ថ្មីៗនេះមានរបាយការណ៌ជាច្រើនបាននិយាយថា ស្មាតហ្វូនជំនាន់ថ្មីរបស់ Samsung ម៉ូដែល Galaxy S23 series នឹងមានការបង្ហាញវត្តមាននៅថ្ងៃទី 1 ខែកុម្ភៈខាងមុខនេះហើយ ដែលស្មាតហ្វូននេះ គឺមាន 3 ម៉ូដែល រួមមានដូចជា Galaxy S23, Galaxy S23 Plus និង Galaxy S23 Ultra។ នៅថ្ងៃនេះ ដើម្បីបញ្ចប់នូវការចែកចាយព័ត៌មាននោះ ក្រុមហ៊ុននេះបញ្ជាក់ថា ស្មាតហ្វូននេះ គឺនឹងបង្ហាញវត្តមានជាផ្លូវការណ៌នៅថ្ងៃទី 1 ខែកុម្ភៈខាងមុខនេះពិតមែនហើយ។
ការប្រកាសចេញនូវកាលបរិច្ឆេរនះ គឺត្រូវបានគេឃើញនៅលើវិបសាយរបស់ក្រុមហ៊ុន Samsung ប្រចាំនៅប្រទេសកូឡុំប៊ី ញហើយក៏មានការបញ្ជាក់ថ្ងៃទីខែឆ្នាំផងដែរ។ នៅលើ Poster នោះ គឺមានការបង្ហាញរូបភាពកាមេរ៉ា 3 គ្រាប់ ដែលដូចទៅនឹងកាមេរ៉ាដែលយើងបានឃើញនៅលើស្មាតហ្វូនម៉ូដែល Ultra ដែលជាម៉ូដែលធំជាងគេរបស់ក្រុមហ៊ុននេះ Samsung អញ្ចឹង។
សូមជំរាបថា កាលពីពេលថ្មីៗនេះ មានការបែធ្លាយនូវព័ត៌មានច្រើនរបស់កំពូលស្មាតហ្វូននេះ ដែលលើកឡើងស្ទើរតែស្រុងតែម្តង។ ថ្មីៗនេះក៏មានការបញ្ចេញនូវរូបភាពច្បាស់ៗរបស់ស្មាតហ្វូនជំនាន់ថ្មីនេះផហដែរ ដោយបានបញ្ជាក់ថា កំពូលស្មាតហ្វូននេះ គឺនឹងមានចំនួន 4 ពណ៌។ Galaxy S23 នឹងមាន 4 ពណ៌ គឺមានដូចជា Phantom Black, Cotton Flower, Misty Lilac និង Botanic Green។
