ស្មាតហ្វូន Xiaomi 12T និង 12T Pro ត្រូវបានគេរំពឹងថា នឹងបង្ហាញខ្លួនឆាប់ៗនេះ នៅក្នុងទីផ្សារសកល។ ថ្មីៗនេះ របាយការណ៍មួយបានទម្លាយអំពីទំហំ Storage, ពណ៌ និងតម្លៃរបស់ស្មាតហ្វូនស៊េរីថ្មីនេះ។ នៅពេលនេះ អ្នកទម្លាយ Kacper Skryzper បានបញ្ជាក់ថា ស្មាតហ្វូន Xiaomi 12T Pro នឹងបង្ហាញខ្លួនជា Rebrand របស់ស្មាតហ្វូន Redmi K50 Ultra ដែលទើបតែបង្ហាញខ្លួនកាលពីប៉ុន្មានថ្ងៃមុននេះ។
យោងតាមអ្នកទម្លាយ Kacper Skryzper ក៏បានបញ្ជាក់អំពីវត្តមានរបស់ស្មាតហ្វូន Xiaomi 12T Pro នៅលើ Google Playផ ផងដែរ។ ស្មាតហ្វូននេះ គឺមានលេខកូដ 22081212 ឬ “diting”។ នៅក្នុងបញ្ជី Google Play ខាងលើនេះ ត្រូវបានអ្នកទម្លាយរូបនេះ អះអាងថា ស្មាតហ្វូន Xiaomi 12T Pro នឹងបង្ហាញខ្លួននៅក្នុងទីផ្សារសកលជា Rebrand របស់ស្មាតហ្វូន Redmi K50 Ultra។
ថ្មីៗនេះ ស្មាតហ្វូន Redmi K50 Ultra ក៏បានបង្ហាញខ្លួនជាមួយនឹងស្មាតហ្វូន Xiaomi Mix Fold 2។ ស្មាតហ្វូននេះ មានអេក្រង់ទំហំ 6.67-អ៊ីង AMOLED ជាមួយនឹងកម្រិតភាពច្បាស់ 1.5K អេក្រង់ 120Hz refresh rate និង Dolby Vision។ ស្មាតហ្វូន នេះប្រើប្រាស់នូវបន្ទះឈីប Snapdragon 8+ Gen 1 រ៉េមទំហំ 12GB LPDDR5 RAM និងម៉េមូរីទំហំ 512GB UFS3.1។
ស្មាតហ្វូន Redmi K50 Ultra នេះ មានកាមេរ៉ាខាងក្រោយ 3 គ្រាប់ដែលមានទំហំ 108MP Primary Sensor, 8MP ultra-Wide-Angle Lens និង 2MP Macro Lens។ ស្មាតហ្វូននេះ មានកាមេរ៉ាខាងមុខទំហំ 20-megapixel ។ ស្មាតហ្វូននេះមានថាមពលថ្មទំហំ 5000mAh និងបច្ចេកវិទ្យាសាកថ្មលឿន 120W fast charging។ ស្មាតហ្វូននេះ អាចនឹងបង្ហាញខ្លួននៅក្នុងខែតុលានេះជាមួយនឹងស្មាតហ្វូនXiaomi 12T ៕
