ក្រុមហ៊ុន vivo បានឡើងឈរលើកំពូលតារាងនៃម៉ាកយីហោស្មាតហ្វូនដែលលក់ដាច់ជាងគេបំផុតនៅក្នុងប្រទេសឥណ្ឌូនេស៊ី

ថ្មីៗនេះ ក្រុមហ៊ុន vivo បានឡើងឈរលើកំពូលតារាងនៃម៉ាកយីហោស្មាតហ្វូនដែលលក់ដាច់ជាងគេនៅក្នុងប្រទេសឥណ្ឌូនេស៊ី ដោយបានយកឈ្នះដៃគូររបស់ខ្លួនក្រុមហ៊ុន Samsung។ កត្តាសំខាន់ដែលត្រូវបានគេមើលឃើញនៅពេលនេះ គឺដោយសារតែមេរោគរាតត្បាតកូរ៉ូណាវីរុស ដែលបានធ្វើអោយទីផ្សារស្មាតហ្វូនលំដាប់ថវិកាមានការកើនឡើងខ្លាំងពិសេសនៅក្នុងប្រទេសចិន។

នៅពេលនេះ ការនាំចេញស្មាតហ្វូនសរុបនៅក្នុងប្រទេសនេះ គឺមានក្រុមហ៊ុនម៉ាកយីហោជាច្រើនរបស់ចិន ចំនួន 73.3% ទៅហើយសម្រាប់ត្រីមាសទី 2 នៅក្នុងឆ្នាំ 2020 នេះបើតាមរបាយការណ៍ចេញពី KrAsia។ ក្រុមហ៊ុន vivo បាននាំមុខទីផ្សារនេះជាមួយនឹងចំណែកទីផ្សារចំនួន 21.2% ដែលមានការនាំមុខទីផ្សាររបស់ក្រុមហ៊ុន Samsung ដែលជាប់ចំណាត់ថ្នាក់លេខ 3 ជាមួយនឹងចំណែកទីផ្សារចំនួន 19.6%។ នេះមានការបង្ហាញថា ចំណែកទីផ្សាររបស់ក្រុមហ៊ុន vivo គឺមានចំនួន 7.8% នៅក្នុងត្រីមាសទី 2 ឆ្នាំ 2019 កន្លងទៅនេះ។ សម្រាប់ក្រុមហ៊ុនបច្ចេកវិទ្យាយក្សរបស់ចិន OPPO គឺជាប់ចំណាត់ថ្នាក់លេខ 2 ដែលមានចំណែកទីផ្សារចំនួន 20.6% ខណៈពេលដែលក្រុមហ៊ុន Xiaomi និង realme គឺជាប់ចំណាត់ថ្នាក់លេខ 4 និងលេខ 5 ជាមួយនឹងចំណែកទីផ្សារចំនួន 17.9% និង 13.6%។ 

តាមការបញ្ជាក់របស់ Counterpoint Research បានអោយដឹងថា ភាពជោគជ័យរបស់ក្រុមហ៊ុន vivo គឺដោយសារតែភាពជោគជ័យទៅលើទីផ្សារស្មាតហ្វូនថ្នាក់កណ្តាល។ មនុស្សជាច្រើនទិញស្មាតហ្វូនដែលមានតម្លៃសមរម្យដោយសារតែហេតុផលជាច្រើនរួមមានការធ្វើការងារពីផ្ទះ ការរៀនពីចម្ងាយនៅក្នុងពេលមានវិបត្តិនេះ។ បន្ថែមពីនេះទៀតនោះ វិបត្តិនេះគឺមានការប៉ះពាល់ទៅលើសេដ្ឋកិច្ចរបស់ប្រទេសនេះ។ ស្មាតហ្វូនដែលមានតម្លៃថោកជាច្រើន គឺមានការពេញនិយមខ្លាំងមែនទែន ហើយវាមានតម្លៃក្រោម 136 ដុល្លារអាមេរិក៕