Fang Cheng Boa គឺជាក្រុមហ៊ុនផលិតរថយន្តស្ថិតក្រោមការគ្រប់គ្រងរបស់ BYD ក្រុមហ៊ុនបុត្រសម្ព័ន្ធមួយនេះ គឺមានជំនាញ និងបទពិសោធន៍ទៅលើការរចនារថយន្តផ្ទាល់ខ្លួន ហើយក៏ជាក្រុមហ៊ុនដែលផលិតរថយន្តបែបប្រណិត រឹងមាំ និងទំនើបមួយរបស់ BYD ផងដែរ។
ក្រោមហ៊ុននេះ គឺផ្តោតទៅលើការរចនាផលិតស្រឡាយរថយន្តបែបទស្សនាចរណ៍ រថយន្តសម្រាប់ការបោះតង់ រថយន្ត off-road និងរថយន្តប្រភេទ Supercar ជាដើម។ ម៉ាកយីហោរថយន្ត Fang Cheng Boa ត្រូវបានប្រកាសដំបូងនៅថ្ងៃទី 16 ខែ សីហា ក្នុងឆ្នាំ 2023 ហើយមកទល់នឹងពេលបច្ចុប្បន្ន Fang Cheng Boa លក់រថយន្តបានចំនួន 25,000 គ្រឿង ដែលតម្លៃរថយន្តចាប់ពីខ្ទង់ $45,450។
ម៉ាកយីហោរថយន្ត Fang Cheng Boa បានបង្ហាញវត្តមានយ៉ាងល្អ និងបង្កើនឥទ្ធិពលរបស់ខ្លួនបានយ៉ាងឆាប់នៅក្នុងឧស្សាហកម្មរថយន្ត។ ហើយនៅពេលនេះក្រុមហ៊ុននេះ មានគម្រោងក្នុងការប្រកាសចេញរថយន្តស៊េរីថ្មីរបស់ខ្លួនបន្ថែមទៀត។ ស្រឡាញរថយន្តស៊េរីថ្មីនឹងផ្តល់ជូននៅជម្រើសផ្សេងៗ រួមនឹងតម្លៃផងដែរ។
បច្ចុប្បន្ន Fang Cheng Boa បាននឹងកំពុងធ្វើការលើគម្រោតផលិតរថយន្ត “2+X” ដោយលេខ “2” សំដៅទៅលើការផលិតស្រឡាយរថយន្តពីរប្រភេទ គឺប្រភេទ off-road និងប្រភេទ Sport Car ចំនែក “X” សំដៅទៅលើការផលិតរថយន្តម៉ូដែលពិសេសរបស់ក្រុមហ៊ុន គឺប្រភេទរថយន្ត SUV និង Sedan ដែលផ្អែកទៅលើទម្រង់នៃការឌីស្សាញរបស់ស័្ពររបស់ខ្លួន។
កាលពីខែមេសា Fang Cheng Boa បានធ្វើការប្រកាសចេញរថយន្តស៊េរីថ្មីរបស់ខ្លួនចំនួន 3 ស៊េរីនៅក្នុងព្រឹត្តិការណ៍ “Spring Launch Event” ដែលរថយន្តស៊េរីថ្មីទាំងបីស៊េរីនោះរួមមានម៉ូដែល Leopard 8 ដែលជាប្រភេទរថយន្ត Flagship off-road, Super 3 ដែលជារថយន្តប្រភេទអគ្គិសនី urban SUV និង Super 9 ដែលជារថយន្តដ៏មានអនុភាពប្រភេទ Super Sport car។
រថយន្តស៊េរីថ្មីទាំងបីស៊េរីនេះ គឺជាការបង្ហាញពីការប្តេជ្ញាចិត្តរបស់ Fang Cheng Boa ទៅលើការរក្សាអត្តសញ្ញាណនៃការរចនារថយន្តផ្ទាល់ខ្លួនដែលមានលក្ខណៈពិសេសប្លែកៗពីម៉ាករថយន្តផ្សេង និងប្រើបំពាក់់នូវបច្ចេកវិទ្យាទំនើបរបស់ក្រុមហ៊ុនមេ គឺ BYD។
អ្នកស្រី Xiong Tianbo អ្នកគ្រប់គ្រងទូទៅនៃក្រុមហ៊ុន Fang Cheng Boa បានប្រកាសថា Fang Cheng Bao នឹងបញ្ចេញលក់ម៉ូដែលរថយន្តថ្មីទាំងនេះចាប់ផ្តើមនៅត្រីមាសទី 4 នៃឆ្នាំនេះ។ ការផ្តោតសំខាន់របស់ Fang Cheng Boa ទៅលើការចូលរួមរបស់អ្នកប្រើប្រាស់ ការរចនាប្រកបដោយភាពច្នៃប្រឌិត និងការកំណត់តម្លៃដ៏ល្អសន្យាថានឹងពង្រឹងវត្តមានយីហោរថយន្តរបស់ខ្លួននៅលើទីផ្សារ និងទាក់ទាញអ្នកប្រើប្រាស់បានកាន់តែច្រើន។
Fang Cheng Bao គ្រោងនឹងកែសម្រួលតម្លៃរបស់ខ្លួន ដើម្បីទាក់ទាញអ្នកទិញសំខាន់ៗបន្ថែមទៀត ដោយផ្តោតលើរថយន្តដែលមានតម្លៃប្រហែល 200,000 យាន់ ឬខ្ទង់ $27,600។ បន្ថែមពីលើការពង្រីកស្រឡាយផលិតផលរថយន្តរបស់ខ្លួន Fang Cheng Bao ក៏បាននឹងកំពុងពង្រឹងបណ្តាញចែកចាយរបស់ខ្លួនផងដែរ។ ដោយក្រុមហ៊ុនបានបង្កើតហាងលក់រថយន្តផ្ទាល់ខ្លួនបានជិត 200 ហាង។ ហើយក្រុមហ៊ុនមានគម្រោងពង្រីកបណ្តាញចែកចាយរបស់ខ្លួនបន្ថែមទៀត ជាពិសេសនៅក្នុងតំបន់ភាគពាយ័ព្យនៃប្រទេសចិន ដែលជាទីតាំងដ៏មានប្រជាប្រិយភាពខ្លាំង។
ទីផ្សាររីកចម្រើនយ៉ាងឆាប់រហ័ស និងការពង្រីកយុទ្ធសាស្ត្ររបស់ Fang Cheng Boa បានគូសបញ្ជាក់ពីមហិច្ឆតារបស់ខ្លួនក្នុងការបង្កើតវត្តមានកាន់តែខ្លាំងក្លានៅក្នុងផ្នែកយានយន្ត off-road និងរថយន្តសម្រាប់ប្រើក្នុងទីក្រុង urban vehicle៕
