ក្រុមហ៊ុន Xiaomi ទើបតែបានប្រកាសចេញកាសស្តាប់ឥតខ្សែស៊េរីថ្មីដំបូងរបស់ខ្លួនម៉ាក FlipBuds Pro ដែលមានភ្ជាប់មុខងារកាត់បន្ថយសំឡេងកម្រិតខ្ពស់ Active Noise Cancellation នៅប្រទេសកំណើតរបស់ខ្លួន។ កាសស្តាប់ឥតខ្សែស៊េរីថ្មីនេះ គឺមានការឌីស្សាញប្រហាក់ប្រហែលគ្នានឹងកាស Apple AirPods Pro ដែរ និងមានតែមួយពណ៌ប៉ុណ្ណោះគឺពណ៌ខ្មៅ។
.jpg)
Xiaomi FlipBuds Pro បំពាក់នូវឈីបសំឡេងគុណភាពខ្ពស់របស់ Qualcomm ស៊េរី QCC5151 ultra-low power audio chip ដែលមានភ្ជាប់ជាមួយនឹង Driver សំឡេងខ្នាត 11mm ដែលជា Ultra-Dynamic Sound Drivers និងភ្ជាប់ជាមួយនឹងមុខងារកាត់បន្ថយសំលេងរំខាន ANC ជំនាន់ថ្មីដែលជួយទប់សំឡេងរំខានពីខាងក្រៅបានយ៉ាងល្អក្នុងកម្រិត 40dB នេះបើតាមការអះអាងពី Xiaomi។ កាលស្តាប់ឥតខ្សែស៊េរីថ្មីនេះប្រើប្រាស់នូវបច្ចេកវិទ្យា Bluetooth v5.2 ជាមួយកម្រិត latency ទាបបំផុតដែលធ្វើអោយការតភ្ជាប់ក្នុងការលេងហ្គេមមានសំលេងស្មើរល្អ មិនទាក់អាក់សំឡេង។
នៅលើគូទរបស់កាសទាំងសងខាងទ្រទ្រង់នូវមុខងារ Touch Sensitive Control ផងដែរ ដែលអាចប៉ះដើម្បីផ្លាស់ប្តូររវាងមុខងារ Transparency និង Noise Cancellation Mode, ប៉ះម្តងដើម្បីចាក់ ឬបញ្ឈប់តន្ត្រី ឬទទួលទូរស័ព្ទ និងចុចប៉ះពីរដងដើម្បីប្តូរបទចម្រៀង ឬបដិសេធការហៅទូរស័ព្ទចូល។ បន្ថែមពីនេះ FlipBuds Pro ក៏គាំទ្រនូវមុខងារ Dual Devices intelligent Connection ដែលអនុញ្ញាតិអោយធ្វើការតភ្ជាប់បានឧបករណ៍ចំនួនពីរក្នុងពេលតែមួយថែមទៀតផង។
ហើយកាន់តែពិសេសបំផុតនោះគឺកាសស្តាប់ឥតខ្សែរបស់ Xiaomi នេះគឺមានភាពវៃឆ្លាតបំផុតទៅលើការកម្រិតសំឡេងជាមួយមុខងារ ANC ដែលវានឹងកម្រិតសំឡេងរំខានពីក្រៅតម្រូវតាមកម្រិតសំឡេងពីមជ្ឈដ្ឋានជុំវិញ ហើយយើងអាចកំនត់បន្ថែមបាននៅលើកម្មវិធី MIUI ក្នុង Setting ទូរស័ព្ទ Xiaomi ដែលបានភ្ជាប់ជាមួយ និងតាមរយះកម្មវិធី XiaoAI សម្រាប់ទូរស័ព្ទ Android ម៉ាកផ្សេង។
និយាយដល់ថ្មវិញ Xiaomi មានអះអាងថាកាស FlipBuds Pro របស់ខ្លួនអាចកាន់ប្រើបានរយះពេល 28 ម៉ោងជាមួយការសាកភ្លើងចេញពីប្រអប់របស់វា និងប្រើតែនៅលើកាសគឺកាន់បាន 7 ម៉ោងទៅលើការស្តាប់តន្ត្រីជាប់។ ហើយកាស TWS Earbuds ស៊េរីថ្មីនេះក៏ទ្រទ្រង់មុខងារសាកភ្លើងចូលល្បឿនលឿនផងដែរ ដោយសាក 5 នាទីជាមួយប្រអប់របស់វាគឺអាចប្រើស្តាប់តន្រ្តីបាន 2 ម៉ោង ហើយប្រអប់កាសគឺប្រើប្រាស់នូវរន្ធសាកថ្មប្រភេទ USB-C ថែមទៀតផង។Xiaomi នឹងចេញលក់កាស FlipBuds Pro ស៊េរីថ្មីដំបូងរបស់ខ្លួននៅទីផ្សារប្រទេសចិននៅថ្ងៃទី 21 ខែឧសភា ខាងមុខនេះ ជាមួយតម្លៃខ្លង់ប្រហែល $124៕
