កាលពីដើមខែនេះ ក្រុមហ៊ុន realme បានប្រកាសសម្ពោធជាផ្លូវការស្មាតហ្វូនស៊េរីថ្មីរបស់ខ្លួននៅលើទីផ្សារប្រទេសចិន ដែលមានដូចជា realme 11 Pro និង realme 11 Pro+ Series។ យោងតាមរបាយការណ៌ថ្មីៗនេះ បានបញ្ជាក់ថា ស្មាតហ្វូនទាំងនេះ នឹងមានការបង្ហាញចេញនៅលើទីផ្សារផ្សេងទៀតផងដែរ ដែលមានដូចជា ឥណ្ឌា ជាដើម។ បើតាមការបង្ហោះ tweet ដោយ realme India គឺបានបញ្ជាក់ថា realme 11 Pro នឹងសម្ពោធជាផ្លូវការនៅខែមិថុណាខាងមុខនេះ។ បន្ថែមពីនេះក៏នូវមានការបញ្ជាក់ទៀត realme 11 lineup ក៏នឹងមានលក់នៅលើទីផ្សារសកលនៅខែមិថុណាខាងមុខនេះដូចគ្នា។
realme 11 Pro និង realme 11 Pro+ គឺជាស្មាតហ្វូនជំនា់ថ្មីមួយ ដែលមានការបំពាក់នូវអេក្រង់ទំហំ 6.74-អ៊ីង OLED panel និងមានគែមអេក្រង់កោង ហើយអេក្រង់នេះ គឺមានកម្រិតបង្ហាញចេញ FHD+ ជាមួយនិងល្បឿន 120Hz refresh rate។ ស្មាតហ្វូនទាំងពីរនេះ រត់នៅលើស្បែកមុខកម្មវិធី realme UI 4.0 ផ្អែលជាមួយប្រព័ន្ធប្រតិបត្តិការ Android 13 OS។ សម្រាប់ការថតរូប ស្មាតហ្វូន realme 11 Pro មានកាមេរ៉ាមុខទំហំ 16-Megapixel ខណៈដែលម៉ូដែល Pro+ គឺមានកាមេរ៉ាមុខទំហំ 32-Megapixel។
និយាយពីកាមេរ៉ាក្រោយវិញ ស្មាតហ្វូន Pro model ប្រើប្រាស់កាមេរ៉ា OIS ដែលមានទំហំ 100-Megapixel និងមួយគ្រាប់ទៀតមានទំហំ 2-Megapixel macro camera។ ចំពោះកាមេរ៉ារបស់ Pro+ គឺមានទំហំ 200-Megapixel គាំទ្រដោយមុខងារ OIS ខណៈដែលគ្រាប់ទីពីរមានទំហំ 8-Megapixel ultra-wide lens និងគ្រាប់ទីបីមានទំហំ 2-Megapixel macro។ realme 11 Pro series ប្រើឈីប Dimensity 7050 និងមានថ្មទំហំ 5,000mAh។ realme 11 Pro និង 11 Pro+ គាំទ្រដោយកម្លាំងសាក 67W និង 100W charging។
បើតាមរបាយការណ៌ថ្មីៗនេះ បានបង្ហាញដែរថា realme 11 Pro នឹងមានជម្រើសទំហំ 8GB+128GB, 8GB+256GB និង 12GB+256GB។ សម្រាប់ realme 11 Pro+ នឹងមានមានជម្រើស 8GB+256GB និង 12GB+256GB។ ស្មាតហ្វូនទាំងពីរនេះ នឹងមាន 3 ពណ៌ Astral Black, Oasis Green និង Sunrise Beige។ មកដល់ពេលនេះ នៅមិនទាន់មានតម្លៃសម្រាប់ទីផ្សារឥណ្ឌានោះទេ។
