កាលពីឆ្នាំមុននេះ ក្រុមហ៊ុន Mazda បានបង្ហាញនូវរថយន្តអេឡិចត្រូនិច CX-30 ហើយនេះ គឺជាចម្លើយក្នុងការឆ្លើយតបទៅនឹងរថយន្ត Hyundai Kona EV របស់ក្រុមហ៊ុនផលិតរបស់ជប៉ុនមួយនេះ។ ជាមួយនឹងវត្តមានរបស់រថយន្តម៉ូដែល CX-30 នេះ ក៏មាន Hybrid Version ផងដែរ ដោយប្រភេទនេះត្រូវគេរំពឹងថា នឹងបង្ហាញខ្លួននៅក្នុងអាមេរិកផងដែរ។
ក្រុមហ៊ុន Mazda មានគម្រោងជាច្រើននៅក្នុងការបន្តការពង្រីកទៅលើរថយន្ត SUV របស់ខ្លួនខណៈដែលពេលនេះ ក្រុមហ៊ុននេះ ក៏បន្តក្នុងការពង្រឹងទៅលើចំណាត់ថ្នាក់របស់ខ្លួននៅលើទីផ្សារផងដែរ។ តាមការបញ្ជាក់របស់ Best Car Web របស់ជប៉ុន បានអោយដឹងថា រថយន្តជំនាន់ថ្មីដែលលក់ដាច់បំផុតរបស់ម៉ូឌែល CX-5 គឺជារថយន្តប្រណិត SUV ដែលមានការប្រកួតប្រជែងជាមួយនឹងរថយន្ត Mercedes GLC និង BMW X5 ថែមទៀតផង។
តាមការចុះផ្សាយនេះ រថយន្តជំនាន់ថ្មីរបស់ម៉ូឌែល CX-5 នឹងបង្ហាញខ្លួននៅឆ្នាំ 2023 ខាងមុខ។ ខណៈពេលដែលម៉ូឌែលបច្ចុប្បន្ននេះគឺមានប្រភេទ FWD ឬ AWD នោះ រថយន្តស៊េរីថ្មី CX-5 នេះគឺមាន Platform ដូចគ្នាទៅនឹងរថយន្តម៉ូឌែលជំនាន់ថ្មី Mazda 6 ដែលមានប្រព័ន្ធ rear-wheel drive អញ្ចឹងដែរ។
រថយន្ត Mazda CX-5 គឺមានម៉ាស៊ីន 2.5-liter ដែលមានកម្លាំង 187 សេះ និងកម្លាំងរមួល 186 lb-ft។ ដូចគ្នាទៅនឹងរថយន្ត Mazda 6 ថ្មីនេះផងដែរ សម្រាប់រថយន្ត CX-5 នេះគឺមានប្រព័ន្ធ Skyactiv-X Forms ផងដែរ។
នៅមុនពេលដែលរថយន្ត CX-5 បង្ហាញខ្លួននៅក្នុងឆ្នាំ 2023 នេះ រថយន្តជំនាន់ថ្មី Mazda 6 នឹងបង្ហាញខ្លួននៅឆ្នាំ 2022 ដែលរូបរាង និងបច្ចេកវិទ្យា រួមនឹងសមត្ថភាពនៅលើដងផ្លូវ គឺត្រូវបានគេច្របាច់បញ្ចូលគ្នាជាមួយនឹងរថយន្ត Mazda Vision Coupe ផងដែរ៕
