តោះ! ស្វែងយល់អំពីសមត្ថភាពដ៏អស្ចារ្យនៃរថយន្ត Pick-Up ស៊េរីថ្មី Volkswagen Amarok 2018

តើមានអ្នកណាដែលប្រាប់អ្នកអំពីរថយន្ត Amarok នោះទេ នេះគឺជារថយន្តដែលមានសមត្ថភាពខ្លាំងក្លាប្រភេទ 4x4 ute Megatest ដែលប្រើប្រាស់នូវម៉ាស៊ីន V6 ដែលអាចធ្វើដំណើរបានគ្រប់ស្ថានភាពផ្លូវលំបាកៗដោយគ្មានបញ្ហានោះទេ។ 

រថយន្តនេះប្រើប្រាស់នូវម៉ាស៊ីនទំហំ 6 ស៊ីឡាំង V6 ហើយវាមានកម្លាំងរមួលខ្លាំងបំផុតក្នុងការប្រើប្រាស់ជាមួយនឹងការផ្តល់នូវល្បឿនលឿន។ នៅក្នុងការធ្វើដំណើរ 0-100km/h នៅក្នុងរយៈពេលត្រឹមតែ 7.9sec និងការធ្វើដំណើរនៅក្នុងល្បឿន 80-120km/h ដោយចំណាយពេលត្រឹមតែ 5.3sec ឬជិត 35% លឿនជាងមុននោះ រថយន្តស៊េរីថ្មីនេះ គឺសក្តិសមក្នុងការប្រើប្រាស់បំផុត ហើយអ្នកមិនអាចបំភ្លេចនូវសមត្ថភាពខ្លាំងក្លារបស់វាបាននោះទេ។

កម្លាំងម៉ាស៊ីនដ៏ខ្លាំងក្លារបស់រថយន្ត Amarok ក៏មានការពង្រឹង និងការកែប្រែផងដែរ។ សម្រាប់រថយន្តនេះ គឺមានកម្លាំងរមួលដល់ទៅ 4400rpm ប៉ុន្តែអ្នកក៏អាចបន្ថែមវាជិតដល់ 5000rpm ប្រសិនបើអ្នកជ្រើសរើសនូវការបញ្ជា Manual Mode នោះ។ រថយន្ត Amarok នេះ ប្រើប្រាស់នូវចង្កឹះលេខ 8 វគ្គសម្រាប់ការធ្វើដំណើរបានគ្រប់ស្ថានភាពផ្លូវដែលអ្នកចង់ទៅជាមួយនឹងការបើកបរដ៏រីករាយបំផុតនោះ។រថយន្ត Amarok ក៏អាចធ្វើដំណើរនៅក្នុងផ្លូវដែលមានស្ថានភាពទឹកលិចជាមួយនឹងប្រព័ន្ធ full-time all-wheel drive ដែលធ្វើឱ្យអ្នកបន្តដំណើរទៅមុខជានិច្ចដោយគ្មានបញ្ហានោះទេ។ 

លក្ខណៈសម្បត្តិ

ម៉ាស៊ីន: 2967cc V6, dohc, 24v, TD 

កម្លាំងសេះ: 165kW @ 4500rpm 

កម្លាំងរមួល: 550Nm @ 1500-2500rpm 

ចង្កឹះលេខអូតូ: 8-speed automatic 

វិមាត្រ: (L/W/H/W-B) 5254/1954/1878/3095mm

ទំងន់: 2169kg 

ការផ្ទុកខាងក្រោយ: 3000kg 

គម្លាតបាតនឹងដី: 192mm

កង់រថយន្ត: Pirelli Scorpion ATR 245/65R17 

ការប្រើប្រាស់ប្រេង: 11.2L/100km