រថយន្តអគ្គិសនី Arcfox Alpha S ដែលបំពាក់នូវប្រព័ន្ធ HarmonyOS នឹងចាប់ផ្តើមនាំចេញនៅក្នុងត្រីមាសទី 4 នេះជាមួយ តម្លៃខ្ទង់ 66,000 ដុល្លារ

កាលពីដើមឆ្នាំកន្លងទៅនេះ គឺមានសេចក្តីរាយការណ៍ថា ក្រុមហ៊ុន Huawei នឹងបង្ហាញនូវរថយន្តអគ្គិសនី Arcfox Alpha S ដែលជាការសហការជាមួយនឹងក្រុមហ៊ុន BAIC និងបំពាក់នូវប្រព័ន្ធប្រតិបត្តិការ HarmonyOS។ នៅពេលនេះ ក្រុមហ៊ុននេះបានប្រកាសជាផ្លូវការណ៍ថា ខ្លួននឹងចាប់ផ្តើមការផលិត និងដឹកជញ្ជូននូវរថយន្ត Arcfox Alpha S នេះនៅក្នុងត្រីមាសទី 4 នៅឆ្នាំនេះហើយ។

កាលពីពេលមុននេះ ក្រុមហ៊ុន Huawei គឺបាននិយាយថា ខ្លួនមិនមានគម្រោងក្នុងការផលិតរថយន្តទេនោះ ក្រុមហ៊ុននេះក៏ធ្វើការជាមួយនឹងក្រុមហ៊ុនផលិតរថយន្តជាច្រើនទៀត ដើម្បីដាក់អោយដំណើរការទាំងផ្នែក Hardware និង software។ រថយន្ត Arcfox Alpha S នេះ គឺជាម៉ូដែលថ្មីមួយដ៏អស្ចារ្យដែលក្រុមហ៊ុនបច្ចេកវិទ្យាយក្សរបស់ចិននេះ បានសហការជាមួយនឹងក្រុមហ៊ុនផលិតរថយន្តដែលបំពាក់នូវមុខងារពិសេសៗជាច្រើន។ 

រថយន្ត Alpha S គឺជាលទ្ធផលនៃការវិនិយោគទឹកប្រាក់រាប់ពាន់លានដុល្លារអាមេរិកនៅក្នុងការស្រាវជ្រាវ និងការអភិវឌ្ឍទៅលើរថយន្តអគ្គិសនីនេះ។ បើទោះបីជារថយន្ត Arcfox នេះ គឺជាម៉ាកយីហោស្ថិតនៅក្រោមក្រុមហ៊ុន BAIC មុខងារពិសេសៗជាច្រើនរបស់រថយន្តអគ្គិសនីនេះ គឺមានដូចជាប្រព័ន្ធ “HI” systems របស់ក្រុមហ៊ុន Huawei ។

រថយន្តនេះអាចនឹងមានតម្លៃចន្លោះពី 388,900 Yuan និង 429,900 Yuna (60,000 ទៅ 66,000 ដុល្លារអាមេរិក) ហើយវាប្រើប្រាស់នូវប្រព័ន្ធប្រតិបត្តិការ HarmonyOS និងប្រើប្រាស់នូវបន្ទះឈីប Huawei HiSilicon Kirin processor ថែមទៀតផង៕