កាលពីពេលថ្មីៗនេះ នៅក្នុងទីក្រុង Shanghai ក្រុមហ៊ុន Huawei បានបញ្ចេញនូវផលិតផលថ្មីចំនួន 5 សម្រាប់ប្រើប្រាស់នៅរថយន្តឆ្លាតវៃរបស់ខ្លួន។ ផលិតផលថ្មីៗទាំងនោះ រួមមាន Fields of Lidar, Smart Cockpit និងការបើកបរដោយស្វ័យប្រវត្តិជាដើម។
នៅក្នុងបទសម្ភាសន៍ថ្មីៗនេះ លោក Wang Jun ដែលជាអគ្គនាយករបស់ Smart Car Solutions BU នៃក្រុមហ៊ុន Huawei បានទម្លាយនៅក្នុងប៉ុន្មានថ្ងៃនេះថា ម៉ាកយីហោមួយចំនួន នឹងដាក់លក់ផងដែរ នៅក្នុងបណ្តាញចែកចាយរបស់ខ្លួន។ នេះមានន័យថា ក្រុមហ៊ុន Huawei ប្រហែលជាប្រើប្រាស់នូវ BG channels ក្នុងការលក់នូវរថយន្តឆ្លាតវៃរបស់ខ្លួន។ គាត់បាននិយាយថា រឿងនេះ គឺស្ថិតនៅក្នុងដំណាក់កាលនៃការពិចារណា ហើយអ្នកនឹងទទួលបាននូវព័ត៌មានផ្លូវការជាច្រើននៅក្នុងពេល 2 ថ្ងៃនេះ។
កាលពីថ្ងៃទី 20 ខែមេសា ក្រុមហ៊ុន Huawei ក៏មានរៀបចំនូវសន្និសិទមួយនៅក្នុងហាង Global Flagship Store របស់ខ្លួននៅក្នុងទីក្រុង Shanghai ផងដែរ។ លោក Yu Chengdong ដែលជានាយកប្រតិបត្តិរបស់ក្រុមហ៊ុន Huawei ផ្នែក Consumer Business ក៏បានបង្ហាញខ្លួននៅក្នុងសន្និសីទនេះផងដែរ។ ក្រុមហ៊ុននេះ បានអះអាងថា នេះគឺជាព្រឹត្តិការណ៍សន្និសីទរថយន្តដែលនឹងជាកិច្ចសហការជាមួយនឹងក្រុមហ៊ុនជាច្រើនទៀត។
លោក Wang Jun បានបន្ថែមថា ក្រុមហ៊ុន Huawei មិនមែនជាគូប្រជែងជាមួយនឹងក្រុមហ៊ុនជាច្រើនដែលចង់ចូលរួមនៅក្នុងអាជីវកម្មផលិតរថយន្តនេះទេ។ ប៉ុន្តែក្រុមហ៊ុនជាច្រើនដូចជា Xiaomi, Baidu និង Didi គឺនឹងរួមគ្នាក្នុងការផលិតរថយន្តឆ្លាតវៃនេះ។ ក្រុមហ៊ុន Huawei បាននិយាយថា ទាំងនេះគឺជាអតិថិជនរបស់យើង ហើយយើងមានកម្លាំងជាច្រើនដែលជាផ្នែកនៃអាជីវកម្មរបស់យើង។ យើងបានសហការជាមួយនឹងពួកគេ។
ក្រុមហ៊ុន Huawei មិនមែនផ្តាច់មុខទៅលើក្រុមហ៊ុនផលិតរថយន្តណាមួយនោះទេ ប៉ុន្តែ Huawei នឹងបន្តសហការជាមួយនឹងក្រុមហ៊ុនរថយន្តជាច្រើនទៀត ហើយយើងមិនមែនប្រកួតប្រជែងជាមួយនឹងពួកគេនោះទេ៕