Samsung អាចនឹងមិនប្រើប្រាស់ក្រាហ្វិកាត AMD នៅក្នុង GPU ដែលនឹងបំពាក់នៅលើ Galaxy S26 នោះទេ

មួយរយ់ចុងក្រោយនេះ ក្រុមហ៊ុន Samsung ត្រូវបានគេមើលឃើញថា ទទួលបាននូវការចាប់អារម្មណ៌កាន់តែច្រើន តាមរយៈនៃការប្រកាសចេញនូវបន្ទះឈីបជំនាន់ថ្មី Exynos របស់ខ្លួននៅក្នុងឆ្នាំនេះ។ តាមលទ្ធផលនៃការធ្វើតេស្តទៅលើបន្ទះឈីបនេះ អាចនិយាយបានថា ក្រុមហ៊ុន Samsung គឺមានការពង្រឹងសមត្ថភាពខ្លាំងជាងមុខសម្រាប់វត្តមានបន្ទះឈីបនេះ។ យោងតាមការបញ្ជាក់កន្លងមក បានអោយយដឹងថា បន្ទះឈីប Exynos 2400 គឺមានសមត្ថភាពខ្ពស់ជាងជំនាន់មុនៗ ដោយក្រុមហ៊ុន AMD បានជួយក្រុមហ៊ុន Samsung តាមរយៈនៃបង្កើនសមត្ថភាពទៅលើ GPU។

ថ្មីៗនេះមានសេចក្តីរាយការណ៌ថា ក្រុមហ៊ុន Samsung អាចនឹងមិនប្រើប្រាស់ក្រាហ្វិកាត AMD GPU នៅលើ Galaxy S26 នោះទេ។ យោងតាមរបាយការណ៌ថ្មី ដែលចែកចាយដោយអ្នកទម្លាយ Roland Quandt បាននិយាយយាថា ក្រុមហ៊ុន Samsung គឺបាននឹងកំពុងតែធ្វើការអភិវឌ្ឍនទៅលើបន្ទះឈីប Exynos ថែមទៀតហើយ ដោយមានការប្រើប្រាស់នូវលេខម៉ូដែល S5E9955 ហើយនិងមានក្រាហ្វិក AMD RDNA-based GPU។ ប៉ុន្តែសម្រាប់ជម្រើសបន្ទាប់របស់ក្រុមហ៊ុនបច្ចេកវិទ្យាយក្សកូរ៉េខាងត្បូងនេះ គឺគ្រោងនឹងធ្វើការអភិវឌ្ឍទៅលើបន្ទះឈីបថ្មីមួយសម្រាប់ស្មាតហ្វូន Galaxy S26 ដែលនឹងមានការប្រើប្រាស់នូវក្រាហ្វិកាតផ្ទាល់ខ្លួនថែមទៀតផង។ ដូច្នេះផ្អែកលើការលើកឡើងនេះ បញ្ជាក់ថា ក្រុមហ៊ុន Samsung នឹងមិនប្រើប្រាស់ក្រាហ្វិកាត AMD នៅលើ GPUs របស់ខ្លួននោះទេ។

ក្រុមហ៊ុន Samsung ក៏ត្រូវបានគេរាយការណ៌ថា នឹងធ្វើអោយកាន់តែប្រសើរឡើងទៅលើសមត្ថភាពរបស់បន្ទះឈីប ដែលបំពាក់នៅលើស្មាតហ្វូន Galaxy S25។ ស្មាតហ្វូនថ្មីនេះ គឺនឹងមានការប្រើប្រាស់នូវបន្ទះឈីបជំនានទី 2 នៃដំណើរការកម្រិត 3nm របស់ខ្លូន។ បើតាមពាក្យចចាមអារ៉ាមបាននិយាយថា ការពង្រឹងទៅលើបន្ទះឈីបថ្មីនេះ គឺនឹងមានភាពប្រសើរខ្លាំងជា ងមុន ហើយនឹងមានការប្រើប្រាស់ឈ្មោះថ្មីទៅលើបន្ទះឈីបនេះ រួមនិងការលុបចោលនូវឈ្មោះរបស់បន្ទះឈីប Exynos ថែមទៀតផង។ ក្រុមហ៊ុននេះត្រូវបានគេដឹងថា នឹងមានការរើសនូវវិស្វករជំនាកប្រហែលជា 1,000 នាក់ សម្រាប់ដំណើរការទកផប្រព័ន្ធ System LSI ទៅលើការអភិវឌ្ឍថ្មីនេះផងដែរ។