នៅថ្ងៃនេះ ក្រុមហ៊ុន Huawei បានប្រកាសដាក់សម្ពោធជាផ្លូវការណ៌នូវស្មាតហ្វូនជំនាន់ថ្មីរបស់ខ្លួនម៉ូដែលថ្មីចុងក្រោយ Pura 80 series ជាមួយនិងថេប្លេតជំនាន់ថ្មី MatePad 11.5 (2025) នៅលើទីផ្សារសកលហើយ។ សម្រាប់ផលិតផលថ្មីៗទាំងនេះ សុទ្ធសឹងតែជាម៉ូដែលប្រណិត បំពាក់នូវបច្ចេកវិទ្យាទំនើប មានអនុភាពខ្ពស់របស់ក្រុមហ៊ុនបច្ចេកវិទ្យាយក្សចិនមួយនេះ។
.jpg)
បើតាមការបញ្ជាក់របស់ក្រុមហ៊ុន Huawei បានអោយដឹងថា Huawei Pura 80 Series មាន 3 ម៉ូដែល រួមមានដូចជា Pura 80, Pura 80 Pro និងម៉ូដែល flagship Pura 80 Ultra។សូមជំរាបថា សម្រាប់ម៉ូដែល Pro និង Ultra សុទ្ធតែមានការបំពាក់នូវសិនស័រកាមេរ៉ាគោលមានទំហំ 1-អ៊ីងដូចគ្នា។
Huawei Pura 80 Pro នឹងមានជម្រើសច្រើនពណ៌ Glazed Red, Glazed White និង Glazed Black និងមានទំហំ 12GB+512GB តម្លៃ 1,099 យូរ៉ូ។ រីឯម៉ូដែល Pura 80 Ultra មានតម្លៃ 1,499 យូរ៉ូ សម្រាប់តម្លៃ 16GB+512GB ហើយអ្នកប្រើប្រាស់អាចជ្រើសរើសបាន 2 ពណ៌ រួមមាន Prestige Gold និង Golden Black។
ក្រឡេកមកមើល Huawei MatePad 11.5 (2025) បង្ហាញវត្តមានជាមួយនិងជម្រើសពណ៌ Violet និង Space Gray មានទំហំ 8GB-128GB សម្រាប់ម៉ូដែលស្តង់ដារ មានតម្លៃ 289 យូរ៉ូ ខណៈដែល 8GB+256GB PaperMatte Edition ភ្ជាប់ជាមួយ keyboard មានតម្លៃ 429 យូរ៉ូ។ តាមការបញ្ជាក់ពីក្រុមហ៊ុនបានអោយដឹងថា ផលិតផលថ្មីទាំងនេះ នឹងមានការបង្ហាញវត្តមាននៅលើទីផ្សារអឺរ៉ុបឆាប់ៗនេះ ហើយបន្តប្រកាសចេញនៅលើទីផ្សារអាហ្វ្រិក និងអាស៊ី។
