Motorola Edge Plus ប្រកាសជាផ្លូវការនៅក្នុងប្រទេសឥណ្ឌាជាមួយតម្លៃជិតមួយពាន់ដុល្លារ ពិតជាថ្លៃគួរសម្យ

រយៈពេលជាច្រើនឆ្នាំមកនេះ ក្រុមហ៊ុន Motorola ត្រូវបានគេមើលឃើញថា បានផ្តោតនៅលើស្មាតហ្វូនថ្នាក់ថវិការ និងស្មាតហ្វូនថ្នាក់កណ្តាលជាជាងស្មាតហ្វូន Flagships។ ប៉ុន្តែនៅក្នុងឆ្នាំនេះ ក្រុមហ៊ុននេះ ហាក់បីជាចង់វិលត្រឡប់ទៅកាន់ស្មាតហ្វូនថ្នាក់ប្រណិតវិញជាមួយនឹងការបង្ហាញវត្តមាននៅនៅក្នុងប្រទេសឥណ្ឌា ដែលជាទីផ្សារស្មាតហ្វូនចំណាត់ថ្នាក់ទី 2 ធំបំផុតរបស់ពិភពលោកវិញ។ 

យោងតាមការបញ្ជាក់របស់បណ្តាញផ្សព្វផ្សាយឥណ្ឌា បាននិយាយថា ក្រុមហ៊ុន Motorola បានបង្ហាញចេញជាផ្លូវការនូវស្មាតហ្វូន Motorola Edge Plus នៅក្នុងប្រទេសឥណ្ឌាហើយ ជាមួយនឹងតម្លៃ  Rs. 74,999 ស្មើរនិង 991 ដុល្លារ  ដែលនេះគឺជាស្មាតហ្វូន Flagship ដំបូងបំផុតរបស់ក្រុមហ៊ុននេះចាប់តាំងពីការបង្ហាញនូវស្មាតហ្វូន Moto Z2 Force នៅក្នុងប្រទេសឥណ្ឌា កាលពីខែកុម្ភៈ ឆ្នាំ 2018 កន្លងទៅ។

ស្មាតហ្វូន Motorola Edge+ នេះ គឺមានគែមកោង។ ក្រុមហ៊ុននេះអះអាងថា អេក្រង់នេះ គឺមានកម្រិតកោងដល់ទៅ 90 ដឺក្រេ។ ខណៈពេលដែលគែមកោងរបស់ស្មាតហ្វូននេះមានភាពទាក់ទាញខ្លាំងបំផុតនោះ វាក៏មានប៊ូតុងដែលមានគោលដៅសម្រាប់ការលេងហ្គេមផងដែរ។ អេក្រង់របស់ស្មាតហ្វូននេះគឺមានទំហំ  6.7-inch FHD+ OLED ដែលមានការទ្រទ្រង់ទៅលើកម្រិត  90Hz refresh rate, DCI-P3 color gamut និង HDR10+ ផងដែរ។ ស្មាតហ្វូននេះគឺមានប្រព័ន្ធស្កេនក្រយ៉ៅដៃក្រោមអេក្រង់ និងរន្ធប្រហោងមួយគ្រាប់នៅលើអេក្រង់នៅគែមផ្នែកខាងលើខាងឆ្វេងរបស់វា។

បើនិយាយអំពីលក្ខណៈសម្បត្តិរបស់ស្មាតហ្វូននេះ Motorola Edge Plus នេះគឺប្រើប្រាស់នូវបន្ទះឈីប  Snapdragon 865 5G processor ចុងក្រោយបំផុតជាមួយនឹងរ៉េមទំហំ 12GB LPDDR5 RAM និងម៉េមូរីទំហំ  256GB UFS 3.0 storage ។ ក្រុមហ៊ុន Motorola គឺផ្តល់នូវទំហំមួយប៉ុណ្ណោះក្នុងការជ្រើសរើស។ ស្មាតហ្វូន Motorola Edge+ នេះគឺមានកាមេរ៉ា ៣ គ្រាប់ដែលមានទំហំ Samsung HMX 108MP f/1.8 sensor ជាមួយនឹងមុខងារ OIS និង 16MP f/2.2 ultra-wide-angle និង  8MP telephoto sensor ជាមួយនឹង  3x optical zoom ។សេនស័រខាងមុខរបស់ស្មាតហ្វូននេះគឺមានទំហំ 25MP sensor ។

ស្មាតហ្វូននេះ មានថាមពលថ្មទំហំ  5000mAh ជាមួយនឹងបច្ចេកវិទ្យា 18W wired charging និង 15W wireless charging។ Motorola Edge Plus ដំណើរការនូវ Android 10 ហើយនិងអាចអាប់ដេតបានដល់ទៅ Android 12។ Motorola Edge+ នេះគឺមានតម្លៃ Rs. 74999 ($991) នៅក្នុងប្រទេសឥណ្ឌាសម្រាប់ទំហំ 12GB RAM និង 256GB storage ។វាមានពីរពណ៌គឺ Smoky Sangria និង Thunder Grey ។ ស្មាតហ្វូននេះនឹងដាក់លក់នៅថ្ងៃទី 26 ខែឧសភាខាងមុខនេះ៕