេក្រង់ខាងក្រៅ បង្កើនផលិតភាពផ្ទៃកញ្ចក់ការពារតួរផ្នែកខាងក្រោយ រួមនឹងបច្ចេកវិទ្យាគន្លឹះត្រចៀក (Hing) ថ្មីធន់មាំ និងកាច់បត់បានជិតល្អជាងមុនផងដែរ។ 

ដូច្នេះចង់ដឹងថាអេក្រង់ខាងក្រៅ អេក្រង់ខាងក្នុង និងតួរខ្លួនរបស់ Huawei Mate X2 មានភាពធន់កម្រិតណា តោះ...!ទស្សនាវីដេអូខាងក្រោមទាំងអស់គ្នា៖