Mercedes បញ្ចេញនូវគំនិតនៃការឌីស្សាញទៅលើរថយន្តប្រណិត Mercedes-Benz VISION EQS នេះ ពិតជាអស្ចារ្យប្លែកមែនទន

តើរថយន្តស៊េរីថ្មីប្រណិតជំនាន់បន្ទាប់នឹងមានលក្ខណៈពិសេសយ៉ាងណាទៅសម្រាប់ការឌីស្សញ ភាពស្វ័យប្រវត្តិ និងកម្លាំងម៉ាស៊ីនរបស់វានោះ? នេះគឺជាសំណួរមួយដែលក្រុមហ៊ុន Mercedes-Benz ត្រូវធ្វើការឆ្លើយតបនៅក្នុងព្រឹត្តិការណ៍ពិពរណ៍ Frankfurt Motor Show 2019 ជាមួយនឹងការបញ្ចេញនូវរថយន្តម៉ូឌែលថ្មី VISION EQS concept និងការឌីស្សាញរូបរាងដ៏ប្រណិតអស្ចារ្យដែលជាគំនិតចម្បងសម្រាប់ក្រុមហ៊ុនផលិតរថយន្តមួយនេះ។

ក្រុមហ៊ុន Mercedes បានពិពរណ៍នាថា សម្រាប់គំរូនៃរថយន្តស៊េរីថ្មីដ៏ប្រណិត VISION EQS នេះ គឺពិតជាអស្ចារ្យមែនទែនដោយសារតែវាធ្វើការផលិតឡើងពីដែកតែមួយដុំប៉ុណ្ណោះដែលបត់កោងយ៉ាងស្រស់ស្អាត។ អ្វីដែលទាក់ទាញទៀតនោះ វានឹងប្រើប្រាស់នូវភ្លើងពណ៌ LED “lightbelt” ដ៏ទាក់ទាញបំផុតនៅផ្នែកខាងក្នុងនៃរថយន្តនេះជាមួយនឹងភ្លើងចង្កៀង DIGITAL LIGHT headlamps ថែមទៀត។ សម្រាប់ផ្នែកខាងមុខរបស់រថយន្តនេះមានភ្ជាប់ជាមួយនឹងភ្លើង 188 LED matrix ជាមួយនឹងបន្ទះពណ៌ខ្មៅរលោងយ៉ាងទាក់ទាញចិត្តតែម្តង។

បើនិយាយអំពីផ្នែកខាងក្នុងរបស់រថយន្តនេះវិញ មើលទៅគឺដូចជារឿងនាពេលអនាគតអឹញ្ចឹង។ ក្រុមហ៊ុន Mercedes បាននិយាយថា ជាមួយនឹងការជម្រុញទឹកចិត្តពីនាវាកម្សាន្តថ្នាក់ប្រណិតៗនោះ ការឌីស្សាញទៅលើផ្នែកខាងក្នុងរបស់រថយន្តនេះមានភ្ជាប់ជាមួយនឹង Dashboard នៅផ្នែកខាងក្នុងដ៏ទាក់ទាញលាតសន្ធឹងពីមុខអ្នកតែម្តង។ សម្រាប់ VISION EQS គឺប្រើប្រាស់នូវឌីជីថលក្រាហ្វិកសម្រាប់ការបង្ហាញនូវព័ត៌មានជាច្រើននៅលើនេះតែម្តង។

ក្រុមហ៊ុន Mercedes បាននិយាយបន្តថា រថយន្តនេះគឺជាប្រភេទ Eco-Luxury ដែលថែររក្សាបរិស្ថានខ្លាំងមែនទែន។ ជាមួយនឹងការបំពាក់នូវពូកស្បែកដ៏ឆ្លាតវៃ ហើយដំបូលរបស់រថយន្តនេះគឺធ្វើការផលិតឡើងពីដបផ្លាស្ទិកកែច្នៃដែលពិតជាគំនិតដ៏អស្ចារ្យមែនទែន។ រថយន្តនេះប្រើប្រាស់នូវម៉ូទ័រអេឡិចត្រូនិចនៅខាងមុខ និងផ្នែកខាងក្រោយរបស់វា។ ថាមពលថ្មរបស់រថយន្ត VISION EQS នេះគឺមានកម្លាំងម៉ាស៊ីនដល់ទៅ 469hp និងកម្លាំងរមួលដល់ទៅ 560 lb-ft ថែមទៀត។

ក្រុមហ៊ុន Mercedes បានបញ្ជាក់ថា ម៉ាស៊ីននេះ អាចធ្វើការបង្កើនល្បឿនពី 0-60 mph នៅក្នុងរយៈពេលតិចជាង 4.5 វិនាទី ហើយវាអាចធ្វើដំណើរបានចម្ងាយដល់ទៅ 435 ម៉ាយ៍ហើយការបញ្ចូលថាមពលថ្ម 20 នាទីគឺបាន 80% សម្រាប់ឆ្នាំងសាក 350 kW charger នេះ។ រថយន្តនេះ មានល្បឿនលឿនបំផុត 124 mph ហើយវាក៏ប្រើប្រាស់នូវប្រព័ន្ធ Level 3 semi-autonomous driving system ផងដែរ។ សម្រាប់ការឌីស្សាញទៅលើ VISION EQS technology platform នាពេលខាងមុខនេះអាចនឹងតម្លើងទៅកាន់ Level 4/5 platform ផងដែរ។

តើនឹងមានអ្វីដែលនឹងបន្ថែមទៀតសម្រាប់រថយន្តនាពេលខាងមុខរបស់ក្រុមហ៊ុន Mercedes ដូចជាម៉ូឌែល flagship S-Class sedan? នេះគឺជាអ្វីដែលយើងនឹងមើលឃើញជាបន្តទៀត ក្រុមហ៊ុនផលិតរថយន្តនេះក៏ធ្វើការផលិតបាននូវរថយន្ត EV ពេញលេញរបស់ខ្លួននោះគឺ 2020 EQC SUV ហើយវាក៏មានម៉ូឌែលជាច្រើនទៀតដែលជាប្រភេទរថយន្ត hybrid និង plug-in hybrid ផងដែរ។ រថយន្ត VISION EQS នេះ គឺជាជំនាន់ថ្មីនៃគ្រួសាររបស់ EQ ដែលអស្ចារ្យបំផុតក្នុងការប្រើប្រាស់៕