ថ្ងៃនេះ ក្រុមហ៊ុនរថយន្តម៉ាក Mazda ទើបតែបានប្រកាសចេញរថយន្ត Crossover ម៉ូដែលថ្មី គឺ Mazda CX-90 ប៉ុន្តែ ម៉ូដែលនេះមិនមែនជាម៉ូដែលថ្មីតែមួយដែលក្រុមហ៊ុនបានប្រកាសនៅក្នុងឆ្នាំ 2023 នេះនោះទេ ពោលគឺ Mazda នឹងមានការដាក់បង្ហាញចេញម៉ូដែលថ្មីមួយទៀត គឺ Mazda CX-70 នៅចុងឆ្នាំនេះ។ ក្រុមហ៊ុនផលិតរថយន្តរបស់ប្រទេសជប៉ុនមួយនេះ មានគម្រោងក្នុងការពង្រីកដែនទីផ្សារនៃម៉ាករថយន្ត Crossover បន្ថែមទៀត។
ម៉ូដែល Mazda CX-70 គឺជាម៉ូដែលថ្មីមួយផ្សេងទៀតសម្រាប់ឆ្នាំ 2023 នេះ ដែលវាត្រូវបានរចនាតួរខ្លួនឡើងដោយឈរនៅលើ DNA Platform របស់ Mazda CX-90 2023 ផ្ទាល់តែម្តង។ ប៉ុន្តែ CX-70 មានតួរខ្លួនរាងតូចជាង CX-90 បន្តិច និងម៉ូដែលរថយន្ត Crossover ចុងក្រោយបំផុតរបស់ក្រុមហ៊ុនដែលមានបំពាក់កៅអីចំនួន 2 ជួរ។ ចំពោះម៉ូដែល Mazda CX-90 នឹងក្លាយជាម៉ូដែលដំបូងសម្រាប់ទីផ្សារអាមេរិកដែលជាប្រភេទរថយន្ត Hybrid ដោយមានការបំពាក់នៅបច្ចេកវិទ្យា mild-hybrid turbocharged 3.3-liter inline-six engine ដែលអាចផ្តល់នូវកំលាំងសន្ទុះល្បឿនបានដល់ 340 horsepower ជាមួយថាមពលអាគុយកំលាំង 253 kilowatts ហើយនិងផ្តល់នូវប្រព័ន្ធរង្វិលជុំបានដល់ 369 pound-feet ឬ 500Nm ជាមួយប្រព័ន្ធបង្វិលកងទាំងបួន ឬ All-wheel drive។
.jpg)
ជាមួយគ្នានេះ Mazda ក៏បានផ្តល់នូវជម្រើស CX-90 ដែលជាប្រភេទ Plug-in Hybrid ផងដែរ ដោយវាបានបំពាក់មកនូវម៉ាស៊ីនចំនុះ 2.5-liter four-cylinder ជាមួយអាគុយអគ្គិសនីទំហំ 17.8-kilowatt-hour battery និងម៉ូទ័រអគ្គិសនីដែលអាចផលិតថាមពលបានដល់ 323hp (241kWhr) និងប្រព័ន្ធរង្វិលជុំ 369 lb-ft។ ចំពោះម៉ូដែល Mazda CX-70 ដែលនឹងមកដល់នៅចុងឆ្នាំនេះ ក្រុមហ៊ុនអាចនឹងផ្តល់នូវជម្រើសម៉ាស៊ីនចំនួនពីរផ្សេងគ្នា ប៉ុន្តែ ក្រុមហ៊ុនមិនទាន់បានបញ្ជាក់នៅឡើយទេ។ យ៉ាងណាមិញសម្រាប់ម៉ូដែល Mazda CX-60 ដែលបានប្រកាសចេញនៅប្រទេសអូស្រ្តាលីកាលពីអំឡុងខែតុលា ឆ្នាំ 2022 គឺបានបំពាក់ម៉ាស៊ីនសាំងចំនុះ 3.3-liter gasoline engine។
បើតាមការបញ្ជាក់ពីប្រធាន និងជានាយកប្រតិបត្តិក្រុមហ៊ុន Mazda ប្រចាំនៅអាមេរិកខាងជើង លោក Jeff Guyton បានប្រាប់បណ្តាញ Autoblog ថា ម៉ូដែល CX-7 ស៊េរីចាស់ដែលបានផលិតពីឆ្នាំ 2006 ដល់ឆ្នាំ 2012 អាចនឹងត្រូវបានគាស់ជីករំលើងរំលឹកឡើងវិញតាមរយះម៉ូដែល CX-70 2023។ ដោយឡែកសម្រាប់តម្លៃ និងកាលបរិច្ឆេទចេញលក់ផ្លូវការណ៍សម្រាប់ម៉ូដែល Mazda CX-90 ក៏ដូចជា CX-70 ក្រុមហ៊ុនមិនទាន់បានបញ្ជាក់ប្រាប់ឲ្យដឹងនៅឡើយទេ៕
