ក្រុមហ៊ុនផលិតរថយន្តអគ្គិសនីជួរមុខរបស់ប្រទេសចិន BYD បានប្រកាសជាផ្លូវការណ៍ថា ក្រុមហ៊ុននឹងធ្វើការប្រកាសចេញលក់ផ្លូវការណ៍នៅរថយន្តស៊េរីថ្មី BYD Song L នៅថ្ងៃទី 15 ខែធ្នូ ឆ្នាំ 2023 សម្រាប់ទីផ្សារប្រទេសចិន។ រថយន្តអគ្គិសនីប្រភេទ Mid-size SUV ស៊េរីថ្មីនេះត្រូវបានក្រុមហ៊ុនប្រកាសទទួលការបញ្ជាទិញមុន (Pre-Order) កាលពីថ្ងៃទី 31 ខែតុលា កន្លងទៅ ដោយមានតម្លៃចន្លោះពីខ្ទង់ប្រហែល $30,600 ទៅ $39,000 នៅប្រទេសចិន។
បើតាមការប្រកាសបញ្ជាក់ពី BYD បានឲ្យដឹងថា ចាប់តាំងពីថ្ងៃប្រកាសទទួលការបញ្ជាទិញមកទល់នឹងពេលនេះ Song L គឺក្រុមហ៊ុនទទួលបានចំនួន 11,000 គ្រឿង។ BYD Song L គឺជាប្រភេទរថយន្តអគ្គិសនី Mid-size SUV ដែលមានការរចនាឡើងយ៉ាងប្រណិតទំនើបទាន់សម័យ។ រថយន្តនេះ មានប្រវែងបណ្តោយ 4,850mm, ទទឹង 1,950mm, កម្ពស់ 1,560mm និងប្រវែងគម្លាតពីកង់មកទៅកង់ក្រោយ 2,930mm។
រថយន្តអគ្គិសនី SUV ខ្នាតតូចស៊េរីថ្មីរបស់ BYD មួយនេះត្រូវបានផលិតឡើងដោយឈរនៅលើគ្រោងឆ្អឹងប្រភេទ e-Platform 3.0 របស់ BYD ផ្ទាល់។ BYD បានផ្តល់នូវជម្រើសប្រើប្រាស់ម៉ូទ័រអគ្គិសនីមួយ Single-Motor ដែលមានកំលាំង 150kW និងប្រើម៉ូទ័រអគ្គិសនីពីរ Dual-Motor មានកំលាំង 230kW៕
