ក្រុមហ៊ុន Volvo ប្រកាសថា នឹងបញ្ចេញមុខងារបើកបរដោយស្វ័យប្រវត្តិរបស់ខ្លួននៅរដ្ឋកាលីហ្វ័នីញ៉ានៅចុងឆ្នាំនេះហើយ

នៅក្នុងកំឡុងពេលនៃព្រឹត្តិការណ៌ CES 2022 ក្រុមហ៊ុន Volvo បានធ្វើការប្រកាសថា ខ្លួននឹងបញ្ចេញមុខងារបើកបរដោយស្វ័យប្រវត្តិរបស់ខ្លួន នៅរដ្ឋកាលីហ្វ័នីញ៉ានៅចុងឆ្នាំនេះហើយ ដោយមានមុខងារថ្មីមួយ គឺត្រូវគេអនុញាតិអោយប្រើប្រាស់នៅលើផ្លូវហៃវេថែមទៀតផង ហើយមុខងារនេះ គឺត្រូវផ្តល់អោយអ្នកប្រើប្រាស់។ ក្រុមហ៊ុននេះ បាននិយាយថា មុខងារនេះ  នឹងមានការរបង់ប្រាក់បន្ថែមទៅលើរថយន្តអគ្គីសនីប្រភេទ electric SUV ដែលខ្លួន មានគម្រោងនិងប្រកាសចេញជាផ្លូវការណ៍នៅចុងឆ្នាំនេះ ហើយមុខបើកបរដោយស្វ័យប្រវត្តិរបស់ខ្លួននេះ ក៏នឹងអាចប្រកាសចេញសម្រាប់ទីផ្សារផ្សេងៗទៀតផងដែរ។

ជាមួយនឹងការបង្កើតឡើងនូវមុខងារបើកបរដោយស្វ័យប្រវត្តិរបស់ខ្លួននេះ ក្រុមហ៊ុន Volvo គឺបានធ្វើការងារជាច្រើនជាមួយក្រុមហ៊ុន Zenseact និងវិស្វករ LiDAR developer Luminar ផងដែរ។ ថ្មីៗនេះមានការបញ្ជាក់ថា មុខងារថ្មីនេះ ក៏ត្រូវបានក្រុមហ៊ុននេះដាក់អោយធ្វើតេស្តនៅក្នុងប្រទេសស៊ុយអេតរួចហើយផងដែរ។ 

ក្រុមហ៊ុន Volvo បាននិយាយថា មុខងារបើកបរដោយស្វ័យប្រវត្តិរបស់ខ្លួននេះ គឺបានធ្វើការអភិវឌ្ឍន៌ឡើង និងប្រើប្រាស់បនូវបច្ចេកវិទ្យាថ្មីរបស់ Luminar Iris LiDAR sensor ដែលមាមកាមេរ៉ាចំនួន 8 គ្រាប់ រួមជាមួយ ultrasonic sensors ចំនួន 16 គ្រាប់ ហើយនិងមានបំពាក់នូវរ៉ាដាចំនួន 5 គ្រាប់ ដែលមានការគាំទ្រ និងបញ្ជាដោយកម្មវិធីផងដែរ។

ក្រុមហ៊ុននេះបានបន្ថែមថា ខ្លួននឹងបន្តធ្វើការតាមដានបន្ថែមទៀត ដើម្បីធ្វើការកែលំអរ និងពង្រឹងបន្ថែមនូវមុខងារល្អៗអោយបានច្រផនថែមទៀត ធ្វើយ៉ាងអោយដំណើរការមានសុវត្ថិភាពខ្ពស់នៅក្នុងការបើកបរសម្រាប់អ្នកប្រើប្រាស់។ លោក Martin Kristensson ដែលជានាយកផ្នែករថយន្តដឹកជញ្ជូន និងផ្អែកចល័តរបស់ក្រុមហ៊ុន Volvo បានបញ្ជាក់ថា នៅពេលដែលយើងនិយាយពីការបើកបរដោយខ្លួនឯង គឺមានន័យថា គឺការបើកបរដោយខ្លួនឯង។ ដូច្នេះ មុខងារ ឬក៏អ្វីដែលមាននៅលើរថយន្ត គឺត្រូវតែធ្វើការអោយម៉ត់ចត់ជាទីបំផុតទើបអាចទៅមុខបាន ពីព្រោះថា ពេលនោះ លោកអ្នកនឹងមិនបានការកាន់ចង្កូតទៀតទេ គឺលោកអ្នកបានត្រឹនតែសម្លឹងទៅងខាមុខមើលផ្លូវតែមួយគត់។