iPhone 17 Pro អាចនឹងប្រើប្រាស់នូវ Liquid Glass ពណ៌ថ្មីប្លែកពីម៉ូដែលមុនៗ

ជាមួយនឹងវត្តមានប្រតិបត្តិការថ្មី iOS 26 ក្រុមហ៊ុន Apple បានបញ្ចេញនូវការឌីស្សាញទៅលើ Liquid Glass ជាមួយនិង Software ជំនាន់ថ្មីរបស់ខ្លួននេះផងដែរ។ នៅពេលនេះ យោងតាមពាក្យចចាមអារ៉ាមថ្មីបានទម្លាយថា ក្រុមហ៊ុនអាមេរិកាំងមួយនេះ បានដាក់ដំណើការបច្ចេកវិទ្យានេះ ទៅលើផ្នែក software & hardware សម្រាប់ស្មាតហ្វូន iPhone 17 Pro ដែលគ្រោងនឹងដាក់សម្ពោធជាផ្លូវការណ៌ឆាប់ៗនេះផងដែរ ។ សម្រាប់ Liquid Glass អាចនឹងក្លាយជាពណ៌ថ្មីផ្តាច់មុខមួយនៅលើស្មាតហ្វូន iPhones ប្រភេទ high-end នៅឆ្នាំនេះហើយ។

គួរបញ្ជាក់ថា បើមើលនៅក្នុងពាក្យចចាមអារ៉ាមថ្មីដែលចេញពីអ្នកទម្លាយនៅលើ Weibo បានអះអាងថា ក្រុមហ៊ុន Apple កំពុងតែធ្វើការនៅលើពណ៌ថ្មីមួយទៀតសម្រាប់ស្មាតហ្វូន iPhone 17 Pro។ ស្មាតហ្វូនជំនាន់ថ្មីនេះ ត្រូវបានគេនិយាយថា គឺមានការឌីស្សាញជម្រុញចេញពី Liquid Glass សម្រាប់ UI នៅលើ iOS 26 ដែលទើបតែបង្ហាញវត្តមានថ្មីៗនេះ។ ប្រសិនបើនេះ គឺជាការពិតនោះ ក្រុមហ៊ុន Apple បានបោះជំហានទៅមុខជិតសម្រេចគោលដៅរបស់ខ្លួនក្នុងការប្រើប្រាស់នូវពណ៌ថ្មីដែលប្លែកខុសពីគេ។ 

សូមជំរាបថា ការឌីស្សាញស្រដៀងគ្នានេះ ក៏ធ្លាប់មាននៅលើស្មាតហ្វូន Android ជាច្រើនឆ្នាំមកហើយ។ ការឌីស្សាញនេះ មើលទៅប្រហែលគ្នាជាមួយនិងវត្តមានស្មាតហ្វូន Oppo Reno 14 Pro ថ្មីៗនេះដែរ។ គួរបញ្ជាក់ផងដែរថា កាលពីឆ្នាំ 2017កន្លងមក ក្រុមហ៊ុន Apple ចុះប៉ាតង់ទៅលើបច្ចេកវិទ្យានៃកញ្ចក់ខាងក្រោយ Liquid Metal (Metallic Glass) សម្រាប់ផលិតផលរបស់ខ្លួន។ ដូច្នេះពេលនេះ ប្រហែលជាដល់ពេលដែលក្រុមហ៊ុនចាប់ផ្តើមប្រើប្រាស់ទៅលើបច្ចេកវិទ្យានេះ៕