ក្រុមហ៊ុន MediaTek ទើបតែប្រកាសជាផ្លូវការនូវបន្ទះឈីប Helio G200 4G ហើយពលេនេះ ក្រុមហ៊ុន ក៏ទម្លាយនូវបន្ទះឈីប Spark 40 Pro+ ស៊េរីថ្មីរបស់ក្រុមហ៊ុន Tecno។ តាមការបញ្ជាក់របស់ក្រុមហ៊ុននេះ ស្មាតហ្វូនថ្មីនេះនឹងបំពាក់នូវបន្ទះឈីប G200 នេះ។ ស្មាតហ្វូន Spark 40 series នេះនឹងបង្ហាញខ្លួននៅក្នុងទីផ្សារសកលនៅក្នុងខែកក្កដានេះ។ បន្ទះឈីប G200 នេះ មិនទាន់មានបច្ចេកវិទ្យា 5G ប៉ុន្តែក្រុមហ៊ុន MediaTek គឺផ្តោតទៅលើបច្ចេកវិទ្យា 4G ប៉ុណ្ណោះ។
ប្រផពខាងលើបន្តថា បន្ទះឈីបនេះ គឺមាន Octa-Core ជាមួយនឹង 2x Cortex-A76 Performance Cores ជាមួយនឹងល្បឿន 2.2GHz និង 6x Cortex-A55 efficiency cores គាំទ្រជាមួយនឹងល្បឿន 2.0GHz។ បន្ទះឈីប Helio G200 នៅក្នុងស្មាតហ្វូន Spark 40 Pro+ នេះមានការពង្រឹងល្បឿន 10% ជាមួយនឹងពិន្ទុ 470,000 នៅលើ AnTuTu ។ សម្រាប់ក្រាហ្វិកកាតរបស់ក៏មានការកើនឡើងផងដែរ។ សម្រាប់ក្រាហ្វិកកាត Mali-G57 MC2 GPU នេះ មានល្បឿន 1.1GHz ប្រៀបធៀបជាមួយនឹងបន្ទះឈីប Helio G99 និង G100 ដែលមានល្បឿនត្រឹមតែ 1.0GHz។
ក្រុមហ៊ុន Tecno បានបញ្ជាក់ថា ឈីបនេះ មានការកើនឡើងល្បឿន 10% នៅក្នុងការតេស្តទៅលើ Single-core GPU។ ក្រៅពីនេះ បន្ទះឈីប Helio G200 នេះ ក៏មិនមានការ upgrade ខ្លាំងនោះទេ បើធៀបជាមួយនឹងបន្ទះឈីប Helio G100។ ក្រុមហ៊ុន Tecno នៅមិនទាន់បានទម្លាយព័ត៌មានលម្អិតរបស់ស្មាតហ្វូន Spark 40 Pro+ នោះទេ។ គិតមកដល់ពេលនេះ នៅសល់ពេល 2 ខែទៀត នៅមុនការប្រកាសជាផ្លូវការទៅលើស្មាតហ្វូននេះ៕
