បន្ទាប់ពីការប្រកាសចេញនូវស្មាតហ្វូន Xiaomi 12T Pro បានមួយរយៈពេលមក នៅថ្ងៃនេះ ក្រុមហ៊ុន Xiaomi បានធ្វើអោយគ្រប់គ្នាកាន់តែមានការចាប់អារម្មណ៌ថែមទៀតហើយជាមួយនិងការបង្ហាញចេញនូវវត្តមានរបស់ស្មាតហ្វូន Xiaomi 12T Pro ម៉ូដែលពិសេសថ្មីមួយទៀតដែលមានឈ្មោះថា Xiaomi 12T Pro Daniel Arsham Edition។ ។ ស្មាតហ្វូនជំនាន់ថ្មីនេះ គឺស្ថិតនៅក្នុងគម្រោងមួយជាមួយនឹងវិចិត្រករដែលមានមូលដ្ឋាននៅក្នុងទីក្រុងញ៉ូវយ៉កផងដែរ។
Xiaomi 12T Pro ម៉ូដែលពិសេសនេះ បានបង្ហាញខ្លួនជាមួយនិង ទំហំ 12GB-256GB និងដំណើរការជាមួយនឹងបន្ទះឈីប Snapdragon 8+ Gen 1 រួមជាមួយនិងបំពាក់នូវកាមេរ៉ាទំហំ 200MP។ អ្វីដែលមើលឃើញថាប្លែកនោះ គឺថាផ្នែកខាងក្រោយរបស់ស្មាតហ្វូននេះ គឺមានពណ៌បៃតងជាមួយនឹង copper-colored crystals ដែលមើលទៅពិតជាស្រស់ស្អាតមែនទែន។
លោក Daniel Arsham បាននិយាយថា សម្រាប់មនុស្សដែលមានវ័យ 20 ឆ្នាំ នឹងប្រើប្រាស់នូវស្មាតហ្វូននេះជាទម្រង់ចម្លាក់ដេលមានការផ្សារភ្ជាប់ជាមួយនឹងពេលវេលា ហើយវាមានភាពអស្ចារ្យលើសពីមុខងាររបស់វា។ ក្រុមហ៊ុនXiaomi បាននិយាយថា កិច្ចសហការនេះ គឺបង្កើតឡើងសម្រាប់ការឆ្ពោះទៅរកអនាគតនៃឌីជីថល ហើយស្មាតហ្វូននេះគឺមានតម្លៃ €899 ហើយវាមានការផលិតត្រឹមតែ 2000 គ្រឿងប៉ុណ្ណោះ។
សម្រាប់ការកម្មង់ទិញមុន (Pre-orders) គឺចាប់ផ្តើមពីថ្ងៃទី 5 ខែធ្នូនេះ ហើយការលក់ទៅលើស្មាតហ្វូន Xiaomi 12T Pro Daniel Arsham Edition គឺធ្វើឡើងនៅថ្ងៃទី 16 ខែធ្នូនេះ នៅលើវេបសាយ mi.com និង highsnobiety.com ៕
