ស្មាតហ្វូនស៊េរីថ្មី Huawei Pura 80 Ultra នឹងប្រើប្រាស់នូវកាមេរ៉ាភ្លោះ Dual Periscope

យោងតាមពាក្យចចាមអារ៉ាមថ្មីមួយ បានបញ្ជាក់ថា ស្មាតហ្វូនស៊េរីថ្មី Huawei Pura 80 Ultra នឹងមានការប្រើប្រាស់នូវកាមេរ៉ាភ្លោះ Dual Periscope។ តាមព័ត៌មានខាងលើនេះ និយាយថា ក្រុមហ៊ុននេះ នៅមិនត្រឹមតែធ្វើការតេស្តទៅលើសិនស័រកាមេរ៉ា គោលប៉ុណ្នោះទេ គឺថែមទាំងបន្តក្នុងការរុករកនូវបច្ចេកវិទ្យាថ្មីបំផុត ដើម្បីបង្កើននូវបទពិសោធន៍នៃការថតរូបភាព Macro កាន់តែអស្ចារ្យយបំផុត។ អ្នកទម្លាយ @DigitalChatStation បានទម្លាយថា ក្រុមហ៊ុន Huawei នឹងប្រើប្រាស់នូវកាមេរ៉ា Dual-Periscope សម្រាប់ស្មាតហ្វូន Pura 80 Ultra Flagship នេះ។ 

ប្រសិនបើពាក្យចចាមអារ៉ាមនេះ គឺជាការពិតនោះ អតិថិជនរបស់ Huawei អាចនឹងទទួលបាននូវស្មាតហ្វូនដែលមានកម្រិត Zoom ខ្លាំងនិងរូបភាពកាន់តែច្បាស់។ បន្ថែមពីនេះ អ្នកប្រើប្រាស់ក៏នឹងភ្លក់រសជាតិជាមួយនិងស្មាតហ្វូនថ្មី ដែលដំណើរការនៅលើ Dual Periscope Telephoto Lens នៅផ្នែកកាមេរ៉ាខាងក្រោយផងដែរ។ បើអ្នកទម្លាយនេះ បានបន្ថែមថា សម្រាប់សិនស័រ Periscope Sensors ទាំងពីរនេះ នឹងមានកាមេរ៉ាទំហំ 50MP និង RYYB filter។ សម្រាប់ Red-Yellow-Yellow-Blue filter មានពន្លឺច្រើនជាងការប្រើប្រាស់នូវ RGGB filter។ ឡែននេះ នឹងកាត់បន្ថយទៅលើ Noise នៅក្នុងកន្លែងដែលមានពន្លឺទាបថែមទៀតដែលធ្វើអោយរូបភាពកាន់តែច្បាស់ និងភ្លឺជាងមុន។ 

សូមជំរាបថា កាមេរ៉ា Dual-Periscope នេះ ត្រូវបានគេរាយការណ៌ថា ក៏អាចបង្កើតរូបភាពកាន់តែប្រសើរជាងមុនសម្រាប់អ្នកប្រើប្រាស់ជាច្រើនផងដែរ។ សម្រាប់ដំណោះស្រាយ Dual-Periscope នេះ គឺស្ថិតនៅក្នុងដំណាក់កាលនៃការធ្វើតេស្ត ប៉ុន្តែវាមិនទាន់បានដាក់អោយប្រើប្រាស់នៅលើស្មាតហ្វូននៅឡើយទេ។ ផ្អែកទៅលើរូបភាពបែកធ្លាយជាច្រើននោះ ក្រុមហ៊ុន Huawei អាចនឹងប្រើប្រាស់ទៅលើបច្ចេកវិទ្យាថ្មីនេះនៅលើស្មាតហ្វូន Flagship នាពេលខាងមុខនេះ។ 

បច្ចុប្បន្ននេះ ក្រុមហ៊ុន OPPO គឺជាម៉ាកយីហោតែមួយគត់ដែលប្រើប្រាស់នូវកាមេរ៉ា Dual-Periscope នៅលើស្មាតហ្វូន Find X8 Ultra។ ស្មាតហ្វូននេះ មានកាមេរ៉ាគោលទំហំ 50MP និង 50MP periscope telephotos ចំនួន 2 គ្រាប់ គាំទ្រជាមួយនឹង 3X និង 6x optical zoom ខណៈដែលមួយគ្រាប់ទៀតមានទំហំ 50MP ultrawide ។ ក្រុមហ៊ុន Huawei អាចនឹងប្រើប្រាស់នូវបច្ចេកវិទ្យានេះនៅលើស្មាតហ្វូន Pura 80 Ultra ៕