realme GT Neo 6 គាំទ្រកម្រិត1.5K នៅលើហ្គេម “Genshin Impact” និងរត់បានល្បឿន 120fps នៅលើ “Honor of Kings”

នៅពេលនេះ លោក Xu Qi Chase អនុប្រធានរបស់ក្រុមហ៊ុន realme និងប្រធានផ្នែកទីផ្សារសកលរបស់ក្រុមហ៊ុន realme បានទម្លាយអំពីលក្ខណៈសម្បត្តិជាច្រើនដ៏ខ្លាំងក្លារបស់ស្មាតហ្វូន realme GT Neo 6 តាមរយៈគណនី Weibo ផ្លូវការរបស់ខ្លួនហើយ។ ដោយនៅក្នុងនោះ មានការបញ្ជាក់ថា ស្មាតហ្វូនថ្មីនេះ អាចលេងហ្គេម Honor of Kings ជាមួយនឹងកម្រិត 120fps បានកាន់តែអស្ចារ្យ និងមានល្បឿនលឿនក្នុងការប្រើប្រាស់។

លោក Xu Qi បានអះអាងថា បទពិសោធន៍នៃការលេងហ្គេមនៅក្នុងពេលបច្ចុប្បន្ននេះ គឺមានភាពខុសប្លែកពីមុន។ គាត់បានននិយាយថា ស្មាតហ្វូនថ្មីនេះ អាចដំណើរការចា Honor of Kings នៅក្នុងកម្រិតគុណភាពច្បាស់ដោយគ្មានបញ្ហានោះទេ។ កម្រិត frame rate នេះគឺអាចធ្វើបាន 120fps។ សម្រាប់សីតុណ្ហភាពនៅលើស្មាតហ្វូននេះ គឺឈានដល់ទៅ 43.0℃ ដែលល្អនៅក្នុងការលេងហ្គេមកម្រិត 120 fps ថែមទៀតផង។ ជាធម្មតាកម្រិត 60 fps setting អាចនឹងបន្ថយសីតុណ្ហភាពបន្តិចត្រឹមតែ 42.5℃ បន្ទាប់ពីការលេងហ្គេមបាន 1 ម៉ោង។ 

បន្ថែមពីនេះទៀតនោះ បន្ទះឈីប Snapdragon 8s Gen 3 នៅលើស្មាតហ្វូននេះក៏ទ្រទ្រង់ទៅលើ real-time hardware-accelerated ray tracing ដែលជំនួយដល់ការលេងហ្គេមថែមទៀត។  នៅក្នុងការបង្ហោះរបស់គាត់មួយទៀតនៅលើ Weibo នេះ គឺបានបញ្ជាក់ថា ស្មាតហ្វូននេះ អាចលេងហ្គេម Genshin Impact នៅក្នុងកម្រិត 1.5K resolution ។ 

ស្មាតហ្វូនថ្មីនេះអាចនឹងបំពាក់នូវបន្ទះឈីប Snapdragon 8s Gen 3 ដែលមាន Cortex-X4 clocked 3.0GHz, 4x Cortex-A720 cores clocked 2.8 GHz និ 3 x power-efficient Cortex-A520 cores clocked 2.0GHz ។ សម្រាប់ក្រាហ្វិកវិញនោះ វាទ្រទ្រង់ទៅលើ Adreno 735 GPU។ ស្មាតហ្វូន GT Neo 6 នេះ មានផ្ទៃត្រជាក់ដល់ទៅ 10014mm² vapor cooling chamber ផងដែរ។ បន្ថែមពីនេះ វាមានថាមពលថ្មទំហំ 5500 mAh និងបច្ចេកវិទ្យា 120W charging ថែមទៀតផង៕