បន្ទាប់ពីការធ្លាក់ចុះនៃអាជីវកម្មស្មាតហ្វូនមក ក្រុមហ៊ុន Huawei ត្រូវបានគេមើលឃើញថា បានងាកមក ចាប់ដៃគ្នាជាមួយនិងក្រុមហ៊ុនផលិតរថយន្តនៅក្នុងស្រុកជាច្រើន ដើម្បីធ្វើការអភិវឌ្ឍបច្ចេកវិទ្យាថ្មីៗ សម្រាប់ប្រើប្រាស់នាពេលអនាគត។ ហើយបន្ទាប់ពីធ្វើការងារមួយរយៈពេលនោះ ថ្ងៃនេះ យោងតាម ព័ត៌មានចុងងក្រោយមានការបញ្ជាក់ថា ក្រុមហ៊ុន Huawei និងដៃគូរបស់ខ្លួន AITO បានសម្រេចធ្វើការ ផ្លាស់ប្តូរឈ្មោះទៅលើម៉ូដែល Wenjie car មកជា Huawei Wenjie ជំនួយវិញហើយ។
នៅថ្ងៃនេះ ក្រុមហ៊ុន AITO បានបញ្ចេញនូវប្រូម៉ូសិនថ្មីមួយដោយបង្ហាញពី ‘Huawei Wenjie’។ បើតាម ការបង្ហោះនៅលើ Weibo គឺបានបញ្ជាក់ថា Huawei និង AITO បានចេញនូវសេចក្តីប្រកាសរួមគ្នាមួយ ដោយនិយាយថា ដៃគូរទាំងពីរ នឹងមានបង្ហាញវត្តមាននូវរថយន្តអគ្គិសនីថ្មីមួយសម្រាប់ម៉ូដែល Wenjie electric vehicles ជាមួយនិងការប្រើប្រាស់នូវបច្ចេកវិទ្យាថ្មីថែមទៀតផង។ បន្ថែមពីនេះ ក្រុមហ៊ុនទាំងពីរក៏បានបញ្ចេញនូវរូបភាព និង វីដេអូ ដែលមានការផ្សព្វផ្សាយទៅលើរថយន្តថ្មី ដែលមាននឈ្មោះថា Huawei Wenjie ថែមទៀតផង។
ទាក់ទងជាមួយនិងព័ត៌មាននេះ ក្រុមហ៊ុន Huawei បានចេញមកបញ្ជាក់ថា Wenjie គឺជាម៉ាកសញ្ញាថ្មី នៃរថយន្តអគ្គិសនី ដែលមានការប្រើប្រាស់នូវប្រព័ន្ធឆ្លាតវៃ Huawei ecosystem electric ដែលអភិវឌ្ឍដោយក្រុមហ៊ុន Huawei ហើយនៅក្នុងនោះ ក្រុមហ៊ុនបច្ចេកវិទ្យាយក្សរបស់ចិនមួយនេះ ក៏មានការផ្តល់នូវដំណោះស្រាយទៅលើប្រព័ន្ធបច្ចេកវិទ្យាជាច្រើនន ដែលបូករួមទាំង Electrification ហើយនិង Smart Components ទៀតផង។
ប្រភពព័ត៌មានខាងលើនេះបានវន្តថា កិច្ចសហការរវាងក្រុមហ៊ុនទាំងពីរ គឺមានការផ្តោតទៅលើការផលិត ទៅលើរថយន្ត និងការផ្តល់នូវបទពិសោធន៌ថ្មីៗសម្រាប់អ្នកប្រើប្រាស់ រួមជាមួយនិងការត្រួតពិនិត្យទៅលើ គុណភាព ហើយនិងការស្វែករកទីផ្សារ ព្រមទាំងការបង្កើតគំនិតថ្មីសម្រាប់ការដាក់លក់អោយបានកាន់តែ ល្អ។
