ក្រុមហ៊ុន GMC ទើបតែបានប្រកាសចេញកង់អគ្គិសនីស៊េរីថ្មីម៉ូដែល Hammer EV AWD e-Bike។ សមត្ថផលកង់អគ្គិសនីស៊េរីថ្មីនេះ គឺជាសមត្ថផលនៃការអភិវឌ្ឍន៍រួមគ្នារវាក្រុមហ៊ុន GMC និង Recon Power Bikes ដែលបានផ្តល់នូវថាមពលកំលាំងដល់ 2,400W សម្រាប់កង់អគ្គិសនីស៊េរីថ្មីមួយនេះ។ GMC Hammer EV AWD e-Bike បានបំពាក់មកនូវម៉ូទ័រអគ្គិសនីកំលាំង 750W ចំនួន 2 ដែលផ្តល់នូវកំលាំងចលនារង្វិលបាន 260nm (ញ៉ូតុនម៉ែត្រ) និងល្បឿនអតិបរិមាខ្ពស់បំផុតដល់ 45Km/h។ កង់អគ្គិសនីស៊េរីថ្មីនេះមានថ្មផ្ទុកចរន្តអគ្គិសនីទំហំ 17.5Ah ដែលផ្តល់ថាមពលពេញជិះបានចំនាយបាន 80 គីឡូម៉ែត្រ។
.jpg)
GMC e-Bike បាននឹងកំពុងចាប់ផ្តើមធ្វើទំនើបកម្មកង់អគ្គិសនីដំបូងក្នុងលោក “World’s First Super-electronic bike”។ ជាមួយ Bafang Motor 48Ah/750W ចំនួនពីរដែលធ្វើឲ្យល្បឿនអតិតបរិមារបស់ Hammer EV AWD e-Bike រត់ល្បឿនអតិបរិមាបានដល់ 28 ម៉ាយល៍ក្នុងមួយម៉ោង។ នៅលើកង់អគ្គិសនីថ្មីនេះ មានជម្រើសក្នុងការបើកបរចំនួន 3 របៀប ក្នុងនោះ Power Consumption mode ប្រើសម្រាប់កាត់បន្ថយការប្រើប្រាស់ថាមពលនៅពេលរមូលទាញជាមួយកងផ្នែកខាងក្រោយ, Traction Mode ប្រើសម្រាប់ជំនួយដល់កង់ផ្នែកខាងមុខមុននៅពេលស្ថិតនៅលើស្ថានភាពផ្លូវលំបាក និង Adrenaline Mode ប្រើសម្រាប់ជំនួយដល់ការរមូលកងទាំងមុខ និងខាងក្រោយដែលភាសាបច្ចេកទេសហៅថា AWD។
ក្រៅតែពីម៉ូដែលដែលមានអាគុយផ្ទុកថាមពល 17.5Ah ទៅកង់អគ្គិសនីស៊េរីថ្មី GMC e-Bike ក៏នៅមានជម្រើសម៉ូដែលអាគុយផ្ទុកថាមពលកំលាំង 21Ah ផងដែរ ដែលជាម៉ូដែល High-Range។ នៅលើដៃកង់ស៊េរីថ្មីនេះមានដំឡើងជាមួយអេក្រង់ទំហំ 4-inch សម្រាប់ធ្វើការកំនត់តាមដាន និងគ្រប់គ្រងលើមុខងារមួយចំនួនរបស់កង់។ សម្រាប់ប្រព័ន្ធសុវត្ថិភាពវិញ GMC Hammer EV e-Bike មាននូវប្រព័ន្ធបហ្រ្វាំងថាស four-piston hydraulic brake system និង suspension fork នៅផ្នែកកង់ខាងមុខ។ ហើយសម្រាប់អេក្រង់ LCD Color ទំហំ 4-inch ក៏ប្រើសម្រាប់ពិនិត្យរាល់ព័ត៌មាននៅពេលជិះ និងព័ត៌មានភាគរយថ្មផងដែរ។
GMC Hammer EV e-Bike ដែលបំពាក់អាគុយអគ្គិសនីទំហំ 17.5Ah គឺមានតម្លៃខ្ទង់ $3,999 រីម៉ូដែលបំពាក់អាគុយអគ្គិសនីទំហំ 21Ah ដែលជា High-range មានតម្លៃខ្ទង់ $4,175។ សម្រាប់អតិថិជននៅទីផ្សារសហរដ្ឋអាមេរិក ទទួលបានការដឹងជញ្ចូលដល់ដៃដោយពុំគិតថ្លៃសេវានោះឡើយ ហើយការនាំចេញត្រូវបានគេរំពឹងថា នឹងចាប់ផ្តើមធ្វើឡើងនៅក្នុងខែធ្នូ 2022 នេះទៅ។ យ៉ាងណាមិញសម្រាប់ការចេញលក់នៅលើទីផ្សារប្រទេសផ្សេងក្រៅពីសហរដ្ឋអាមេរិក ក្រុមហ៊ុនមិនទាន់បង្ហើបឲ្យដឹងនៅឡើយទេ៕
