យោងតាមព័ត៌មានថ្មី បាននិយាយថា ក្រុមហ៊ុន Huawei មានគម្រោងក្នុងការដាក់លក់នូវរថយន្តជាច្រើនរបស់ខ្លួននៅក្នុងហាងជាង 200 កន្លែងនៅចុងខែកក្កដា ឆ្នាំ 2021 នេះ។ក្រុមហ៊ុននេះក៏មានគោលដៅក្នុងការនាំចេញរថយន្តអោយបានចំនួន 300,000 គ្រឿងនៅឆ្នាំក្រោយនេះផងដែរ។ ក្រុមហ៊ុនបច្ចេកវិទ្យាយក្សរបស់ចិននេះ ក៏មានគម្រោងក្នុងការព្ងរីកទៅលើវត្តមានរបស់ខ្លួននៅក្នុងឧស្សាហកម្មរថយន្តនៅក្នុងពេលថ្មីៗនេះផងដែរ។
បើទោះបីជាក្រុមហ៊ុននេះ មិនមែនជាអ្នកផលិតរថយន្តផ្ទាល់ក៏ដោយ ក៏ក្រុមហ៊ុននេះ បានផ្តល់នូវដំនោះស្រាយទៅលើផ្នែក Hardware និង Software ផ្អែកទៅលើរថយន្តឆ្លាតវៃរបស់ខ្លួនសម្រាប់ក្រុមហ៊ុនផលិតរថយន្តជាច្រើនទៀតផងដែរ។ ក្រុមហ៊ុននេះ បានបង្កើតនូវទំនាក់ទំនងឆ្លាតវៃជាមួយនឹងបច្ចេកវិទ្យាបើកបររថយន្តដោយស្វ័យប្រវត្តិផងដែរ។ ក្រុមហ៊ុននេះមានគោលដៅក្នុងការលក់រថយន្តនៅក្នុងហាងជាង 200 កន្លែង និងពង្រីកទៅកាន់ 1000 ហាងទៀតនៅចុងឆ្នាំនេះ។
នៅក្នុងព័ត៌មានចុងក្រោយបំផុតចេញពីប្រទេសចិន គឺបានបញ្ជាក់ថា លោក Richard Yu ដែលជានាយកប្រតិបត្តិនៃផ្នែក Smart Car Solutions BU របស់ក្រុមហ៊ុននេះ ក៏មានគោលដៅក្នុងការលក់រថយន្តអោយបានចំនួន 300,000 គ្រឿងនៅក្នុងហាងជាច្រើនរបស់ខ្លួននៅឆ្នាំក្រោយនេះ។ របបាយការណ៍នេះបញ្ជាក់ថា ក្រុមហ៊ុន Huawei ក៏ធ្វើការសហការជាមួយនឹងក្រុមហ៊ុនផលិតជាច្រើនទៀតដូចជា BYD, BAIC, Mercedes-Benz និង Changan ផងដែរ។ នៅក្នុងពេលនេះ ក្រុមហ៊ុននេះលក់រថយន្ត SERES SF5 នៅក្នុងហាង flagship stores របស់ខ្លួននៅក្នុងប្រទេសចិន។
របាយការណ៍នេះ បានបញ្ជាក់ថា រថយន្ត SERES SF5 នេះ គឺមានការកក់ទិញជាង 6,500 គ្រឿងនៅក្នុងខែដំបូងនេះ។ ខណៈពេលដែលក្រុមហ៊ុន Huawei កំពុងតែមានកំនើនកើនឡើងទៅលើរថយន្តឆ្លាតវៃនៅក្នុងហាងរបស់ខ្លួននោះ ក្រុមហ៊ុននេះអាចនឹងបន្ថែមបច្ចេកវិទ្យារបស់ខ្លួនទៅលើរថយន្តជាច្រើនម៉ាកទៀតដូចជា Mercedes-Benz នៅក្នុងពេលអនាគតផងដែរ៕
