កាលពីប៉ុន្មានឆ្នាំនេះ ក្រុមហ៊ុន Audi បានបញ្ចេញនូវរថយន្ត R8 ប្រភេទ rear-wheel-drive version ដ៏កម្រររបស់ខ្លួនសម្រាប់ទីផ្សាររបស់សហរដ្ឋអាមេរិក។ កាលនោះរថយន្តប្រភេទនេះ គឺចំនួនត្រឹមតែ 999 គ្រឿងប៉ុណ្ណោះ ប៉ុន្តែសម្រាប់ពេលនេះ រថយន្ត RWD R8 នេះ គឺបានវិលត្រឡប់មកវិញហើយ ហើយក៏កាន់តែមានភាពអស្ចារ្យជាងមុនថែមទៀតផងដែរ។ រថយន្ត Audi R8 RWD ថ្មីនេះ ក៏មានជម្រើសពិសេសប្រភេទ Panther Edition ដ៏ស្រស់ស្អាតថែមទៀតផង។
រថយន្ត 2021 R8 Panther edition នេះ ត្រូវបានប្រកាសដាក់លក់ផ្តាច់មុខនៅក្នុងទីផ្សាររបស់សហរដ្ឋអាមេរិកតែប៉ុណ្ណោះ និងចំនួនត្រឹមតែ 30 គ្រឿនោះទេ។ ក្រុមហ៊ុន Audi និយាយថា ខ្លួននឹងធ្វើការផលិតរថយន្ត Panther editions ចំនួន 30 គ្រឿងប៉ុណ្ណោះ សម្រាប់រថយន្ត RWD R8 របស់ខ្លួននៅក្នុងសហរដ្ឋអាមេរិក។
រថយន្តនេះ នឹងមានភ្ជាប់ជាមួយនឹងកង់ទំហំ 20-inch black/red milled wheels និងមានឆ្នូតពណ៌ក្រហមថែមទៀតផង។ រថយន្តនេះ ក៏មានភ្ជាប់ជាមួយនឹងការប្រើប្រាស់ថ្នាំពណ៌ Audi exclusive Panther Black crystal effect និងមានការឌីស្សាញផ្នែកខាងក្នុងផ្តាច់មុខដោយក្រុមហ៊ុន Audi ផងដែរ។
ក្រុមហ៊ុន Audi បានបញ្ជាក់ថា រថយន្តនេះ ប្រើប្រាស់នូវម៉ាស៊ីន 5.2-liter V10 engine ជាមួយនឹងកម្លាំង 532 សេះ និងមាន កម្លាំងរមួល 398 lb-ft ថែមទៀត។ រថយន្តនេះ គឺអាចធ្វើការបង្កើនល្បឿនពី 0-60 mph នៅក្នុងពេលត្រឹមតែ 3.6 វិនាទីហើយនិងមានល្បឿនដល់ទៅ 201-mph ថែមទៀតផង។ រថយន្ត Audi R8 RWD នេះ ក៏មានភ្ជាប់មកជាមួយនូវមុខងារ Drive Modes ជាច្រើនដូចជា "dynamic" mode និង "sport" mode ផងដែរ។
បន្ថែមពីនេះ រថយន្ត Panther Edition នេះ គឺមានលក្ខណៈពិសេសជាច្រើនដូចជាស្បែកខាងក្នុងពណ៌ខ្មៅផងដែរ។ រថយន្ត R8 ចូលរួមជាមួយនឹងរថយន្ត RS5 Panther edition 2019 ដែលមានត្រឹមតែ 100 គ្រឿងប៉ុណ្ណោះ នៅក្នុងទីផ្សាររបស់សហរដ្ឋអាមេរិក។
ក្រុមហ៊ុន Audi បាននិយាយថា ការលក់រថយន្តនេះ គឺមាននៅតែហាងដែលបានជ្រើសរើសប៉ុណ្ណោះដែលអាចលក់រថយន្តនេះបាន។ សម្រាប់រថយន្តនេះ គឺមានតម្លៃ $183,300 ដែលថ្លៃជាងរថយន្ត R8 RWD Coupe ($142,700) ប៉ុន្តែរថយន្តនេះ គឺមានតម្លៃថោកជាងរថយន្ត R8 Green Hell Edition ដែលបង្ហាញខ្លួនកាលពីឆ្នាំមុននេះ៕