ស្មាតហ្វូន vivo X100 Ultra ត្រូវបានគេរាយការណ៌ថា នឹងមានការប្រកាសចេញជាផ្លូវការនៅថ្ងៃច័ន្ទទី 13 ខែឧសភា ខាង មុខនេះហើយ ដោយម៉ូដែលនេះ ត្រូវបានគេបញ្ជាក់ថា មានការបំពាក់នូវប្រព័ន្ធកាមេរ៉ាដែលសមត្ថភាពខ្ពស់ ដោយថែមទាំង អាចខលបានថែមទៀតផង "professional camera that can also make calls"។
យោងតាមព័ត៌មានថ្មីនៅថ្ងៃនេះ បាន បង្ហាញពីលក្ខណៈសម្បត្តិរបស់កាមេរ៉ានៅលើស្មាតហ្វូនថ្មីនេះហើយ។ នៅលើស្មាតហ្វូននេះ គឺនឹងមានការបំពាក់នូវ សិនស័រ កាមេរ៉ាទំហំ 50MP Sony Lytia LYT-900 1-អ៊ីង សម្រាប់កាមេរ៉ាគោល និងមួយគ្រាប់ទៀតមានទំហំ 50MP Sony Lytia LYT-600 ultrawide និងកាមេរ៉ាមុខមានទំហំ 50MP Samsung ISOCELL JN1 ហើយកាមេរ៉ានេះ ក៏មាន គាំទ្រការថត បានកម្រិត 4K@60fps ថែមទៀតផង។
ប៉ុន្តែបើតាមការបញ្ជាក់កន្លងមក គឺមានការផ្តោតខ្លាំងទៅលើកាមេរ៉ាទំហំ 200MP periscope zoom ដែលនឹងមានការប្រើ ប្រាស់នូវសិនស័រ Samsung ISOCELL HP9 ដែលបានធ្វីអភិវឌ្ឍន៍រួមគ្នាជាមួយ vivo។ សិនស័រនេះ នឹងក្លាយជាសិនស័រ ធំបំផុតនៅក្នុងចំណោមកាមេរ៉ា periscope telephoto camera។ ប្រៀបធៀបជាមួយនិង Samsung's existing HP3 នោះ សិនស័រ HP9 គឺមានពន្លឺខ្ពស់ជាងមុនខ 12%។
ប្រភពខាងលើនេះ បន្តថា ឡែនកាមេរ៉ាស្មាតហ្វូននេះ គ៏មានការប្រើប្រាស់នូវកញ្ចក់ fluorite glass ដែលមានការឌីស្សាញជា មួយនិងកញ្ចក់ដែលមានធន់ ដែលនឹងជួយអោយការផលិតរូបភាពបានគុណភាពខ្ពស់ថែមទៀត។ សមាសភាគនេះត្រូវបាន គេបញ្ជាក់ទៀតថា គឺដូចជាឡែន Sony new G Master lenses អញ្ចឹងដែរ។
គួរបញ្ជាក់ថា X100 Ultra ត្រូវបានគេរាយការណ៌ថា បំពាក់នូវបន្ទះឈីប Qualcomm Snapdragon 8 Gen 3 SoC និងអេក្រង់កម្រិត "2K" Samsung-made AMOLED screen ក៏ដូចជាថ្មទំហំ 5,500mAh ដែលគាំទ្រនូវកម្លាំងសាក 80W wired និង 30W wireless charging។ X100 Ultra អាចនឹងមានតម្លៃចាប់ពី CNY 6,699 ($928 ឬ €861) សម្រាប់ទំហំ 12GB+256GB ខណៈដែលទំហំ 16GB+1TB មានតម្លៃ CNY 8,499 ($1,178 ឬ €1,092)។