កាលពី 2 សប្តាហ៌មុននេះ ក្រុមហ៊ុន ZTE បានប្រកាសថា ZTE Axon 40 Ultra ដែលជាកំពូលស្មាតហ្វូនរបស់ខ្លួន នឹងចេញលក់នៅលើទីផ្សារសកល។ យោងតាមព័ត៌មាននៅថ្ងៃនេះ បញ្ជាក់ថា Axon 40 Ultra ដែលជាស្មាតហ្វូនលំដាប់ Flagship នេះ គឺមានចេញលក់ជាផ្លូវការហើយ។ ស្មាតហ្វូននេះ គឺមានការបំពាក់នូវបន្ទះឈីប Snapdragon 8 Gen 1 និងមានអេក្រង់ទំហំធំដល់ទៅ 6.8 អ៊ីង កម្រិត FHD+ AMOLED និងមានការប្រើប្រាស់ល្បឿន refresh rate ខ្ពស់ ព្រមទាំងមានការបំពាក់នូវកាមេរ៉ាក្រោយដែលមានកម្រិតខ្ពស់ថែមទៀត។ អ្វីដែលអស្ចារ្យសម្រាប់ស្មាតហ្វូននេះ គឺការប្រើប្រាស់បច្ចេកវិទ្យាកាមេរ៉ានៅក្រោមអេក្រង់តែម្តង។
សម្រាប់តម្លៃនៃការប្រកាសចេញលក់នៅថ្ងៃនេះ គឺមានតម្លៃ $800/€830/£710 ទៅលើស្មាតហ្វូនដែលមានទំហំ 8GB-128GB និងតម្លៃ $900/€950/£810 ទៅលើម៉ូដែលទំហំ 12GB-256GB។ ចំពោះម៉ូដែលទំហំ 16GB-512GB និង16GB-1TB មិនមានការចេញលក់នៅក្រៅទីផ្សារប្រទេសចិននោះទេ។ ស្មាតហ្វូន ZTE Axon 40 Ultra អាចរកជាវបាននៅតាមហាងផ្លូវការរបស់ក្រុមហ៊ុន ZTE ដែលមាននៅតាមប្រទេសមួយចំនួនដូចខាងក្រោម។
អាមេរិកខាងជើង: កាណាដា, សហរដ្ឋអាមេរិក (មិនរួមបញ្ចូល កោះសាម៉ៅ, កោះហ្គាំ, កោះហាវៃ , កោះមារីអាណាខាងជើង ព័រតូរីកូ និង កោះវីជីនីញ៉ានោះទេ។
អឺរ៉ុប: អូទ្រីស, បែលហ្សិក, ប៊ុលការី, ក្រូអាត, សាយព្រឺស, សាធារណៈរដ្ឋឆែក, ដិនម៉ាក, អេស្តូនៀ, ហ្វាំងឡង់, បារាំង, អាល្លឺម៉ង់, ក្រិក, ហុងហ្ការី, អៀកឡង់, អ៊ីតាលី, ឡាតវី, លឺធ្យុនា, លុចហ្សំបួរ, ម៉ាល់តា, ហូឡង់, ប៉ូឡូញ, ព័រទុយហ្គាល់, រ៉ូម៉ានី, ស្លូវ៉ាគី, ស្លូវ៉ានី, អេស្ប៉ាញ (50 នៃ 52 ខេត្ត), ស៊ុយអែត និងចក្រភពអង់គ្លេស។
មជ្ឈឹមបូពា៍: អ៊ីស្រាអែល, គុយវែត, អារ៉ាប៊ី សាអូឌីត, យូណៃធីត អារ៉ាប់ អ៊ីមឺរ៉េត។
អាស៊ីប៉ាស៊ីហ្វិក: អូស្រ្តាលី, ហុងកុង, ឥណ្ឌូនេស៊ី, ជប៉ុនង, ម៉ាកាវ, ម៉ាឡេស៊ី, ហ្វីលីពីន, សឹង្ហបូរី, កូរ៉េខាងត្បូង, ថៃឡង់ដ៌ និងវៀតណាម។
អាហ្រ្វិក: អាហ្រ្វិកខាងត្បូង (8 ខេត្ត នៃ 9 ខេត្ត)