កាលពីប៉ុន្មានថ្ងៃមុននេះ ក្រុមហ៊ុន Huawei ទើបតែប្រកាសចេញនូវក្រុមហ៊ុនផលិតសមាសភាគ និងសេវាកម្មរថយន្តថ្មីរបស់ខ្លួន ដែលមានតម្លៃដល់ទៅ 250 ពាន់លានយ៉ន់ (ប្រហែលជា 34 ពាន់លានដុល្លារអាមេរិក) ជាមួយនឹងក្រុមវិនិយោគិនដំបូងរបស់ខ្លួន។ ក្រុមហ៊ុន Huawei និងក្រុមហ៊ុនផលិតរថយន្តរបស់ចិន Changan Auto បានចាប់ផ្តើមទៅលើក្រុមហ៊ុនរថយន្តស្វ័យប្រវត្តិថ្មីក្នុងការផលិតនូវគ្រឿងបន្លាស់សម្រាប់រថយន្ត។
យោងតាមការផ្សព្វផ្សាយចេញពីសារព័ត៌មាន Reuters នាពេលថ្មីៗនេះ បានអោយដឹងថា ក្រុមហ៊ុន Changan Auto និងក្រុមហ៊ុនធំ China Ordnance Equipment Group កំពុងតែពិភាក្សាគ្នា ដើម្បីទិញនូវភាគហ៊ុន 35% និង 5% ដែលមានតម្លៃ 200 ពាន់លានយ៉ន់ និង 250 ពាន់លានយ៉ន់។ ក្រៅពីក្រុមហ៊ុន Changan Auto នេះ ក្រុមហ៊ុន Huawei ក៏រក្សានូវការបើកចំហរទៅលើការវិនិយោគទៅលើក្រុមហ៊ុនជាច្រើនទៀតចេញពីឧស្សាហកម្មរថយន្តស្វ័យប្រវត្តិ។
ផ្អែកតាមការបញ្ជាក់នៅក្នុងរបាយការណ៍ថ្មីមួយទៀត ក៏បានបង្ហាញថា ដៃគូជាច្រើនទៀតក៏អាចចូលរួមជាមួយនឹងរបស់ក្រុមហ៊ុន Huawei ផងដែរ ក្នុងនោះមានដូចជាក្រុមហ៊ុន FAW Group និង Dongfeng Motor Group ផងដែរ ដោយក្រុមហ៊ុនទាំងពីរនេះ អាចនឹងទិញភាគហ៊ុន 5%។ ជាមួយនិងការប្រកាសចេញនូវក្រុមហ៊ុនរថយន្តថ្មីនេះ Huawei គឺជាក្រុមហ៊ុនដែលមានភាគហ៊ុនធំជាងគេ ដោយគ្រប់គ្រង់ភាគហ៊ុននៅក្នុងក្រុមហ៊ុននេះចន្លោះពី 40% ទៅ 50%។ ប្រភពដដែលនេះ បានបន្តថា ក្រុមហ៊ុននេះ អាចនឹងលក់នូវភាគហ៊ុនបន្ថែមទៀតនៅក្នុងរយៈពេល 2 ទៅ 3 ឆ្នាំខាងមុខ៕
